Yub me Cukul pi Cabit ma Cakke i Januari 14

CABIT MA CAKKE I JANUARI 14

Wer 63 ki Lega

□ Cokke me Kwano Baibul:

lr dul 29 (Dak. 30)

□ Cukul me Tiokraci:

Kwano Baibul: Matayo 7-11 (Dak. 10)

Nam. 1: Matayo 10:24-42 (Dak. 4 nyo ma pe o)

Nam. 2: Bed Ryek, dok Pe Ilub Kor Gin Atata—1 Cam. 12:21; Car. 23:4, 5 (Dak. 5)

Nam. 3: Opore Piwa me Lega pi Jami Ango?—rs-E pot 294 para. 4–pot 295 para. 3 (Dak. 5)

□ Cokke me Ticwa:

Wer 73

Dak. 10: Mi Kony i Yo ma Tiyo. Pwony man jenge i buk me Ministry School, pot karatac 188, paragraf 4, me o i pot karatac 189. Wiye wiye peny dano mo ma odongo i yo me cwiny pi miti ma dano gunyuto i kome.

Dak. 10: Ngo ma Wapwonyo? Pwony ki lapeny. Kwan Matayo 4:1-11. Wunywak tam i kom kit ma ginacoya man twero konyowa kwede i tic me pwony.

Dak. 10: “‘Mi Caden Kore ki Kore.’” Lapeny ki lagam.

Wer 92 ki Lega

1. Lanen maber ango ma lakwena Paulo omiyo i tic me pwony?

¹ ‘Cob ticci ducu kakare.’ (2 Tem. 4:5) Lakwena Paulo onongo tye ki tekcwiny me miyo tira man bot Temceo. Adada, i kine ka mwaka 47 ki 56 K.M., Paulo onongo dong otyeko wotte macalo lamiconari tyen adek kulu. Buk me Tic pa Lukwena onwoyo tyen mapol kit ma Paulo omiyo kwede caden kun tito lok “ducu kikore.” (Tic 23:11; 28:23) Watwero timo kit meno i kareni nining?

2. I yo ango ma watwero miyo caden kore ki kore ka watye ka tito kwena i ot ki ot?

² I Ot ki Ot: I tutewa me nongo jo ma pud peya guwinyo kwena maber-ri, mitte ni walim dano i cawa mapat pat. Twero bedo ni won ot nonge gang otyeno nyo i tum pa cabit. Myero watem lok ki dano i paco acel acel ma wao iye, kun wadok cen ka ma pe wanongo iye dano. Ka tuteni me nongo ngat moni pe onyako nyige kono? Romo bedo ni coyo waraga nyo goyo cim bote bikelo adwogi maber.

3. Kare maber ango ma itye kwede me miyo caden i dye lwak ki ma pe iyubbe iye?

³ Miyo Caden i Dye Lwak ki ma Pe Wayubbe Iye: Lutic pa Jehovah i kareni gimiyo ngec i kom “ryeko” me ada bot jo ducu ma giye winyo lok. I kine mukene man timme i “yo gudo-gu” nyo “i cuk.” (Car. 1:20, 21) Ka watye ka timo ticwa me nino ducu, mono wabedo atera me miyo caden? Tika kiromo wacci wan ‘wamine ka tito lok’? (Tic 18:5) Ka kumeno, ci nongo watye ka cobo ticwa me ‘miyo caden kore ki kore.’—Tic 10:42; 17:17; 20:20, 21, 24.

4. I yo ango ma lega ki lwodo lok konyowa kwede me miyo caden kore ki kore?

⁴ I kare mukene goro ma watye kwede nyo lewic miyo waling woko dok pe wamiyo caden. Adada, Jehovah gire niang gorowa. (Jab. 103:14) Ento ka kare ma kit meno onen, watwero lega bote pi tekcwiny me lok labongo lworo. (Tic 4:29, 31) Dok bene, ka watye ka kwan piwa kenwa ki lwodo Lok pa Lubanga, watwero keto cwinywa i kom dongo pwocwa pi ber pa kwena maber-ri. (Pil. 3:8) Man bicuko cwinywa me titone ki mit kom!

5. Watwero nywako i cobbe pa lok pa lanebi Joel nining?

⁵ Lok pa lanebi Joel otito ni ma peya nino madit ma kelo lworo pa Jehovah obino, jo pa Lubanga gibimedde ki ‘wot i yogi’ dok pe gibiweko gin mo gengogi ki tito kwena. (Joel 2:2, 7-9) Dong, wan ducu myero waket tek i tic man me miyo caden ma pe dok kibinwoyone-ni!