Pingo In Imaro Woro me Ada?

Ginanyuta pa Ejekiel i kom ot pa Lubanga omiyo gen bot Lujudaya ma gitye i opii ni kibiroco woro me ada. I kare man me agikki-ni, woro me ada tye ocung ka maleng “macalo got mabor makato godi ducu,” dok wan watye i kin jo me rok ducu ma gumol iye. (Ic 2:2) Tika ikwanyo kare me tam i kom mot madit ma itye kwede me ngeyo Jehovah ki tic pire?

MOT MA WANONGO PI WORO ME ADA:

• 

  Watye ki cam me cwiny muromo dok man miyowa lagam pi lapeny ma pigi tego i kwo, tirowa i yo me kwo maber, dok miyowa gen pi anyim.​—Ic 48:17, 18; 65:13; Rom 15:4

• Watye ki mar i kinwa macalo utmege ma ginonge i lobo ducu.​—Jab 133:1; Jon 13:35

• Watye ki mot me bedo lutic kacel ki Lubanga i tic me tito kwena.​—Tic 20:35; 1Kor 3:9

• “Kuc pa Lubanga” ma jingowa i kare me peko.​—Pil 4:6, 7

• Cwinywa pe pidowa.​—2Tem 1:3

• Mot me ‘bedo lurem Jehovah.’​—Jab 25:14

I yo ango ma an atwero nyutone ni amaro woro me ada?