PWONY ME 1

Cak Lokki i Yo ma Gudo Cwiny Dano

Tic pa Lukwena 17:22

GIN ME ATIMA: Kit ma ibicako kwede lokki myero otug miti pa dano, onyut pen lokki, ki dok onyut gin mumiyo jo ma tye ka winyi omyero gubed ki miti iye.

KIT ME TIMONE:

Tug miti pa dano. Yer lapeny, lok mo, gin mutimme i kwo, nyo lok angeya manyen ma bigudo cwiny jo ma tye ka winyo lokki.

Yubbe con kun itamo matut i kom ngo ma gudo cwiny jo ma biwinyo lokki ki par ma gitye kwede, ci icak lokki ma lubbe ki jami magi.
Nyut pen lokki. I acakki me pwony-nyi nyut ka maleng pen lokki ki tyen lok me pwony-nyi bot jo ma tye ka winyi.
Nyut gin mumiyo lokke pire tek. Wek lokki obed me kony bot jo ma tye ka winyi. Omyero guniang maber kit ma lokki twero konyogi kwede.

Ka itye ka yubo pwony pi lwak, penye kekeni ni, ‘Peko ango ma omege ki lumege me kacokke gitye ka wok ki iye?’ Ci cak lokki i yo ma rwatte ki kwo ma gitye ka wok ki iye.