PWONY ME 12

Nyut ni Iparo pi Dano

1 Jo Tecalonika 2:7, 8

GIN ME ATIMA: Lok i yo ma nyuto ni imaro dano dok iparo pigi.

Tam pi jo ma biwinyo lokki. Yub cwinyi kun itamo i kom pekki ma gitye ka kemme kwede. Temme me niang kit ma giwinyo kwede.
Yer lokki ki diro. Yelle me kweyo cwiny ki dwoko kero pa jo ma tye ka winyo lokki. Gwokke ki loko lok ma romo cwero cwinygi, dok pe ilok i yo ma nyuto cac i kom jo ma pe giworo Jehovah nyo niyegi.
Nyut miti i komgi. Nyut ni iparo pi jo ma tye ka winyo lokki kun iloko i yo me kica dok itiyo ki cingi i yo mupore. Nyut cwiny me lirem kun ibwunyo kare ki kare.

Ka itye ka lok nyo kwan, pe imed kado iye tutwal wek lwak pe guket tamgi i komi aye. Ento nyut kit ma iwinyo kwede ki i cwinyi kikome. Yelle matek me lok bot lwak i yo me mar ki kica.