Lanen me Mar pa Lubanga

1. Kit me nyuto mar, Jehovah pwonyowa,

Nyutiwa, yo mere.

I ticce ducu, en ocimiwa yo

Me nyuto mar, yone me mar.

Omiyo Wode, ma en maro loyo

Me umo balwa, kun timiwa kica.

Man lanen me mar​—ma pud dong dit loyo!

Yone en mar, Yo pa Won en mar.

2. I lubo yone, marwa pi luwotwa

Bibedo me ada,

Wangwa biyabbe me konyo utmego,

Kadi ginyen, nyo jo macon.

Mar pi Lubanga, ki mar pi utmego,

Giwoto kacel, wanyuto gin ducu.

Bal pa luwotwa, waumo ki yomcwiny,

Wanyuto mar, Mar me omego.

3. Lanen man me mar miyo wan wanote

Wan ducu, wan acel.

Wonwa me polo, lwongowa ki yomcwiny:

“Wubin wubil note ada.”

Wanywaku i mar, ki yomcwiny pa jone;

Cwiny ki lok mere, konyo me lonyowa.

Omege, lurem, ducu poyo wiwa,

Yo pa Rwot mar. Jehovah en mar.