PWONY ME 13

Nyut Kit me Keto Pwony i Tic

Carolok 3:21

GIN ME ATIMA: Kony jo ma tye ka winyo lokki me niang kit ma pwony-nyi gudo kwede kwogi, dok inyut botgi kit me keto pwony meno i tic.

Tam pi jo ma biwinyo lokki. Lwod lok i kom gin mumiyo jo ma biwinyo pwony-nyi myero guwiny lok ma ibinywakone, ki ngo ma bikonyogi.
I kare me pwonyi ducu nyut ngo ma dano myero gutim. Cakke ki i acakki me pwony-nyi, ngat acel acel ma tye ka winyi myero oniang ni, ‘Lok man bikonya.’ Ka iwoto ki nyamo wi lok acel acel, nyut kit me ketone i tic. Gud kom lok kikome, ento pe ibo aboya.

Lok i yo me mar ki kica kun inyuto kit me keto cik ma igi lac me Baibul i tic. Ma ka lok i yo ma weko cwiny dano pidogi, jing mar ki niyegi, kun inyuto gen ni cwinygi biterogi me timo gin matir.