LAPENY MA KIGAMO ME BAIBUL
Tika gen mo tye pi jo muto?
Ngat ma oto bedo calo onino anina dok pe twero timo gin mo keken. Ento, Lacwecwa twero cero ngat ma oto. Watwero moko lok man pien Lubanga omini Yecu teko me cero jo muto.—Kwan Latitlok 9:5; Jon 11:11, 43, 44.
To mono obedo calo nino nining?
Lubanga ocikke ni jo muto ma wiye pud po i komgi kibicerogi woko me kwo i lobo manyen ka ma kit ma atir bedo iye. Jo ma kibicerogi gibibedo i lyel wang ma Lubanga ominigi kwo manyen. Lubanga Won Twer Ducu tye ki miti madit me tic ki tekone me cero jo ducu ma guto.—Kwan Yubu 14:14, 15.
Nicer bibedo nining?
Ka Lubanga ocero dano, gibibedo ki kero me ngeyo komgi, luremgi, ki dong lupacogi. Kadi bed ni kom dano top woko, Lubanga twero cero ngat meno ki kom manyen.—Kwan 1 Jo Korint 15:35, 38.
Jo manok keken aye kibicerogi me cito i polo. (Niyabo 20:6) Pol pa jo ma kibicerogi gibikwo i paradic, i lobo kany. Jo magi gibicako kwo odoco ki gen me kwo pi naka.—Kwan Jabuli 37:29; Tic pa Lukwena 24:15.