Nyamo Lapeny me Cukul me Tiokraci

Lapeny magi gibinyamogi i Cukul me Tiokraci i cabit ma cakke i Febuari 25, 2013. Nino dwe ma kibinyamo iye pwony moni kinyuto i ka nget lapeny acel acel, wek wakwed lok ka watye ka yubbe pi cukul cabit ki cabit.

1. Pingo Yecu owaco ni “jo ma kumo” cwinygi bibedo yom? (Mat. 5:4) [Jan. 7, w09-E 2/15 pot 6 para. 6]

2. I lega ma Yecu opwonyo ki lupwonnyene, tyen lok ni: “Pe iterwa i abita” obedo ngo? (Mat. 6:13) [Jan. 7, w04-E 2/1 pot 16 para. 13]

3. Pingo Yecu owaco ni lupwonnyene pe gibiwot giromo piny ducu ki pwonygi “ma nongo peya Wod pa dano obino”? (Mat. 10:23) [Jan. 14, w10-E 9/15 pot 10 para. 12; w87-E 8/1 pot 8 para. 6]

4. Jami aryo ango ma lapor pa Yecu i kom kodi karadali nyuto? (Mat. 13:31, 32) [Jan. 21, w08-E 7/15 pot 17-18 para. 3-8]

5. Pwony ango ma Yecu onongo tye ka miyone i kare ma owacci: “Ka pe wulokke wudoko macalo litino, pe wubidonyo i ker me polo wacel”? (Mat. 18:3) [Jan. 28, w07-E 2/1 pot 9-10 para. 3-4]

6. Tyen lok ma Yecu owaco ni “in iwaco giri kit meno” obedo ngo? (Mat. 26:63, 64) [Feb. 11, w11-E 6/1 pot 18]

7. Pingo kilwongo Yecu ni “rwot me cabit”? (Mar. 2:28) [Feb. 18, w08-E 2/15 pot 28 para. 7]

8. Pingo Yecu ogamo lok kit man i kom mine ki omegine, dok man pwonyowa gin ango? (Mar. 3:31-35) [Feb. 18, w08-E 2/15 pot 29 para. 5]

9. Kit ma kicoyo kwede i Marako 8:22-25, pingo Yecu pe oyabo wang laco ma wange oto-ni cutcut ento owok i dul aryo, dok wan watwero pwonyo gin ango ki iye? [Feb. 25, w00-E 2/15 pot 17 para. 7]

10. Ngo ma wapwonyo ki i yo ma Yecu odok kwede i lok me juk pa Petero i Marako 8:32-34? [Feb. 25, w08-E 2/15 pot 29 para. 6]