Yesaya

64 Ke o ma hia hiɔwe ɔ mi, nɛ o ma kple si kɛ ba,

Konɛ yoku ɔmɛ nɛ a mimiɛ ngɛ o he je,

 2 Kaa bɔ nɛ la sãã lɛ tsɔwi,

Nɛ la haa nɛ nyu fiaa a,

Lɛɛ o he nyɛli ɔmɛ maa le o biɛ ɔ,

Nɛ je ma amɛ a he maa do blibliibli ngɛ o hɛ mi!

 3 Benɛ o pee nyakpɛ níhi nɛ wa hyɛ we blɔ ɔ,

O kple si kɛ ba nɛ yoku ɔmɛ mimiɛ ngɛ o hɛ mi.

 4 Kɛ je blema lokoo ɔ, nɔ ko nɔ ko nui nɛ nɔ ko nɔ ko bui tue,

Nɛ hɛngmɛ ko hu nɛ Mawu ko, ja mo pɛ,

Mo lɛ o yeɔ kɛ buaa nihi nɛ a yaa nɔ nɛ a hyɛɛ mo blɔ ɔ.*

 5 O kɛ nihi nɛ a kɛ bua jɔmi peeɔ nɔ́ nɛ da kpe.

Nihi nɛ a kaiɔ mo nɛ a nyɛɛɔ ngɛ o blɔ ɔmɛ a nɔ ɔ.

Hyɛ! O mi mi fu wawɛɛ be mi nɛ wa ya nɔ pee yayami ɔ,

Wa pee jã be babauu.

 6 Nɛ wɔ tsuo wa pee kaa nɔ ko nɛ e he tsɔ we,

Nɛ nɔ́ nɛ da nɛ wa pee ɔ tsuo ngɛ kaa bo nɛ yo nɛ ku nine kɛ dla e he.

Wɔ tsuo wa ma ngla kaa ba,

Nɛ wa tɔmi ɔmɛ maa muɔɔ wɔ kɛ ho kaa kɔɔhiɔ.

 7 Nɔ ko nɔ ko be nɛ ngɛ o biɛ tsɛe,

Nɛ nɔ ko nɔ ko bɔɛ e he mɔde kaa e maa pɛtɛ o he,

Ejakaa o ngɔ o hɛ mi kɛ laa wɔ,

Nɛ o ha nɛ wa gbɔjɔ* ngɛ wa yayami ɔ he je.*

Zu ji wɔ, nɛ mo ji wa Puɛlɔ;*

Wɔ tsuo wa ji o nine nya ní tsumi.

 9 Oo Yehowa, o mi mi nɛ ko fu wawɛɛ,

Nɛ ko kai wa yayami ɔ kɛ ya neneene.

Zion ba plɛ pee nga nɔ,

Yerusalem plɛ pee zugba nɛ se nami be he.

11 Wa we* klɔuklɔu ɔ nɛ e hɛ mi ngɛ nyami ɔ,*

He nɛ wa nɛmɛ ɔmɛ je o yi ngɛ ɔ,

A kɛ la sã lɛ,

Nɛ níhi nɛ a he jua wa a tsuo hɛ mi kpata.