La
106 Nyɛ je Yah yi!*
Nyɛɛ na Yehowa si, ejakaa e hi;
E suɔmi nɛ se pui ɔ ngɛ kɛ yaa neneene.
2 Ní nguanguahi tsuo nɛ Yehowa pee ɔ, mɛnɔ ma nyɛ maa jaje?
Nɛ níhi tsuo nɛ a sa yi jemi nɛ e pee ɔ, mɛnɔ ma nyɛ maa fiɛɛ?
3 Nihi nɛ a yeɔ dami sane,
Nɛ́ a peeɔ nɔ́ nɛ da be fɛɛ be ɔ ngɛ bua jɔmi.
4 Oo Yehowa, ke o ngɛ o we bi ɔmɛ dlooe ɔ, mo kai mi.
Moo hyɛ ye nɔ nɛ o he ye yi wami,
5 Konɛ kpakpa nɛ o peeɔ nihi nɛ o hla a, ma na e mi ngɔɔmi ɔ,
Nɛ́ ma piɛɛ o ma a he kɛ nya,
Nɛ́ ma piɛɛ o we bi ɔmɛ a he nɛ wa kɛ je o yi kɛ bua jɔmi.*
6 Wa pee yayami kaa wa nɛmɛ ɔmɛ nɔuu;
Wa tɔ̃; wa pee yi wu tso ní.
7 Wa nɛmɛ ɔmɛ nɛ a hi Egipt ɔ bua jɔɛ o nyakpɛ ní tsumi ɔmɛ a he.*
A kaii we suɔmi nɛ se pui nɛ o je kpo kɛ tsɔɔ mɛ si abɔ ɔ,
Mohu ɔ, a tsɔ atuã ngɛ wo ɔ nya, ngɛ Wo Tsu ɔ nya.
8 Se e biɛ ɔ he je ɔ, e he a yi wami,
Konɛ e ha nɛ a le e he wami ɔ.
9 E kã Wo Tsu ɔ hɛ mi, nɛ e gbli;
E nyɛɛ a hɛ mi kɛ gu wo ɔ mi kaa nɔ́ nɛ nga kplanaa nɔ lɛ a ngɛ nyɛɛe;
10 E he a yi wami ngɛ a he nyɛlɔ ɔ dɛ mi,
Nɛ e kpɔ̃ mɛ ngɛ he nyɛlɔ ɔ dɛ.
11 Nyu babauu ɔ ha a he nyɛli ɔmɛ a nɔ;
A ti nɔ kake ngmelu po yi ná we wami.*
12 Kɛkɛ nɛ a ná hemi kɛ yemi ngɛ e si womi ɔ mi,
Nɛ a bɔni e yi jemi kɛ la.
13 Se e kɛ we kulaa nɛ a hɛ je nɔ́ nɛ e pee ɔ nɔ;
A mlɛ we e blɔ tsɔɔmi.
14 A ha nɛ níhi nɛ mɛ nitsɛmɛ a suɔ ɔ ná a nɔ he wami ngɛ nga a nɔ;
A ka Mawu ngɛ nga kplanaa a nɔ.
15 E ha mɛ nɔ́ nɛ a bi ɔ,
Se lɔ ɔ se ɔ, e ha nɛ hiɔ fia mɛ, nɛ a* gbɔjɔ nɛ a gbo.
16 A je Mose hunga ngɛ sito he ɔ,
Nɛ a je Aaron, Yehowa nɔ klɔuklɔu ɔ hu hunga.
17 Lɔ ɔ he ɔ, zugba a pã e nya mi, nɛ e mi Datan,
Nɛ e laa Abiram kɛ nimli asafo nɛ a piɛɛ e he ɔ a yi.
18 La tso ngɛ a kpɛti;
La lilɛ sã yiwutsotsɛmɛ ɔmɛ.
19 A pee na bi ngɛ Horeb,
Nɛ a kplã si ha dade amaga;
20 Hɛ mi nyami nɛ e sa nɛ a kɛ ha mi ɔ,
A kɛ ha na nɛ kpeɔ nga he amaga mohu.
21 A hɛ je Mawu nɛ ji a Yi Wami Helɔ ɔ nɔ,
Nɔ nɛ pee ní nguanguahi ngɛ Egipt ɔ,
22 Nɔ nɛ tsu nyakpɛ ní tsumihi ngɛ Ham zugba a nɔ,
Nɛ́ e pee gbeye níhi ngɛ Wo Tsu ɔ nya a.
23 Jinɛ e miɔ nɛ e ma fã nɛ a kpata a hɛ mi,
Se Mose, nɔ nɛ e hla a da mi ha mɛ ngɛ e hɛ mi*
Konɛ e* kpale e we abofu nɛ kpataa nɔ́ hɛ mi ɔ se.
24 Lɔ ɔ se ɔ, a gbe zugba kpakpa a he guɛ;
A ná we hemi kɛ yemi ngɛ e si womi ɔ mi.
25 A ya nɔ nɛ a tu munyu huitihuiti ngɛ a bo tsu ɔmɛ a mi;
A bui Yehowa gbi tue.
26 Lɔ ɔ he ɔ, e wo e nine nɔ nɛ e kã kita
Kaa e ma ha nɛ a gbo ngɛ nga a nɔ;
27 E ma ha nɛ a sisi bimɛ ɔmɛ ma gbo ngɛ je ma amɛ a kpɛti,
Nɛ e maa gbɛ mɛ kɛ fĩa zugba a nɔ tsuo.
29 A ngɔ a ní peepee ɔmɛ kɛ wo Mawu mi mi la,
Nɛ haomi te si ngɛ a kpɛti.
30 Se benɛ Finehas te si nɛ e tsu sane ɔ he ní ɔ,
Haomi ɔ se po.
31 Nɛ a da lɔ ɔ nɔ kɛ bu lɛ dalɔ
Ngɛ yi nɔhi tsuo a mi kɛ yaa neneene.
34 A kpataa we ni ɔmɛ a hɛ mi
Kaa bɔ nɛ Yehowa fã mɛ ɔ.
35 Mohu ɔ, a ya futu je ma amɛ,
Nɛ a kase a ní peepee ɔmɛ.
36 A ya nɔ nɛ a sɔmɔ a we amaga amɛ,
Nɛ enɛ ɔ ba pee klama ha mɛ.
37 A kɛ a binyumu ɔmɛ,
Kɛ a biyi ɔmɛ sã afɔle kɛ ha daimoniohi.
38 A ya nɔ nɛ a pue nɔ nɛ pee we nɔ́ ko muɔ si,
Mɛ nitsɛmɛ a binyumuhi kɛ a biyihi a muɔ
Nɛ a kɛ sã afɔle ha Kanaanbi ɔmɛ a we amaga amɛ;
Nɛ muɔ si puemi wo zugba a he mu.
39 A ní tsumi ɔmɛ wo a he mu;
A yi Mawu anɔkuale* kɛ gu a ní peepee ɔmɛ a nɔ.
40 Lɔ ɔ he ɔ, Yehowa mi mi fu e we bi ɔmɛ wawɛɛ,
Nɛ e we bi ɔmɛ a* he pee lɛ tai.
41 E ngɔ mɛ kɛ wo je ma amɛ a dɛ si abɔ,
Konɛ nihi nɛ nyɛɔ mɛ ɔ nɛ ye a nɔ.
42 A he nyɛli ɔmɛ wa mɛ yi mi,
Nɛ a ba mɛ si kɛ wo a he wami* sisi.
43 E kpɔ̃ mɛ si abɔ,
Se a tsɔɔ atuã nɛ a gboɔ tue,
Nɛ a ba mɛ si ngɛ a tɔmi ɔ he je.
44 Se e naa a nɔ́ nami ɔ,
Nɛ e nuɔ ya nɛ a foɔ kɛ biɔ yemi kɛ buami ɔ.
46 E haa nɛ a he peeɔ
Nihi tsuo nɛ nuu mɛ nyɔguɛ ɔ mɔbɔ.
47 Oo Yehowa wa Mawu, mo kpɔ̃ wɔ,
Nɛ́ o bua wa nya kɛ je je ma amɛ a mi,
Konɛ waa ngɔ sina kɛ ha o biɛ klɔuklɔu ɔ,
Nɛ́ waa kɛ bua jɔmi nɛ je o yi.
48 Á je Yehowa, Israel Mawu ɔ yi
Kɛ ya neneene.
Nɛ ma a tsuo nɛ a de ke, “Amen!”*
Nyɛ je Yah yi!*