Abɛ
16 Adesa toɔ e tsui mi susumihi a nya,
Se heto nɛ e haa a* jeɔ Yehowa ngɔ.
3 Ngɔɔ nɔ́ fɛɛ nɔ́ nɛ o peeɔ ɔ kɛ wo Yehowa dɛ,*
Nɛ o blɔ nya tomihi maa ye manye.
4 Nɔ́ fɛɛ nɔ́ nɛ Yehowa pee ɔ, e pee konɛ e ha nɛ e yi mi tomi nɛ ba mi,
Yiwutsotsɛ po ngɛ kɛ ha haomi ligbi ɔ.
5 Yehowa hiɔ nɔ fɛɛ nɔ nɛ woɔ e he nɔ ngɛ e tsui mi.
Mo ná nɔ mi mami* kaa a maa gbla e tue kokooko.
6 Suɔmi nɛ se pui kɛ anɔkuale yemi lɛ a kɛ kpataa ha tɔmi,
Nɛ Yehowa gbeye yemi haa nɛ nɔ jeɔ e he ngɛ yayami he.
7 Ke Yehowa bua jɔ nɔ ko ní peepee he ɔ,
E haa nɛ nɔ ɔ he nyɛli po kɛ lɛ hiɔ si ngɛ tue mi jɔmi mi.
8 Nɔ́ ko bɔbɔyoo nɛ dami piɛɛ he ɔ
Hi pe ní babauu nɛ a ná nɛ dami sane yemi piɛɛ we he.
9 Adesa ma nyɛ maa to níhi nɛ e suɔ nɛ e pee he blɔ nya ngɛ e tsui mi,
Se Yehowa ji nɔ nɛ kudɔɔ e nane hiamihi.
10 E sa nɛ yi mi kpɔ nɛ matsɛ maa mwɔ ɔ kɛ Mawu blɔ tsɔɔmi nɛ kɔ;
E sɛ nɛ e je dami sane yemi se kɔkɔɔkɔ.
11 Ní ngmɛmi níhi kɛ sɛnihi nɛ a da jeɔ Yehowa ngɔ;
Sɛni tɛhi tsuo nɛ ngɛ baagi ɔ mi ɔ ji e nine nya ní tsumi.
12 Matsɛmɛ hiɔ yi wu tso ní peepeehi,
Ejakaa dami lɛ haa nɛ matsɛ sɛ ɔ maa si kpɛii.
13 Matsɛmɛ a bua jɔɔ dami munyu he.
A suɔ nɔ nɛ e tuɔ anɔkuale.
15 Ke matsɛ na nɔ ko mɔbɔ ɔ, nɔ ɔ ma ná bua jɔmi ngɛ e si himi mi;
E dloomi ɔ ngɛ kaa bɔku nɛ haa nɛ hiɔmi nɛɛ ngɛ gbiɛ be mi.
16 Ke o ná juɛmi ɔ, e hi hluu pe sika tsu!
E hi kaa o ma ná nɔ́ sisi numi mohu pe sika hiɔ.
17 Dali a blɔ ɔ* gui he nɛ yayami ngɛ.
Nɔ nɛ hyɛɛ e je mi bami saminya a baa e wami* yi.
18 Nɔ nɛ woɔ e he nɔ ɔ maa nɔ si,
Nɛ nɔ nɛ ngɛ he nɔ womi mumi ɔ nane maa tɔ̃tɔ̃.
19 E hi kaa o maa ba o he si* ngɛ nihi nɛ a he jɔ a kpɛti
Pe nɛ o ma ná he nɔ woli a ta yibu ní ɔ eko.
20 Nɔ nɛ jeɔ nɔ́ se kɔmi kpo ngɛ sane mi ɔ maa ye manye,*
Nɛ nɔ nɛ ngɔɔ e hɛ kɛ fɔɔ Yehowa nɔ ɔ ngɛ bua jɔmi.
21 A ma tsɛ nɔ nɛ e ji juɛmitsɛ ngɛ e tsui mi ɔ ke nɔ́ sisi numi,
Nɛ nɔ nɛ tuɔ munyu ngɛ mi mi jɔmi mi ɔ,* e plɛɔ nɔ yi mi hulɔ.
22 Nɔ́ se kɔmi ji wami nyu hɛngmɛ kɛ ha nihi nɛ a ná a,
Se kuasiahi lɛɛ mɛ nitsɛmɛ a kuasia jemi lɛ tsɔseɔ mɛ.
23 Nɔ nɛ e le ní ɔ, e hyɛɛ e nya nɔ saminya,
Nɛ e munyu plɛɔ nɔ yi mi hulɔ.
24 Munyu ngɔngɔɛhi ngɛ kaa hwo gbaku,
E ngɔɔ ha klaa,* nɛ e tsaa wuhi.
25 Blɔ ko ngɛ nɛ e da ngɛ adesa hɛ mi,
Se nyagbenyagbe ɔ, e kɛ nɔ yaa gbenɔ mi.
27 Yaka nɔmlɔ tsuaa si kɛ hlaa nɔ́ yaya;
E munyu ngɛ kaa la nɛ sãa nɔ́.
29 Basabasa peelɔ sisiɔ e nyɛmi nɔmlɔ,
Nɛ e nyɛɛɔ e hɛ mi kɛ guɔ blɔ yaya nɔ.
30 Ke e ngɛ ga yaya toe ɔ, e fiaa e hɛngmɛ.
E kɔ̃ɔ e nya ke e ngɛ yayami pee.
31 Mua ji jlasi nɛ ngɛ fɛu*
Ke a ná ngɛ dami blɔ ɔ nɔ.
32 Nɔ nɛ e mi mi fu we mla a hi pe nyumu he walɔ,
Nɛ nɔ nɛ yeɔ e we abofu* nɔ ɔ hi pe nɔ nɛ ngɛ ma nɔ kunimi yee.
33 A fɔɔ sɔ kɛ pueɔ nɔ tɛ nɔ,
Se yi mi kpɔ nɛ a daa sɔ fɔmi ɔ nɔ kɛ mwɔɔ ɔ jeɔ Yehowa ngɔ.