Yesaya

 2 Ejakaa hyɛ! diblii maa ha zugba a nɔ,

Nɛ diblii kpii maa ha je ma amɛ a nɔ;

Se moo lɛɛ, Yehowa ma kpɛ ngɛ o nɔ,

Nɛ a maa na e hɛ mi nyami ɔ ngɛ o nɔ.

 3 Je mahi maa ya o la a he,

Nɛ matsɛmɛ maa ba o hɛ mi nyami* nɛ ngɛ kpɛe ɔ he.

O binyumu ɔmɛ je tsitsaa lokoo kɛ ngɛ bae,

Nɛ a kpa o biyi ɔmɛ ngɛ a kasa he kɛ ma.

 5 Jamɛ a be ɔ mi ɔ, o maa na nɛ o bua maa jɔ,

Nɛ o tsui ma si ngɛ o mi nɛ o bua maa jɔ kɛ be nɔ,

Ejakaa a ma ha nɛ wo ɔ mi juetli ɔmɛ maa ba o ngɔ;

Je ma amɛ a ní kpakpa amɛ maa ba o ngɔ.

 6 O zugba a nɔ* ma hyi tɔ kɛ afukpɔngɔhi,

Midian kɛ Efa we afukpɔngɔ ku wawi.

Nihi nɛ a je Sheba tsuo maa ba;

A maa tloo sika tsu kɛ ohɛ kɛ ba.

A maa ngɔ mɛ kɛ ba ye we afɔle sami latɛ ɔ nɔ, nɛ ma kplɛɛ a nɔ,

Nɛ ma ha nɛ ye we ɔ nɛ hɛ mi ngɛ nyami ɔ* maa pee fɛu.

 8 Mɛnɔmɛ lɛ a ngɛ tee kɛ ma kaa bɔku ɔ,

Kaa beleku lahuɛhi nɛ a ngɛ tee kɛ yaa a tsu he ɔ?*

 9 Ejakaa ye nɔ lɛ zugba kpɔhi nɛ nyu bɔle mɛ ɔ maa ngɔ a hɛ kɛ fɔ;

Tarshish mele ɔmɛ sɛ hlami,*

Konɛ e ya ngɔ o bimɛ ɔmɛ kɛ je tsitsaa kɛ ba,

A kɛ a sika hiɔ ɔmɛ kɛ a sika tsu ɔmɛ.

A kɛ ma ba ha Yehowa o Mawu ɔ biɛ ɔ, kɛ Israel Nɔ Klɔuklɔu ɔ,

Ejakaa e maa wo o hɛ mi nyami.*

10 Ma se bi maa fia o gbogbo ɔmɛ,

Nɛ a matsɛmɛ ɔmɛ ma sɔmɔ mo,

Ejakaa i fia mo nɔ́ ngɛ ye we abofu ɔ mi,

Se ma na mo mɔbɔ ngɛ ye dloomi ɔ mi.

11 A ma bli o we agbo ɔ kɛ fɔ si be fɛɛ be;

Nyɔ kɛ pia tsuo ɔ, a be ngae,

Konɛ a ngɔ je ma amɛ a ní kpakpa amɛ kɛ ba ha mo,

Nɛ a matsɛmɛ ɔmɛ maa sɛ hlami.

12 A ma kpata je ma fɛɛ je ma kɛ matsɛ yemi fɛɛ matsɛ yemi nɛ e be mo sɔmɔe ɔ hɛ mi,

Nɛ je ma amɛ a hɛ mi ma kpata butuu.

13 Lebanon hɛ mi nyami ɔ,

Junipa tso, lazu tso kɛ sipro tso ɔmɛ tsuo maa ba o ngɔ,

Konɛ e ha nɛ ye jami he ɔ he nɛ pee fɛu;

Ma wo he nɛ i kɛ ye nane maa a hɛ mi nyami.

14 Nihi nɛ a ngɛ mo yi mi wae ɔ a bimɛ maa ba nɛ a ma ba kplã si ngɛ o hɛ mi;

E sa nɛ nihi tsuo nɛ a bui mo ɔ nɛ a kplã si ngɛ o nane nya,

Nɛ a ma tsɛ mo ke Yehowa ma,

Israel Nɔ Klɔuklɔu ɔ Zion.

15 E ngɛ mi kaa i kua mo, nɛ nihi nyɛ mo, nɛ nɔ ko nɔ ko bi ngɛ o mi mohu lɛɛ,

Se ma ha nɛ nihi kɛ mo maa fia kɛ ya neneene,

O he je ɔ, yi nɔhi tsuo a bua maa jɔ.

16 Nɛ o maa nu je ma amɛ a nyɔ nyu,

Nɛ o maa pupɔ matsɛmɛ a nyɔ;

Kɛkɛ o maa le kaa imi Yehowa, imi ji o Yi Wami Helɔ,

Nɛ Yakob Mawu He Walɔ ɔ ji o Kpɔlɔ.

17 Ngɛ akɔblee nane mi ɔ, i kɛ sika tsu maa ba,

Nɛ ngɛ dade nane mi ɔ, i kɛ sika hiɔ maa ba,

Tso nane mi ɔ, akɔblee,

Nɛ ngɛ tɛ nane mi ɔ, dade;

Nɛ ma hla tue mi jɔmi kaa o nɔ hyɛli

Kɛ dami kaa o ní tsumi nɔ hyɛli.

18 A be yiwutso ní peepee he nue ngɛ o zugba a nɔ hu

Nɛ a be ní puɛmi kɛ hɛ mi kpatami he nue ngɛ o huzu ɔmɛ a mi.

19 Ejakaa pi pu nɛ maa pee la ha mo mɔtu,

Nɛ pi nyɔhiɔ ɔ kpɛmi nɛ ma ha mo la nyɔ mi,

Ejakaa Yehowa ma ba pee neneene la kɛ ha mo,

Nɛ o Mawu ɔ ma ba pee o he fɛu.

20 O pu ɔ be si nɔe hu,

Nɛ o nyɔhiɔ ɔ kpɛmi nya be si bae,

Ejakaa Yehowa maa pee o la kɛ ya neneene,

Nɛ o kɔmɔ yemi ɔ se maa po.

21 O ma mi bi ɔmɛ tsuo maa pee dali;

A maa hi zugba a nɔ kɛ ya neneene.

Mɛ ji nɔ́ nɛ i du nɛ e puɛ ɔ,

Ye nine nya ní tsumi nɛ́ ma ha nɛ ye he maa pee fɛu ɔ.

22 Nɔ nyafii ɔ ma ba pee nimli akpe

Nɛ nɔ nɛ klee we ɔ ma ba pee ma nɛ he wa.