Abɛ
20 Wai ji he fɛu yelɔ, dã nɛ nya wa ji basabasa peelɔ;
Nɔ fɛɛ nɔ nɛ ní nɛ ɔmɛ haa nɛ e tlaa blɔ ɔ, e be juɛmi.
2 Gbeye nɛ ngɛ matsɛ he ɔ ngɛ kaa jata huami;
Nɔ fɛɛ nɔ nɛ woɔ matsɛ mi mi la a ngɔɔ lɛ nitsɛ e wami kɛ woɔ oslaa mi.
3 Ke adesa yu e he ngɛ pɛ he ɔ, e ji hɛ mi nyami ha lɛ,
Se nɔ fɛɛ nɔ nɛ kuasia ji lɛ ɔ kɛ e he maa wo mi.
4 Hejɔtsɛ hu we ngɛ ahlabata be mi,
Enɛ ɔ he ɔ, e maa ba ní ngɛ ní kpami be mi, ejakaa e be nɔ́ ko.*
5 Adesa tsui mi susumihi* ngɛ kaa nyu ngɛ vu nɛ mi kuɔ mi,
Se nɔ nɛ kɔɔ nɔ́ se ɔ gblaa mɛ kɛ jeɔ kpo.
6 Adesahi fuu deɔ ke suɔmi nɛ a ngɛ ɔ se pui,
Se mɛnɔ ma nyɛ maa na anɔkualetsɛ kake?
7 Dalɔ nyɛɛɔ ngɛ e we anɔkuale yemi ɔ mi.
E bimɛ* nɛ a maa ba ngɛ e se ɔ ngɛ bua jɔmi.
8 Ke matsɛ hi matsɛ sɛ nɔ konɛ e kojo ɔ,
E kɛ e hɛngmɛ hlaa* yayamihi tsuo a mi.
9 Mɛnɔ ma nyɛ ma de ke: “I tsu ye tsui he;
Ye he tsɔ, nɛ yayami be ye he hu”?
10 Sɛni tɛhi nɛ a kɛ sisiɔ nɔ kɛ susumi níhi nɛ a sui nɛ a kɛ susuɔ nɔ́ ɔ*
—Yehowa hiɔ ní enyɔ nɛ ɔmɛ tsuo.
12 Tue nɛ a kɛ nuɔ nɔ́ kɛ hɛngmɛ nɛ a kɛ hyɛɔ nɔ́ ɔ
—Yehowa lɛ pee mɛ tsuo.
13 Koo suɔ mahe, ke pi jã a, o maa ye ohia.
Bli o hɛngmɛ, konɛ o ná niye ní babauu nɛ o ye nɛ o tɔ.
14 Nɔ́ helɔ deɔ ke, “E hí, e hí!”
Se lɔ ɔ se ɔ, e yaa nɛ e ya fĩaa.
15 Sika tsu ngɛ, nɛ kora tɛhi* babauu hu ngɛ,
Se nɔ nɛ tuɔ nile munyu ɔ he jua wa wawɛɛ.
16 Ke nɔ ko da nubwɔ ko se ɔ, ngɔɔ e tade ngɛ e dɛ;
Ke ma se yo* ko se lɛ e da a, kpɔ̃ nɔ́ nɛ e kɛ da e se ɔ ngɛ e dɛ.
17 Niye ní* nɛ a ná kɛ gu sisimi blɔ nɔ ɔ ngɔɔ ha adesa,
Se pee se ɔ, e nya mi ma hyi tɔ kɛ tɛ ngmlitsa.
19 Nɔ he guɛ gbelɔ jeɔ laami sanehi kpo kɛ kpaa;
O kɛ nɔ ko nɛ e suɔ sieku yemi* nɛ ko bɔ.
20 Nɔ fɛɛ nɔ nɛ e gbiɛɔ e tsɛ kɛ e nyɛ ɔ,
Ke diblii wo ɔ, a maa gbe e kane.
21 Gbosi ní nɛ a kɛ hɛ tsumi ná a,
Nyagbe ɔ, e be jɔɔmi pee.
22 Ko de ke: “Ma ngɔ yayami kɛ to yayami nane mi!”
Ngɔɔ o hɛ kɛ fɔ Yehowa nɔ, nɛ e ma he o yi wami.
23 Sɛni tɛhi nɛ a kɛ sisiɔ nɔ ɔ,* Yehowa hiɔ
Nɛ nɔ́ ngmɛmi nihi nɛ a kɛ sisiɔ nɔ ɔ hí.
24 Yehowa lɛ kudɔɔ adesa nane hiamihi;
Lɛɛ kɛ adesa ma plɛ kɛ nu lɛ nitsɛ e blɔ* sisi ha kɛɛ?
25 E ji klama kɛ ha adesa kaa e kɛ oya yemi maa jɔɔ nɔ́ ko nɔ kɛ ha Mawu.
Nɛ́ pee se loko e ma susu kita nɛ e kã a he.
26 Matsɛ nɛ ngɛ juɛmi jeɔ yiwutsotsɛmɛ kɛ jeɔ nihi a kpɛti,
Nɛ e ngɔɔ ngma gbeemi zugba lɛ kɛ nyɛɛɔ a nɔ.
27 Mumi nɛ adesa woɔ ɔ ngɛ kaa kane ha Yehowa,
E kɛ hlaa níhi nɛ ngɛ adesa tsui mi.
28 Suɔmi nɛ se pui kɛ anɔkuale yemi buɔ matsɛ he;
E kɛ suɔmi nɛ se pui baa e matsɛ sɛ ɔ yi.
29 Nihewi a hɛ mi nyami ji a he wami,
Nɛ nimowi a he fɛu ji a mua.
30 Plaami kɛ páhi jeɔ* yayami kɛ jeɔ kulaa,
Nɛ kongomi haa nɛ nɔ he tsɔɔ ngɛ e tsui mi tɔɔ.