La
Kɛ ha la nɔ hyɛlɔ ɔ. La nɛ David po.
13 Oo Yehowa, kɛ yaa si mɛni be nɛ o hɛ maa je ye nɔ? Kɛ maa ya neneene lo?
Kɛ yaa si mɛni be nɛ o kɛ o hɛ mi maa laa mi?
2 Kɛ yaa si mɛni be nɛ ma* pee yeyeeye,
Nɛ ma ye kɔmɔ ngɛ ye tsui mi daa ligbi?
Kɛ yaa si mɛni be nɛ ye he nyɛlɔ ɔ maa ye ye nɔ kunimi?
3 Oo Yehowa ye Mawu, moo hyɛ mi nɛ o ha mi heto.
Ha nɛ ye hɛngmɛ nɛ na la, konɛ ma ko nɔ gbenɔ mahe mi,
4 Konɛ ye he nyɛlɔ ɔ nɛ ko de ke: “I ye e nɔ kunimi!”
Ko ha nɛ ye he nyɛli ɔmɛ nɛ a nya ngɛ ye si nɔmi he.
5 Imi lɛɛ, i ngɛ hɛ kɛ nɔ fɔmi ngɛ o suɔmi nɛ se pui ɔ mi;
Ye tsui ma nya ngɛ yi wami hemi níhi nɛ o pee ɔmɛ a mi.
6 Ma la ha Yehowa, ejakaa e dloo mi babauu.*