Hiob
25 Bildad nɛ je Shua a de ke:
2 “Mawu yeɔ nɔ, nɛ e ngɛ he wami nɛ se be;
E ha nɛ tue mi jɔmi ba hiɔwe.*
3 Anɛ a ma nyɛ maa kane e tabuli ɔmɛ lo?
Mɛnɔ lɛ e la a kpɛ we ngɛ e nɔ?
4 Lɔ ɔ he ɔ, kɛ e maa pee kɛɛ nɛ nɔmlɔ nɛ yo fɔ lɛ ɔ maa da ngɛ Mawu hɛ mi,
Aloo nɔmlɔ nɛ yo fɔ lɛ ɔ maa pee nɔ ko nɛ sane ko be e he ɔ?*
5 Nyɔhiɔ ɔ po kpɛ we
Nɛ dodoe ɔmɛ hu a he tsɔ we ngɛ e hɛ mi,
6 Lɛɛ nɔmlɔ adesa nɛ e ji gɔgɔ,
Kɛ nɔmlɔ bi nɛ e ji pɔpɔli ɔ, kɛ e maa na lɛ kɛɛ!”