La

 2 Bɔku kɛ diblii kpii bɔle lɛ kɛ kpe;

Dami kɛ dami sane yemi ji e matsɛ sɛ ɔ sisi tomi.

 3 La jeɔ e hɛ mi,

Nɛ e sãã e he nyɛli ɔmɛ ngɛ he fɛɛ he.

 4 E we oslabai ɔ haa nɛ je mi tsɔɔ;

Zugba a naa, nɛ e hosoɔ.

 5 Yoku ɔmɛ sileɔ kaa hwo gbaku ngɛ Yehowa hɛ mi,

Ngɛ zugba a tsuo Nyɔmtsɛ ɔ hɛ mi.

 6 Hiɔwe ɔmɛ jajeɔ e dami ɔ,

Nɛ ni ɔmɛ tsuo naa e hɛ mi nyami ɔ.

 7 Zo nɛ gbe nihi tsuo nɛ a jaa amagahi,

Nihi tsuo nɛ a kɛ a yaka mawu ɔmɛ fĩaa a.

 8 Zion nuɔ he nɛ e nyaa;

Oo Yehowa, o kojomi ɔmɛ a he je ɔ,

Yuda ma amɛ* a bua jɔɔ.

 9 Oo Yehowa, mo ji Nɔ Nɛ E Nɔ Kuɔ Pe Kulaa ngɛ zugba a nɔ tsuo;

O nɔ kuɔ kulaa pe mawu kpa amɛ tsuo.

E buɔ nihi nɛ a yeɔ lɛ anɔkuale ɔ a wami* he;

E kpɔ̃ɔ mɛ kɛ jeɔ yiwutsotsɛmɛ a dɛ.*

11 La kpɛ ha dalɔ,

Nɛ nihi nɛ a da ngɛ a tsui mi ɔ nɛ a nya.

12 Nyɛ dali, nyɛ nya ngɛ Yehowa mi,

Nɛ́ nyɛɛ kɛ sina nɛ ha e biɛ* klɔuklɔu ɔ.