La

118 Nyɛɛ na Yehowa si, ejakaa e hi;

E suɔmi nɛ se pui ɔ ngɛ kɛ yaa neneene.

 5 I tsɛ Yah* ngɛ ye haomi mi;

Yah he nɔ, nɛ e ngɔ mi kɛ ba he ko nɛ ngɛ slɔkee.*

 7 Yehowa ngɛ ye kasa nya kaa ye yemi kɛ bualɔ;*

Ma hyɛ nihi nɛ a nyɛɔ mi ɔ a nɔ kunimi yemi ɔ.

 8 E hi kaa nɔ ko maa sa we ngɛ Yehowa ngɔ

Mohu pe nɛ e kɛ e hɛ maa fɔ adesahi a nɔ.

 9 E hi kaa nɔ ko maa sa we ngɛ Yehowa ngɔ

Mohu pe nɛ e kɛ e hɛ maa fɔ ma nikɔtɔmahi a nɔ.

10 Je ma amɛ tsuo bɔle mi,

Se ngɛ Yehowa biɛ mi ɔ,

I fiee mɛ kɛ ho.

11 A bɔle mi, ee, a bɔle mi kɛ kpe,

Se ngɛ Yehowa biɛ mi ɔ,

I fiee mɛ kɛ ho.

12 A bɔle mi kaa hwohi,

Se a gbe mɛ mlamlaamla kaa mio tso mi la.

Ngɛ Yehowa biɛ mi ɔ,

I fiee mɛ kɛ ho.

13 A tsitsɛɛ mi wawɛɛ* konɛ ma nɔ si,

Se Yehowa ye bua mi.

14 Yah ji ye bo tsu kɛ ye he wami,

Nɛ lɛ nɛ e he ye yi wami.

15 Nyami kɛ yi wami hemi*

Ngɛ dali a bo tsuhi a mi.

16 Yehowa wo e hiɔ nine nɔ;

Yehowa hiɔ nine ɔ ngɛ e he wami ɔ kpo jee.

17 I be gboe, ma hi wami mi,

Konɛ ma jaje Yah ní tsumi ɔmɛ.

18 Yah tsɔse mi wawɛɛ,

Se e ngɔɛ mi kɛ wui gbenɔ dɛ.

19 Nyɛ bli dami agbo ɔmɛ ha mi;

Ma sɛ a mi, nɛ ma je Yah yi.

21 Ma je o yi, ejakaa o he mi nɔ,

Nɛ o he ye yi wami.

22 Tɛ ɔ nɛ tsu mali ɔmɛ kua a

Ba pee kɔ̃ nya tɛ titli.*

23 Enɛ ɔ je Yehowa ngɔ;

Nɛ ngɛ wa hɛ mi ɔ, e ngɛ nyakpɛ.

24 Ligbi nɛ Yehowa to ji nɛ ɔ nɛ;

Wa bua maa jɔ, nɛ wa ma nya ngɛ ligbi nɛ ɔ nɔ.

26 A jɔɔ nɔ nɛ e ma ngɛ Yehowa biɛ ɔ mi ɔ;

Wa ngɛ nyɛ jɔɔe kɛ je Yehowa we ɔ.

27 Yehowa ji Mawu;

E haa wɔ la.

Nyɛ ya piɛɛ nihi nɛ a hɛɛ tso kɔnihi nɛ a yaa ye gbijlɔ ɔ a he kɛ si ako,

Kɛ kuɔ kɛ ya afɔle sami latɛ ɔ koli ɔmɛ a he.

28 Ye Mawu ji mo, nɛ ma je o yi;

Ye Mawu, ma wo o hɛ mi nyami.

29 Nyɛɛ na Yehowa si, ejakaa e hi;

E suɔmi nɛ se pui ɔ ngɛ kɛ yaa neneene.