2 Samuel

 3 Ye Mawu ɔ ji ye tɛ sa, e ngɔ lɛ i saa we ngɛ,

Lɛ ji ye tsɛ̃i kɛ ye yi wami hemi koli,* ye wesa he* nɛ ngɛ slɔkee.

Kɛ he nɛ i tuɔ fo kɛ yaa, ye kpɔlɔ; mo ji nɔ nɛ jeɔ mi kɛ jeɔ yiwutsotsɛmɛ a dɛ mi.

 4 I ngɛ Yehowa, nɔ nɛ sa yi jemi ɔ tsɛe,

Nɛ e ma kpɔ̃ mi kɛ je ye he nyɛli ɔmɛ a dɛ mi.

 5 Gbenɔ oslɔkehi ku kɛ bɔle mi kɛ kpe;

Yaka nimli nɛ a ngɛ kaa nyu babaaba wo ye he gbeye.

 6 Yɔkɔ* kpã amɛ bɔle mi kɛ kpe;

Gbenɔ klama amɛ kɛ mi ba kpe.

 7 Ngɛ ye haomi be mi ɔ, i tsɛ Yehowa,

I ya nɔ nɛ i tsɛ ye Mawu ɔ.

Nɛ e nu ye gbi ngɛ e sɔlemi we ɔ,

Nɛ ya nɛ i fo kɛ bi yemi kɛ buami ɔ su e tue mi.

 8 Zugba a bɔni mimiɛɛmi, nɛ e hoso kɛ ya kɛ ba;

Hiɔwe ɔ sisi tomi ɔmɛ hoso

Nɛ a mimiɛɛ kɛ ya kɛ ba, ejakaa a wo e mi mi la.

 9 La su ku je e gugwɔ mi,

Nɛ la nɛ sãã nɔ́ je e nya mi;

La ngu hɛuu tso kɛ je e ngɔ.

10 E ha nɛ hiɔwe nya ba si benɛ e ngɛ si kplee ɔ,

Nɛ diblii kpii ngɛ e nane si.

12 Nɛ e ngɔ diblii kɛ ha e he kaa bo tsu,

Ngɛ nyu nɛ yu tuu kɛ bɔku kpii mi.

14 Kɛkɛ nɛ Yehowa ha nɛ hiɔwe bɔni simi;

Nɔ Nɛ E Nɔ Kuɔ Pe Kulaa a ha nɛ a nu e gbi.

15 E tsɛ̃ e kɛ̃ɛ̃ mi bi ɔmɛ nɛ e gbɛ mɛ ngɔ fĩa;

E ha nɛ oslabai gba, nɛ a yi mi futu.

16 A na wo ɔ sisi;

A na zugba a sisi tomi ɔmɛ ngɛ Yehowa hɛ mi kami ɔ he je,

Ngɛ e gugwɔ mi flimi ɔ he je.

17 E kpã e nine mi kɛ je hiɔwe;

E pɛtɛ ye he nɛ e gbla mi kɛ je nyu nɛ mi kuɔ mi.

18 E kpɔ̃ mi kɛ je ye he nyɛlɔ nɛ he wa a dɛ mi,

Kɛ je ni nɛmɛ nɛ a nyɛɔ mi, nɛ a he wa pe mi ɔ a dɛ mi.

19 A te si kɛ wo mi ngɛ ye amanehlu ligbi ɔ nɔ,

Se Yehowa ye bua mi.

20 E ngɔ mi kɛ ba he ko nɛ ngɛ slɔkee;*

E kpɔ̃ mi, ejakaa e bua jɔ ye he.

21 Yehowa jɔɔ mi ngɛ ye dami ɔ nya;

E woɔ mi hiɔ ngɛ bɔ nɛ ye nine he tsɔ ha a nya.

22 Ejakaa i nyɛɛɔ Yehowa blɔ ɔmɛ a nɔ,

I ji ye Mawu ɔ se nɛ́ lɔ ɔ ba pee yayami ha mi.

23 Ye hɛ ngɛ e kojomi ɔmɛ tsuo a nɔ;

I be gbae kɛ je e blɔ tsɔɔmi ɔmɛ a he.

24 Piami ko be ye he hie ngɛ e hɛ mi,

Nɛ ma yu ye he ngɛ yayami he.

25 Yehowa nɛ wo mi hiɔ ngɛ ye dami ɔ nya;

Ngɛ bɔ nɛ ye he tsɔ ngɛ e hɛ mi ɔ nya.

26 Nɔ nɛ yeɔ anɔkuale ɔ, o yeɔ lɛ anɔkuale;

Nɔ* nɛ piami ko be e he ɔ, o haa nɛ e naa kaa piami ko be o he;

27 Nɔ nɛ he tsɔ ɔ, o haa nɛ e naa kaa o he tsɔ,

Se nɔ nɛ sisiɔ nɔ ɔ, o haa nɛ e naa kaa o le ga.*

28 Ejakaa o heɔ he si bali a yi wami,

Se o jeɔ o hɛ kɛ piɔ he nɔ woli, nɛ o baa mɛ si.

29 Ejakaa mo ji ye kane, Oo Yehowa;

Yehowa ji nɔ nɛ haa nɛ ye diblii peeɔ la.

30 Ngɛ o yemi kɛ buami nya a, ma nyɛ ma tua basabasa peeli;

Ngɛ Mawu he wami nya a, ma nyɛ ma tu gbogbo.

31 Anɔkuale Mawu ɔ blɔ ɔ hi kɛ pi si;

Yehowa munyu ɔ, a tsu he.

33 Anɔkuale Mawu ɔ ji ye gbogbo nɛ he wa,

Nɛ e ma ha nɛ ye blɔ ɔ maa hi kɛ pi si.

34 E haa nɛ ye nane peeɔ kaa afugbɛ nane;

E haa nɛ i daa hehi nɛ ya hiɔwe.

35 E tsɔseɔ ye nine kɛ haa ta hwumi;

Ye kɔni ma nyɛ maa dɔ akɔblee kɛ̃ɛ̃ mi.

36 O haa mi o yi wami hemi tsɛ̃i ɔ,

Nɛ o he si bami ɔ peeɔ mi nɔmlɔ ngua.

37 O ha nɛ ye nane blɔ ɔ bli gbajaa;

Ye nane* be sanee.

38 Ma fiee ye he nyɛli ɔmɛ a se, nɛ ma kpata a hɛ mi;

I be ye se kpalee kɛ ya si be nɛ a hɛ mi ma kpata pɛsɛpɛsɛ.

39 Nɛ ma kpata a hɛ mi pɛsɛpɛsɛ, nɛ ma ywia mɛ wɔtsɔwɔtsɔ, nɛ a be si tee hu;

A maa nɔ si ngɛ ye nane nya.

40 O ma ha mi he wami nɛ ma kɛ hwu ta a;

O ma ha nɛ ye he nyɛli ɔmɛ maa nɔɔ si ngɛ ye hɛ mi.

41 O ma ha nɛ ye he nyɛli ɔmɛ maa tu fo ngɛ ye hɛ mi;*

Ni nɛmɛ nɛ a nyɛɔ mi ɔ, ma kpata a hɛ mi.*

42 A foɔ ya kɛ biɔ yemi kɛ buami, se nɔ ko be nɛ ma he a yi wami;

A foɔ ya kɛ tsɛɔ Yehowa po, se e pui a nya mi.

43 Ma si* mɛ bukɔbukɔ kaa zugba a nɔ bunyuku;

Ma ywia mɛ, nɛ ma naa a nɔ kaa mɔsɔ ngɛ gbɛjegbɛ ɔmɛ a nɔ.

O maa bu ye he nɛ ma pee je mahi a nyatsɛ;

Nihi nɛ i li mɛ ma sɔmɔ mi.

45 Ma se bi ma ba kplã si ngɛ ye hɛ mi;

Nɔ́ nɛ a nuɔ ngɛ ye he ɔ ma ha nɛ a maa bu mi tue.*

46 Ma se bi a kɔni mi ma jɔ̃;*

A maa je a he piɛ pomi he ɔmɛ kɛ ba kɛ he domi blibliibli.

48 Anɔkuale Mawu ɔ yeɔ lue kɛ haa mi;

E baa ni ɔmɛ si kɛ woɔ ye sisi;

49 E kpɔ̃ɔ mi kɛ jeɔ ye he nyɛli ɔmɛ a dɛ mi.

O woɔ ye nɔ kɛ yaa tsitsaa nɛ nihi nɛ a tuaa mi ɔ a nine sui ye nɔ;

O heɔ ye yi wami kɛ jeɔ yiwutsotsɛ ɔ dɛ mi.

50 Oo Yehowa, enɛ ɔ he je nɛ ma na mo si ngɛ je ma amɛ a kpɛti ɔ nɛ,

Nɛ ma la yi jemi lahi* kɛ ha o biɛ ɔ:

51 E peeɔ ní nguanguahi kɛ heɔ e matsɛ ɔ yi wami;*

E jeɔ suɔmi nɛ se pui kpo kɛ tsɔɔ nɔ nɛ e pɔ lɛ nu ɔ,

Kɛ tsɔɔ David kɛ e nina* kɛ yaa neneene.”