La
Kɛ ha la nɔ hyɛlɔ ɔ; a kɛ fɔ̃ “Ko Kpata Hɛ Mi.” David la. Miktam.*
58 Anɛ nyɛ ma nyɛ maa tu dami he munyu be mi nɛ nyɛ pee dii lo?
Nyɛ nimli a bimɛ, anɛ nyɛ ma nyɛ maa kojo ngɛ dami mi lo?
2 Dɛbi, mohu ɔ, níhi nɛ dɛ he ga nyɛ toɔ ngɛ nyɛ tsui mi,
Nɛ nyɛ peeɔ yi wu tso ní ngɛ zugba nɛ ɔ nɔ.
4 A duɔ ngɛ kaa sinɔhi a duɔ;
A tue nui nɔ́, a ngɛ kaa blika* nɛ e tsi e tue.
5 E nui kunya yeli a gbi,
Ke a he be ngɛ kablɛ fimi mi kaa mɛni po.
6 Oo Mawu, moo ku a lunguhi ngɛ a nya mi!
Oo Yehowa, moo ywia jata* nɛ ɔmɛ a tsitsa!
7 Á laa kaa bɔ nɛ nyuhi beɔ kɛ yaa a.
É* dɔ e kɛ̃ɛ̃ ɔ mi nɛ e ha nɛ a nɔ si ngɛ e kɛ̃ɛ̃ mi bi ɔmɛ a nya.
8 Á pee kaa ahua nɛ nyu ngɛ e mi tae;
Kaa bi nɛ gbo ngɛ e nyɛ mi mi loko a fɔ lɛ, nɛ́ e nɛ pu gblee.
9 Loko mio tso* ɔ ma ha nɛ nyɛ buɛ ɔmɛ nɛ dɔ la a,
E maa ngɔ kɔɔhiɔ nɛ nya wa kɛ bɛɛ tso kɔni mumu ɔ kɛ nɔ́ nɛ ngɛ sãe ɔ tsuo kɛ ho.
10 Dalɔ ma nya, ejakaa e na Mawu lue yemi ɔ;
E nane he maa pɔ kɛ yiwutsotsɛ muɔ.
11 Kɛkɛ ɔ, adesahi ma de ke: “Niinɛ, hiɔwo ngɛ kɛ ha dalɔ.
Niinɛ, Mawu ko ngɛ nɛ e kojoɔ ngɛ zugba a nɔ.”