La
Kɛ ha la nɔ hyɛlɔ ɔ. A kɛ fɔ̃ la nɛ a po nɛ ji “Ko Kpata Hɛ Mi.” Asaf la.
75 Wa naa mo si, Oo Mawu, wa naa mo si;
O biɛ ɔ kɛ wɔ ngɛ,
Nɛ nihi jajeɔ o nyakpɛ ní tsumi ɔmɛ.
2 O deɔ ke: “Ke i to be ɔ,
I kojoɔ ngɛ dami nya.
3 Benɛ zugba a kɛ níhi tsuo nɛ ngɛ nɔ ɔ sile ɔ,
Imi lɛ i ha nɛ e titima amɛ da si kpɛii.” (Sela)
4 I deɔ fĩali ke, “Nyɛ ko fĩa,”
Kɛ yiwutsotsɛmɛ ke, “Nyɛ ko ngɔ nyɛ he wami kɛ fĩa.*
5 Nyɛ ko fĩa kaa nyɛ ngɛ he wami wawɛɛ,*
Nɛ nyɛ ko tu he nɔ womi munyu hulɔ.
6 Ejakaa ke a ma wo adesa nɔ ɔ,
Pi puje he aloo pusinɔ he aloo woyi je nɛ e jeɔ.
7 Ejakaa Mawu ji Kojolɔ.
E baa nɔ si, nɛ e woɔ nɔ nɔ.
8 Ejakaa kplu ko ngɛ Yehowa dɛ mi;
Wai ɔ ngɛ hwɔli fiae, nɛ a futu lɛ saminya.
E ma plɛ kɛ pue si kokooko,
Nɛ zugba a nɔ yiwutsotsɛmɛ tsuo maa nu kɛ e sisi ɔ tsuo.”
9 Se imi lɛɛ, ma jaje níhi nɛ Mawu pee ɔ kɛ ya neneene;
Ma la yi jemi lahi* kɛ ha Yakob Mawu ɔ.