Hiob
27 Hiob tsa e munyu tumi ɔ nɔ,* nɛ e de ke:
2 “Be abɔ nɛ Mawu, nɔ nɛ e yi dami sane ha mi ɔ ngɛ nɛ ɔ,
Be abɔ nɛ Ope ɔ, nɔ nɛ kɛ mi* ye wawɛɛ ɔ ngɛ nɛ ɔ,
3 Be abɔ nɛ ye mumi ngɛ ye mi
Nɛ́ Mawu mumi ngɛ ye gugwɔ mi nɛ ɔ,
4 I kɛ ye nya be lakpa munyu tue kɔkɔɔkɔ;
Nɛ i kɛ ye lilɛ hu be nɔ ko sisie!
5 I be dee kɔkɔɔkɔ kaa dali ji nyɛ!
Kɛ yaa si be nɛ ma gbo ɔ, i be ye we anɔkuale yemi ɔ he ngmɛɛe!*
6 Ma hɛɛ ye dami ní peemi ɔ mi nɛ i be he ngmɛɛe kɔkɔɔkɔ;
7 Á gbla ye he nyɛlɔ ɔ tue kaa yiwutsotsɛ,
Nɛ á gbla nihi nɛ a tuaa mi ɔ hu a tue kaa nihi nɛ a dɛ.
9 Ke haomi ba e nɔ ɔ
Anɛ Mawu maa nu ya nɛ e ngɛ foe kɛ ngɛ yemi kɛ buami bie ɔ lo?
10 Aloo e ma ná bua jɔmi ko ngɛ Ope ɔ mi lo?
Anɛ e ma tsɛ Mawu be fɛɛ be lo?
11 Ma tsɔɔ nyɛ Mawu he wami ɔ he ní.*
I be nyɛ nɔ́ ko nɔ laae kɛ kɔɔ Ope ɔ he.
12 Hyɛ! Ke nyɛ tsuo nyɛ na ninahi ɔ,
Lɛɛ mɛni he je nɛ se nami ko be nyɛ munyu ɔmɛ a he ɔ?
13 Yiwutsotsɛ blɔ fa mi nɔ́ nɛ e ma ná kɛ je Mawu dɛ mi ji nɛ ɔ nɛ,
Weto ní nɛ e ma ná kɛ je Ope ɔ dɛ mi ji nɛ ɔ nɛ.
14 Ke e bimɛ a he hiɛ ɔ, mɛ tsuo a ma gbo ngɛ klaate nya,
Nɛ e sisi bimɛ be niye ní nae nɛ maa su mɛ.
15 Nihi nɛ a maa piɛ ngɛ e se ɔ, gbenɔ hiɔ maa pu mɛ,
Nɛ a yalɔyi ɔmɛ be ya foe ha mɛ.
16 Ke e bua sika hiɔ nya kaa bunyuku
Nɛ e bua tade kpakpahi a nya kɛ to kaa zu po,
17 Ee, ke e bua nya kɛ to po,
Dalɔ ɔ ma ba wo mɛ ha lɛ,
Nɛ nihi nɛ sane ko be a he ɔ ma gba e sika hiɔ ɔ kɛ ha a he.
18 E tsu ɔ he wɛ kaa wɔyewɔye tsu,
E ngɛ kaa gba nɛ bulɔ ma.
19 E ma ya hwɔ si kaa niatsɛ se e be nɔ́ ko nya buae;
Ke e bli e hɛngmɛ ɔ, e be nɔ́ ko nɔ́ ko nae.
20 Gbeye níhi woɔ lɛ kɛ hoɔ kaa nyu kpekpemi;
Ahumi saa lɛ kɛ hoɔ nyɔ mi.
21 Puje he kɔɔhiɔ maa ngɔ lɛ kɛ ho, nɛ a be lɛ nae hu;
E maa bɛɛ lɛ kɛ je e sihi he ɔ kɛ ho.
22 Nɛ benɛ e ngɛ mɔde bɔe kaa e maa tu fo kɛ je e he wami ɔ nya a
E ma ba fia lɛ nɛ e be lɛ mɔbɔ nae.
23 E maa gbɔ e dɛ mi kɛ wo lɛ
Nɛ e ma kpa nyagba kɛ je he nɛ e ngɛ ɔ kɛ wo lɛ.*