La

Nyɛ Yehowa sɔmɔli, nyɛ je e yi,

Nyɛ je Yehowa biɛ ɔ yi.

 2 Á je Yehowa biɛ ɔ yi

Kɛ je amlɔ nɛ ɔ kɛ ya neneene.

 3 Á je Yehowa biɛ ɔ yi

Kɛ je puje he kɛ ya si pusinɔ he.

 4 Yehowa nɔ kuɔ pe je ma amɛ tsuo;

E hɛ mi nyami ɔ ngɛ hiɔwe ɔmɛ a yi nɔ.

 5 Mɛnɔ ngɛ kaa Yehowa wa Mawu ɔ,

Nɔ nɛ ngɛ* hiɔwe ɔ?

 6 E baa e yi si nɛ e hyɛɔ hiɔwe kɛ zugba,

 7 E woɔ nɔ nɛ e ní ngɛ mɔbɔ ɔ nɔ kɛ jeɔ zu mi.

E woɔ ohiatsɛ nɔ kɛ jeɔ lazu mi*

 8 Konɛ e ha nɛ e kɛ odehehi nɛ hi si,

Mawu we bi nɛ a ji odehehi ɔ.

 9 E haa nɛ yosa

Ba peeɔ binyɛ* nɛ e ngɛ bua jɔmi ngɛ e we mi.