La
David sɔlemi.
86 Oo Yehowa, mo ta tue* nɛ o he mi nɔ,
Ejakaa i hao, nɛ ohiatsɛ ji mi.
2 Moo bu ye wami* he, ejakaa i yeɔ mo anɔkuale.
Mo he o sɔmɔlɔ ɔ nɛ ngɔɔ e hɛ kɛ fɔɔ o nɔ ɔ yi wami,
Ejakaa mo ji ye Mawu.
3 Oo Yehowa, naa mi mɔbɔ,
Ejakaa i tsɛɔ mo ngɛ ligbi ɔ mi tsuo.
5 Oo Yehowa, o hi, nɛ o pee klaalo kaa o kɛ yayami maa ke;
O suɔmi nɛ se pui ɔ hiɛ babauu kɛ ha nihi nɛ a tsɛɔ mo ɔ.
6 Oo Yehowa, moo bu ye sɔlemi tue;
Nɛ́ o ta tue ha pɛɛ nɛ i ngɛ mo kpae kaa o ye bua mi ɔ.
7 I tsɛɔ mo ngɛ ye haomi ligbi nɔ,
Ejakaa o ma he mi nɔ.
8 Oo Yehowa, mawu ko be nɛ ngɛ kaa mo,
A ní tsumi ko be nɛ ngɛ kaa o nɔ́ ɔ.
9 Je ma amɛ tsuo nɛ o bɔ ɔ
Maa ba nɛ a ma ba kplã si ngɛ o hɛ mi, Oo Yehowa,
Nɛ a maa wo o biɛ ɔ hɛ mi nyami.
10 Ejakaa o kle nɛ o peeɔ nyakpɛ níhi;
Mo ji Mawu, mo nɔ kake too pɛ.
11 Oo Yehowa, moo tsɔɔ mi o blɔ ɔ.
Ma nyɛɛ ngɛ o we anɔkuale ɔ mi.
Mo ha mi tsui nɛ mi gba we* konɛ ma ye o biɛ ɔ gbeye.
12 Oo Yehowa ye Mawu, i jeɔ o yi kɛ ye tsui tsuo,
Nɛ ma wo o biɛ ɔ hɛ mi nyami kɛ ya neneene,
13 Ejakaa suɔmi nɛ se pui nɛ o ngɛ kɛ ha mi ɔ kle,
14 Oo Mawu, he nɔ woli teɔ si kɛ woɔ mi;
Yiwutsotsɛmɛ a kuu ngɛ hlae nɛ a ngɔ ye wami,*
Nɛ a bui mo fɛɛ.*
15 Se mo Yehowa, o ji Mawu nɛ naa nɔ mɔbɔ nɛ e mi mi sãã lɛ ngɛ nɔ he,*
O mi mi fu we mla, nɛ o suɔmi nɛ se pui ɔ kɛ o we anɔkuale yemi ɔ hiɛ babauu.
16 Mo plɛ kɛ hyɛ mi nɛ o na mi mɔbɔ.
Ngɔɔ o he wami ɔ kɛ ha o sɔmɔlɔ ɔ,
Nɛ o he o mawayo ɔ binyumu ɔ yi wami.
17 Ha nɛ ma na o kpakpa peemi ɔ he okadi,*
Konɛ nihi nɛ a nyɛɔ mi ɔ nɛ na, nɛ́ zo nɛ gbe mɛ.
Ejakaa Yehowa, mo ji ye yemi kɛ bualɔ kɛ ye bua wolɔ.