Yesaya

 2 Mɛni he je nɛ nyɛɛ kɛ sika heɔ nɔ́ nɛ tsa pi niye ní,*

Nɛ mɛni he je nɛ nyɛ puɛɔ sika nɛ́ nyɛ ná a* kɛ heɔ nɔ́ nɛ be nyɛ tɔe?

Nyɛɛ bu mi tue saminya nɛ nyɛɛ ye niye ní kpakpa,

Nɛ nyɛ* maa ye niye ní kpakpa* nɛ nyɛ bua maa jɔ.

Nyɛɛ bu tue nɛ nyɛ* maa hi wami mi,

Nɛ bɔ fɛɛ bɔ nɛ e ji ɔ, i kɛ nyɛ maa so neneene somi

Ngɛ suɔmi nɛ se pui nɛ i wo David si ngɛ he ɔ nya. Si womi nɛ ɔ ji anɔkuale.*

 4 Hyɛ! I pee lɛ odase kɛ ha je ma amɛ,

I pee lɛ je ma amɛ a hɛ mi nyɛɛlɔ kɛ a nyatsɛ.

 5 Hyɛ! O ma tsɛ je ma ko nɛ o li lɛ,

Nɛ je ma ko nɛ e li mo ɔ mi bi maa tu fo kɛ ba o ngɔ,

Ngɛ Yehowa o Mawu ɔ, Israel Nɔ Klɔuklɔu ɔ he je,

Ejakaa e maa wo o hɛ mi nyami.

 7 Yiwutsotsɛ nɛ kua e blɔ,

Nɛ́ yayami peelɔ nɛ e tsake e juɛmi;

É kpale kɛ ba Yehowa, nɔ nɛ e maa na lɛ mɔbɔ ɔ ngɔ,

É ba wa Mawu ɔ ngɔ, ejakaa e kɛ maa ke lɛ kulaa.

 8 “Ejakaa e slo ye susumihi ngɛ nyɛ susumihi a he,

Nɛ nyɛ blɔ ɔmɛ ngɛ ekpa ngɛ ye blɔ ɔmɛ a he,” Yehowa lɛ de.

 9 “Kaa bɔ nɛ hiɔwe nɔ kuɔ pe zugba a,

Jã nɛ ye blɔ ɔmɛ a nɔ kuɔ pe nyɛ blɔ ɔmɛ

Nɛ ye susumi ɔmɛ hu pã nyɛ susumi ɔmɛ.

10 Ejakaa kaa bɔ nɛ hiɔmi kɛ snoo nɛɔ kɛ jeɔ hiɔwe

Nɛ e kpale we kɛ yɛ lejɛ ɔ kɛ ya siɔ e pɔɔ zugba, nɛ e haa nɛ níhi puɛɔ nɛ e haa nɛ ní baa,

Nɛ́ e haa ní dulɔ ɔ wu nɛ e ma du, kɛ e yelɔ ɔ hu niye ní nɛ e maa ye ɔ,

11 Jã nɛ munyu nɛ jeɔ ye nya a maa hi.*

E be kpalee kɛ ba ye ngɔ yaka gu,

Mohu ɔ, e ma tsu nɔ́ nɛ i suɔ ɔ* he ní kokooko,

Nɛ bɔ fɛɛ bɔ nɛ ji ɔ, e maa ye manye ngɛ nɔ́ nɛ i tsɔ lɛ ke e ya tsu ɔ mi.

12 Ejakaa nyɛɛ kɛ bua jɔmi maa je kpo,

Nɛ ma kpale nyɛ kɛ ba ngɛ tue mi jɔmi mi.

Yoku ɔmɛ kɛ yoku wawi ɔmɛ tsuo ma nya ngɛ o hɛ mi, nɛ a ma he ose kɛ bua jɔmi,

Nɛ zugba a nɔ tso ɔmɛ tsuo maa fia a dɛ mi.

13 Junipa tsohi maa puɛ ngɛ mio tsohi a nane mi,

Nɛ mɔmɔ tso maa puɛ ngɛ tɔgɛtɔgɛ nane mi.

Nɛ e ma ha nɛ Yehowa ma he biɛ,

Nɛ e maa pee okadi nɛ ngɛ daa nɛ e be puɛe gblegbleegble.”