Abɛ
23 Ke o kɛ matsɛ hi si nɛ́ nyɛ maa ye ní ɔ,
Mo susu nɔ́ nɛ maa si ngɛ o hɛ mi ɔ he saminya;
2 Ke ngma yelɔ ji mo ɔ,*
Lɛɛ ye o he nɔ.*
3 Ko ha nɛ e niye ní ngɔngɔɛ ɔmɛ nɛ a jlo mo,
Ejakaa e kɛ niye ní ɔ ngɛ mo sisie.
4 Koo gbe o he kaa doo ja o ná ní.
Mo kpa jã peemi nɛ́ o kɛ nɔ́ sisi numi mohu nɛ tsu ní.*
5 Benɛ o maa hyɛ ɔ, e be lejɛ ɔ,
Ejakaa bɔ fɛɛ bɔ nɛ ji ɔ, e maa puɛ pɛli kaa kɔle nɛ e maa te kɛ ho hiɔwe ya.
Ko ha nɛ e niye ní ngɔngɔɛ ɔmɛ nɛ a jlo mo,
7 Ejakaa e ngɛ kaa nɔ ko nɛ e ngɛ ní nɛ o ngɛ yee ɔ he akɔtaa bue.*
E ma de mo ke: “Moo ye ní nɛ o nu ní,” pohu pi e tsui mi.*
8 O maa vie nɔ́ nɛ o ye ɔ,
Nɛ e yi nɛ o je ɔ maa pee yaka.
9 Koo tu munyu kɛ wo kuasia tue mi,
Ejakaa e maa gbe juɛmi nɛ ngɛ o munyu ɔmɛ a mi ɔ he guɛ.
10 Koo hɛ blema buna*
Nɛ koo sɛ awusahi a zugba mi hulɔ.
11 Ejakaa a Kpɔlɔ* ɔ ngɛ he wami;
E kɛ mo maa ye ha mɛ.
12 Ngɔɔ o tsui kɛ ha tsɔsemi,
Nɛ́ o bɔ mɔde nɛ o bu nile munyuhi tue.
13 Koo tsi jokuɛ* tsɔsemi nya.
Ke o fiaa lɛ kpa a, e be gboe.
17 O hɛ nɛ ko kɔ̃ yayami peeli a nɔ ngɛ tsui mi,
Mohu ɔ, yee Yehowa gbeye be fɛɛ be,
18 Ejakaa lɔ ɔ ma ha nɛ e maa hi ha mo hwɔɔ se,
Nɛ o hɛ kɛ nɔ fɔmi ɔ se be poe.
19 Ye bi, bu tue konɛ o le ní,
Nɛ́ o kudɔ o tsui ngɛ blɔ nɛ da nɔ.
20 Koo hi nihi nɛ a nuɔ wai fuu,
Kɛ nihi nɛ a peeɔ lo* he jiklɔɔ ɔ a kpɛti,
21 Ejakaa dã delɔ kɛ jiklɔɔtsɛ maa ye ohia,
Nɛ nɔ nɛ deɔ kɔnɛɛ ɔ maa ha tako.
22 Moo bu o tsɛ nɛ e fɔ mo ɔ tue,
Nɛ koo gbe o nyɛ he guɛ akɛnɛ e bwɔ ɔ he je.
24 Bi nɛ peeɔ nɔ nɛ da a, e tsɛ bua maa jɔ kokooko;
Nɔ fɛɛ nɔ* nɛ e fɔ bi nɛ ngɛ juɛmi ɔ ma nya ngɛ e bi ɔ he.
25 O tsɛ kɛ o nyɛ ma nya,
Nɛ yo nɛ fɔ mo ɔ bua maa jɔ.
26 Ye bi, ngɔɔ o tsui kɛ ha mi,
Nɛ́ o* bua nɛ jɔ ye blɔ ɔmɛ a he.
27 Ejakaa tuutuu polɔ ngɛ kaa muɔ nɛ mi kuɔ,
Nɛ yo nɛ e je mi bami puɛ* ɔ ngɛ kaa vu tokofii.
28 E woɔ ka kaa julɔ;
E haa nɛ nyumuhi nɛ a yi anɔkuale ɔ a he hiɛɛ babauu.
29 Mɛnɔ naa nɔ́? Mɛnɔ he mi jɔɛ lɛ?
Mɛnɔ kɛ nihi náa pɛ? Mɛnɔ tuɔ níhi a he munyu?
Mɛnɔ plaa yaka gu? Mɛnɔ hɛngmɛ tsuɔ tsutsuutsu?*
30 Nihi nɛ a se kɛɔ ngɛ wai he;
Nihi nɛ a hlaa wai nɛ a futu se blɔ.*
31 Koo hyɛ bɔ nɛ wai tsuɔ paa,
Bɔ nɛ e kpɛɔ ngɛ kplu mi, kɛ bɔ nɛ e bee miaa ngɛ kuɛ si ha a,
32 Ejakaa nyagbe ɔ, e kɔ̃ɔ nɔ kaa sinɔ,
Nɛ e suɔ duɔ kaa sinɔ duɔtsɛ.
33 O hɛngmɛ maa na nyakpɛ níhi,
Nɛ o tsui maa tu munyu yayahi.
34 Nɛ o maa pee kaa nɔ ko nɛ e hwɔɔ si ngɛ wo kpɛti,
Kaa nɔ ko nɛ e hwɔɔ si ngɛ mele mi abalaa tso yi mi.
35 O ma de ke: “A fia mi nɔ́, se e yi mi.*
A kongo mi, se i li.
Mɛni be ma te si?
I kpale hia dã ekohu.”*