La
Kɛ ha la nɔ hyɛlɔ ɔ; ngɛ Mahalat* blɔ nɔ. Maskil.* David la.
53 Kuasia* deɔ ngɛ e tsui mi ke:
“Yehowa ko be.”
A je mi bami puɛ, nɛ a peeɔ níhi nɛ a hiɔ;
Nɔ ko nɔ ko pee we nɔ́ kpakpa.
2 Se Mawu maa e yi si nɛ e hyɛɛ nimli a bimɛ ngɛ zugba a nɔ
Kaa e maa na nɔ ko nɛ kɔɔ nɔ́ se lo, kaa e maa na nɔ ko nɛ hlaa Yehowa se blɔ lo.
3 Mɛ tsuo a tla blɔ;
Mɛ tsuo pɛpɛɛpɛ a puɛ.
Nɔ ko nɔ ko pee we nɔ́ kpakpa,
Nɔ kake ngmelu po be.
4 Anɛ yayami peeli ɔmɛ a ti nɔ ko be nɛ nuɔ nɔ́ sisi lo?
A miɔ ye we bi ɔmɛ kaa bɔ nɛ a yeɔ ní* ɔ.
A tsɛ we Yehowa.
5 Se sawale maa nu mɛ wawɛɛ,
Sawale nɛ eko nui mɛ jã hyɛ maa nu mɛ,*
Ejakaa Mawu maa gbɛ nihi nɛ a tuaa mo* ɔ a wuhi kɛ fĩa.
O ma ha nɛ zo maa gbe mɛ, ejakaa Yehowa kua mɛ.
6 Oo, Israel yi wami hemi nɛ́ je Zion kɛ ba!
Ke Yehowa bua e we bi nɛ a nuu mɛ nyɔguɛ ɔ a nya kɛ ba a,
Yakob bua nɛ jɔ, Israel nɛ nya.