La
La nɛ David po.
143 Oo Yehowa, moo bu ye sɔlemi tue;
Moo bu pɛɛ nɛ i ngɛ mo kpae kaa o ye bua mi ɔ tue.
Mo he mi nɔ ngɛ o we anɔkuale yemi kɛ o dami ɔ he je.
2 O kɛ o sɔmɔlɔ ɔ nɛ ko ye sane,
Ejakaa hɛ kalɔ ko be nɛ ma nyɛ maa ye nguɔ ngɛ o hɛ mi.
3 He nyɛlɔ ɔ fieeɔ ye* se;
E naa ye wami nɔ kɛ wo zu mi.
E ha nɛ i hi diblii mi kaa nihi nɛ a gbo blema lokoo.
4 Ye mumi nya* ngɛ tae;
Ye tsui nui nɔ́ he ngɛ ye mi.
5 I kaiɔ blema ligbi ɔmɛ;
I pueɔ ye yi mi tɛ ngɛ níhi tsuo nɛ o pee ɔ he;
I susuɔ o nine nya ní tsumi ɔ he wawɛɛ.*
6 I gbɛ ye dɛ mi kɛ tsɔɔ mo;
I* pee kaa zugba nɛ gbli kadokado nɛ hia nyu. (Sela)
7 Oo Yehowa, mo he mi nɔ esɔ;
Ye he wami* nya ta.
Koo ngɔ o hɛ mi kɛ laa mi,
Ke pi jã a, ma pee kaa nihi nɛ a ngɛ kplee kɛ yaa muɔ* mi ɔ.
8 Ha ma nu o suɔmi nɛ se pui ɔ he mɔtu,
Ejakaa i ngɔɔ ye hɛ kɛ fɔɔ o nɔ.
Ha nɛ ma le blɔ nɛ e sa kaa ma nyɛɛ nɔ,
Ejakaa o ngɔ lɛ i baa.*
9 Oo Yehowa, mo kpɔ̃ mi ngɛ ye he nyɛli ɔmɛ a dɛ mi.
O ngɔ lɛ i hlaa he piɛ pomi ngɛ.
10 Tsɔɔ mi nɛ ma pee o suɔmi nya ní,
Ejakaa mo ji ye Mawu.
O mumi ɔ hi;
Ha nɛ e nyɛɛ ye hɛ mi ngɛ zugba nɛ fɔɔ si tɛtlɛɛ nɔ.*
11 Oo Yehowa, o biɛ ɔ he je ɔ, moo baa ye yi.
Ngɛ o dami ɔ he je ɔ, mo kpɔ̃ mi* kɛ je haomi mi.