KRONIKA KEKLEEKLE WOMI

5 Yafet binyumuhi ji Gomer, Magog, Madai, Yavan, Tubal, Meshek, kɛ Tiras.

6 Gomer binyumuhi ji Ashkenaz, Rifat, kɛ Togarma.

7 Yavan binyumuhi ji Elishah, Tarshish, Kitim, kɛ Rodanim.

8 Ham binyumuhi ji Kush, Mizraim, Put, kɛ Kanaan.

9 Kush binyumuhi ji Seba, Havila, Sabta, Raama, kɛ Sabteka.

Raama binyumuhi ji Sheba kɛ Dedan.

10 Kush fɔ Nimrod. Lɛ ji kekleekle nɔ nɛ e ba pee he walɔ ngɛ zugba a nɔ.

11 Mizraim fɔ Ludim, Anamim, Lehabim, Naftuhim, 12 Patrusim, Kasluhim (e mi lɛ Filistibi ɔmɛ je), kɛ Kaftorim.

13 Kanaan fɔ Sidon, nɛ ji e kekleekle bi ɔ, kɛ Het, 14 kɛ Yebusbi ɔmɛ, Amorbi ɔmɛ, Girgashbi ɔmɛ, 15 Hivbi ɔmɛ, Arkbi ɔmɛ, Sinbi ɔmɛ, 16 Arvadbi ɔmɛ, Zemarbi ɔmɛ, kɛ Hamatbi ɔmɛ.

18 Arpakshad fɔ Shela, nɛ Shela fɔ Eber.

19 A fɔ binyumuhi enyɔ kɛ ha Eber. Nɔ kake biɛ ji Peleg,* ejakaa e be ɔ mi lɛ nihi nɛ a ngɛ zugba a nɔ ɔ a mi gba a nɛ.* E nyɛminyumu ɔ biɛ ji Yoktan.

20 Yoktan fɔ Almodad, Shelef, Hazarmavet, Yera, 21 Hadoram, Uzal, Dikla, 22 Obal, Abimael, Sheba, 23 Ofir, Havila, kɛ Yobab; Yoktan binyumuhi ji mɛ tsuo.

28 Abraham binyumuhi ji Isak kɛ Ishmael.

29 A weku kpahi ji nɛ ɔmɛ nɛ: Ishmael kekleekle bi ji Nebayot, nɛ e se ɔ, Kedar, Adbeel, Mibsam, 30 Mishma, Duma, Masa, Hadad, Tema, 31 Yetur, Nafish, kɛ Kedema. Ni nɛ ɔmɛ ji Ishmael binyumuhi.

32 Ketura nɛ ji Abraham yo kpa a binyumuhi ji, Zimran, Yokshan, Medan, Midian, Ishbak, kɛ Shua.

Yokshan binyumuhi ji Sheba kɛ Dedan.

33 Midian binyumuhi ji Efa, Efer, Hanok, Abida, kɛ Eldaa.

Ketura binyumuhi ji mɛ tsuo.

34 Abraham fɔ Isak. Isak binyumuhi ji Esau kɛ Israel.

35 Esau binyumuhi ji Elifaz, Reuel, Yeush, Yalam, kɛ Kora.

36 Elifaz binyumuhi ji Teman, Omar, Zefo, Gatam, Kenaz, Timna, kɛ Amalek.

37 Reuel binyumuhi ji Nahat, Zera, Shama, kɛ Miza.

38 Seir binyumuhi ji Lotan, Shobal, Zibeon, Ana, Dishon, Ezer, kɛ Dishan.

39 Lotan binyumuhi ji Hori kɛ Homam. Lotan nyɛmiyo ji Timna.

40 Shobal binyumuhi ji Alvan, Manahat, Ebal, Shefo, kɛ Onam.

Zibeon binyumuhi ji Aya kɛ Ana.

41 Ana binyumu* ji Dishon.

Dishon binyumuhi ji Hemdan, Eshban, Itran, kɛ Keran.

42 Ezer binyumuhi ji Bilhan, Zaavan, kɛ Akan.

Dishan binyumuhi ji Uz kɛ Aran.

43 Nihi nɛ a ye matsɛ ngɛ Edom zugba a nɔ loko Israelbi ɔmɛ* ba ná a kekleekle matsɛ ji nɛ ɔmɛ nɛ: Bela, Beor binyumu ɔ; e ma a biɛ ji Dinhaba. 44 Benɛ Bela gbo ɔ, Yobab, Zera nɛ e je Bozra a binyumu ɔ ba ye nɔ ngɛ e se. 45 Benɛ Yobab gbo ɔ, Husham nɛ e je Temanbi ɔmɛ a zugba a nɔ ɔ ba ye nɔ ngɛ e se. 46 Benɛ Husham gbo ɔ, Hadad, Bedad binyumu ɔ nɛ́ e ye Midian nɔ kunimi ngɛ Moab zugba a nɔ* ɔ ba ye nɔ ngɛ e se. E ma a biɛ ji Avit. 47 Benɛ Hadad gbo ɔ, Samla nɛ́ e je Masreka a ba ye nɔ ngɛ e se. 48 Benɛ Samla gbo ɔ, Shaul nɛ e je Rehobot ngɛ Pa a he ɔ ba ye nɔ ngɛ e se. 49 Benɛ Shaul gbo ɔ, Baal Hanan, nɛ ji Akbor binyumu ɔ ba ye nɔ ngɛ e se. 50 Benɛ Baal Hanan gbo ɔ, Hadad ba ye nɔ ngɛ e se. E ma a biɛ ji Pau, nɛ e yo ɔ biɛ ji Mehetabel, nɛ ji Mezahab biyo Matred biyo ɔ. 51 Lɔ ɔ se ɔ, Hadad gbo.

Edom sheik* ɔmɛ ji Sheik Timna, Sheik Alva, Sheik Yetet, 52 Sheik Oholibama, Sheik Ela, Sheik Pinon, 53 Sheik Kenaz, Sheik Teman, Sheik Mibzar, 54 Sheik Magdiel, Sheik Iram. Mɛ ji Edom sheik ɔmɛ ɔ nɛ.

2 Israel binyumuhi ji nɛ ɔmɛ nɛ: Ruben, Simeon, Levi, Yuda, Isakar, Zebulun, 2 Dan, Yosef, Benyamin, Naftali, Gad, kɛ Asher.

3 Yuda binyumuhi ji Er, Onan, kɛ Shela. Bimɛ etɛ nɛ Shua biyo, nɛ ji Kanaanno ɔ fɔ ha lɛ ji nɛ ɔmɛ nɛ. Se Yehowa bua jɔɛ Er, nɛ ji Yuda kekleekle bi ɔ he, lɔ ɔ he ɔ, e gbe lɛ. 4 Tama, nɛ ji Yuda nganyɛ ɔ fɔ Perez kɛ Zera ha lɛ. Yuda binyumu ɔmɛ tsuo a yibɔ ji enuɔ.

5 Perez binyumuhi ji Hezron kɛ Hamul.

6 Zera binyumuhi ji Zimri, Etan, Heman, Kalkol, kɛ Dara. Mɛ tsuo a yibɔ ji enuɔ.

7 Karmi binyumu* ji Akar.* Lɛ nɛ ngɔ amanehlu* kɛ ba Israel nɔ ɔ nɛ. Nɛ e yi anɔkuale ngɛ níhi nɛ e sa kaa a kpata hɛ mi ɔ mi.

8 Etan binyumu* ji Azaria.

9 Hezron binyumuhi nɛ a fɔ ha lɛ ji Yerameel, Ram, kɛ Kelubai.*

10 Ram fɔ Aminadab. Aminadab fɔ Nashon, nɛ ji Yuda sisi bimɛ ɔmɛ a ganɔ ɔ. 11 Nashon fɔ Salma. Salma fɔ Boaz. 12 Boaz fɔ Obed. Obed fɔ Yese.* 13 Yese* kekleekle bi ji Eliab, e bi enyɔne ɔ ji Abinadab, e bi etɛne ɔ ji Shimea, 14 E bi eywiɛne ɔ ji Netanel, e bi enuɔne ɔ ji Radai, 15 E bi ekpane ɔ ji Ozem, nɛ e bi kpaagone ɔ ji David. 16 A nyɛmimɛ yihi ji Zeruya kɛ Abigail. Zeruya binyumuhi ji Abishai, Yoab, kɛ Asahel, mɛ ni etɛ. 17 Abigail fɔ Amasa, nɛ Amasa tsɛ ji Yeter, Ishmaelno ɔ.

18 Kaleb,* Hezron binyumu ɔ kɛ e yo Azuba kɛ Yeriot fɔ binyumuhi; nɛ e binyumu ɔmɛ ji: Yesher, Shobab, kɛ Ardon. 19 Benɛ Azuba gbo ɔ, Kaleb ngɔ Efrat kaa e yo, nɛ e fɔ Hur ha lɛ. 20 Hur fɔ Uri. Uri fɔ Bezalel.

21 Lɔ ɔ se ɔ, Hezron kɛ Makir biyo ɔ ná bɔmi. Makir tsɛ ji Gilead. Hezron ngɔ Makir biyo ɔ benɛ Hezron ye jeha 60, nɛ e fɔ Segub ha lɛ. 22 Segub fɔ Yair, nɔ nɛ ngɛ mahi 23 ngɛ Gilead zugba a nɔ ɔ. 23 Pee se ɔ, Geshur kɛ Siria ngɔ Havot Yair ngɛ a dɛ, nɛ e ngɔ Kenat kɛ mahi nɛ bɔle lɛ* ɔ hu kɛ piɛɛ he, mahi 60. Makir, nɛ ji Gilead tsɛ ɔ sisi bimɛ ji mɛ tsuo.

24 Benɛ Hezron gbo ngɛ Kaleb Efrata se ɔ, Abiya, nɛ ji Hezron yo ɔ fɔ Ashur, nɛ ji Tekoa tsɛ ɔ ha lɛ.

25 Yerameel, nɛ ji Hezron kekleekle bi ɔ binyumuhi ji Ram, e kekleekle bi ɔ, Buna, Oren, Ozem, kɛ Ahiya. 26 Yerameel ngɛ yo kpa ko hu nɛ a tsɛɛ lɛ ke Atara. Atara bi ji Onam. 27 Ram, nɛ ji Yerameel kekleekle bi ɔ binyumuhi ji Maaz, Yamin, kɛ Eker. 28 Onam binyumuhi ji Shamai, kɛ Yada. Shamai binyumuhi ji Nadab kɛ Abishur. 29 Abishur yo ɔ biɛ ji Abihail, nɔ nɛ fɔ Aban kɛ Molid ha lɛ ɔ. 30 Nadab binyumuhi ji Seled kɛ Apaim. Se Seled gbo nɛ e be binyumuhi. 31 Apaim binyumu* ji Ishi. Nɛ Ishi binyumu* ji Sheshan, nɛ Sheshan binyumu* ji Ahlai. 32 Yada nɛ ji Shamai nyɛminyumu ɔ binyumuhi ji Yeter kɛ Yonatan. Se Yeter gbo nɛ e be binyumuhi. 33 Yonatan binyumuhi ji Pelet kɛ Zaza. Ni nɛ ɔmɛ ji Yerameel sisi bimɛ.

34 Sheshan be binyumuhi, biyihi pɛ lɛ e ngɛ. Se, Sheshan ngɛ sɔmɔlɔ ko nɛ je Egipt nɛ a tsɛɛ lɛ ke Yarha. 35 Sheshan ngɔ e biyo kɛ ha e sɔmɔlɔ Yarha nɛ e ngɔ lɛ kaa e yo, nɛ e fɔ Atai ha lɛ. 36 Atai fɔ Natan. Natan fɔ Zabad. 37 Zabad fɔ Eflal. Eflal fɔ Obed. 38 Obed fɔ Yehu. Yehu fɔ Azaria. 39 Azaria fɔ Helez. Helez fɔ Eleasa. 40 Eleasa fɔ Sismai. Sismai fɔ Shalum. 41 Shalum fɔ Yekamia. Yekamia fɔ Elishama.

42 Kaleb* nɛ ji Yerameel nyɛminyumu ɔ binyumuhi ji Mesha, e kekleekle bi ɔ, nɛ ji Zif tsɛ ɔ, kɛ Maresha, nɛ ji Hebron tsɛ ɔ binyumu ɔmɛ. 43 Hebron binyumuhi ji Kora, Tapua, Rekem, kɛ Shema. 44 Shema fɔ Raham, nɛ ji Yorkeam tsɛ ɔ. Rekem fɔ Shamai. 45 Shamai binyumu ji Maon. Maon bi ji Betzur. 46 Kaleb yo kpa nɛ a tsɛɛ lɛ Efa fɔ Haran, Moza, kɛ Gazez. Haran fɔ Gazez. 47 Yahdai binyumuhi ji Regem, Yotam, Geshan, Pelet, Efa, kɛ Shaaf. 48 Kaleb yo kpa nɛ a tsɛɛ lɛ Maaka fɔ Sheber kɛ Tirhana. 49 Pee se ɔ, e fɔ Shaaf, nɛ ji Madmana tsɛ ɔ, Sheva, nɛ ji Makbena tsɛ ɔ, kɛ Gibea. Kaleb biyo ji Aksa. 50 Ni nɛ ɔmɛ ji Kaleb sisi bimɛ.

Hur, nɛ ji Efrata kekleekle bi ɔ binyumuhi ji Shobal, Kiriat Yearim tsɛ ɔ, 51 Salma, Betlehem tsɛ ɔ, kɛ Haref, Betgader tsɛ ɔ. 52 Shobal, nɛ ji Kiriat Yearim tsɛ ɔ ngɛ binyumuhi: Haroe kɛ Menuhotbi ɔmɛ a kpɛti nihi fã. 53 Kiriat Yearim wekuhi ji Itribi ɔmɛ, Putbi ɔmɛ, Shumatbi ɔmɛ, kɛ Mishraitbi ɔmɛ. Weku nɛ ɔmɛ a mi lɛ Zoratbi ɔmɛ kɛ Eshtaolbi ɔmɛ je. 54 Salma bimɛ* ji Betlehem, Netofabi ɔmɛ, Atrot Bet Yoabbi ɔmɛ, Manahatbi ɔmɛ a kpɛti nihi fã, kɛ Zoribi ɔmɛ. 55 Womi ngmali ɔmɛ a wekuhi nɛ ngɛ Yabez ɔ ji Tiratbi ɔmɛ, Shimeatbi ɔmɛ, kɛ Sukatbi ɔmɛ. Ni nɛ ɔmɛ ji Kenbi nɛ́ a je Hamat mi. Hamat ji Rekab we ɔ tsɛ.

3 David binyumuhi nɛ a fɔ ha lɛ ngɛ Hebron ji nɛ ɔmɛ nɛ: e kekleekle bi ɔ ji Amnon nɛ́ e nyɛ ji Ahinoam nɛ je Yezreel ɔ; e bi enyɔne ɔ ji Daniel nɛ́ e nyɛ ji Abigail, nɛ ji Karmelno ɔ; 2 e bi etɛne ɔ ji Absalom, nɛ ji Geshur Matsɛ Talmai biyo Maaka binyumu ɔ; e bi eywiɛne ɔ ji Adoniya, nɛ ji Hagit binyumu ɔ; 3 e bi enuɔne ɔ ji Shefatia nɛ́ e nyɛ ji Abital ɔ; nɛ e bi ekpane ɔ ji Itream nɛ́ e nyɛ ji David yo Egla a. 4 A fɔ bimɛ ekpa nɛ ɔmɛ ha lɛ ngɛ Hebron; e hi lejɛ ɔ kɛ ye nɔ jeha 7 kɛ nyɔhiɔ 6, nɛ e hi Yerusalem kɛ ye nɔ jeha 33.

5 Bimɛ nɛ a fɔ kɛ ha lɛ ngɛ Yerusalem ji nɛ ɔmɛ nɛ: Shimea, Shobab, Natan, kɛ Salomo; bimɛ eywiɛ nɛ ɔmɛ a nyɛ ji Batsheba, nɛ ji Amiel biyo ɔ. 6 Nɛ e ngɛ binyumu kpahi nɛɛ; mɛ ji Ibhar, Elishama, Elifelet, 7 Noga, Nefeg, Yafia, 8 Elishama, Eliada, kɛ Elifelet. 9 Ni nɛ ɔmɛ tsuo ji David binyumuhi, e slo e yi kpa amɛ a binyumu ɔmɛ, nɛ a nyɛmiyo ji Tamar.

10 Salomo binyumu ji Rehoboam; Rehoboam binyumu ji Abiya, Abiya binyumu ji Asa, Asa binyumu ji Yehoshafat, 11 Yehoshafat binyumu ji Yehoram, Yehoram binyumu ji Ahazia, Ahazia binyumu ji Yehoash, 12 Yehoash binyumu ji Amazia, Amazia binyumu ji Azaria, Azaria binyumu ji Yotam, 13 Yotam binyumu ji Ahaz, Ahaz binyumu ji Hezekia, Hezekia binyumu ji Manase, 14 Manase binyumu ji Amon, Amon binyumu ji Yosia. 15 Yosia binyumuhi ji nɛ ɔmɛ nɛ: e kekleekle bi ɔ ji Yohanan, enyɔne ɔ ji Yehoyakim, etɛne ɔ ji Zedekia, eywiɛne ɔ ji Shalum. 16 Yehoyakim binyumu* ji Yekonia, nɛ Yekonia binyumu ji Zedekia. 17 Yekonia nɛ a wo lɛ tsu ɔ binyumuhi ji Shealtiel, 18 Malkiram, Pedaya, Shenazar, Yekamia, Hoshama, kɛ Nedabia. 19 Pedaya binyumuhi ji Zerubabel kɛ Shimei; nɛ Zerubabel binyumuhi ji Meshulam kɛ Hanania (nɛ a nyɛmiyo ji Shelomit); 20 nɛ e binyumu kpahi enuɔ ji Hashuba, Ohel, Berekia, Hasadia, kɛ Yushab Hesed. 21 Nɛ Hanania binyumuhi ji Pelatia kɛ Yeshaya; Yeshaya binyumu* ji Refaya; Refaya binyumu* ji Arnan; Arnan binyumu* ji Obadia; Obadia binyumu* ji Shekania; 22 nɛ Shekania binyumu* ji Shemaya, nɛ Shemaya binyumuhi ji: Hatush, Igal, Baria, Nearia, kɛ Shafat, mɛ tsuo a yibɔ ji ekpa. 23 Nɛ Nearia binyumuhi ji Elioenai, Hizkia, kɛ Azrikam, mɛ ni etɛ. 24 Nɛ Elioenai binyumuhi ji Hodavia, Eliashib, Pelaya, Akub, Yohanan, Delaya, kɛ Anani, mɛ ni kpaago.

4 Yuda binyumuhi ji Perez, Hezron, Karmi, Hur, kɛ Shobal. 2 Shobal binyumu Reaya fɔ Yahat; Yahat fɔ Ahumai kɛ Lahad. Ni nɛ ɔmɛ ji Zoratbi ɔmɛ a wekuhi. 3 Etam tsɛ ɔ binyumuhi ji nɛ ɔmɛ nɛ: Yezreel, Ishma, kɛ Idbash (nɛ a nyɛmiyo ɔ biɛ ji Hazelelponi), 4 nɛ Gedor tsɛ ji Penuel, nɛ Husha tsɛ ji Ezer. Ni nɛ ɔmɛ ji Betlehem tsɛ Hur, nɛ ji Efrata kekleekle bi ɔ binyumuhi. 5 Tekoa tsɛ Ashur ngɔ yihi enyɔ, mɛ ji Hela kɛ Naara. 6 Naara fɔ Ahuzam, Hefer, Temeni, kɛ Haahashtari ha lɛ. Ni nɛ ɔmɛ ji Naara binyumuhi. 7 Nɛ Hela binyumuhi ji Zeret, Izar, kɛ Etnan. 8 Koz fɔ Anub, Zobeba, kɛ Aharhel, nɛ ji Harum binyumu ɔ weku ɔmɛ.

9 A buɔ Yabez pe e nyɛminyumu ɔmɛ; nɛ e nyɛ ɔ wo lɛ biɛ ke Yabez,* nɛ e de ke: “I na nɔ́ kɛ fɔ lɛ.” 10 Yabez tsɛ Israel Mawu ɔ nɛ e de lɛ ke: “Oo, moo jɔɔ mi, nɛ́ o ha nɛ ye zugba kpɔ ɔ mi nɛ bli, nɛ o nine nɛ hi ye he, nɛ ko ha nɛ amanehlu nɛ ba ye nɔ, nɛ́ e ba ye mi awi!” Lɔ ɔ he ɔ, Mawu pee nɔ́ nɛ e bi ɔ ha lɛ.

11 Shuha nyɛminyumu Kelub fɔ Mehir, nɔ nɛ e fɔ Eshton ɔ. 12 Eshton fɔ Betrafa, Pasea, kɛ Tehina, nɔ nɛ e fɔ Ir Nahash ɔ. Ni nɛ ɔmɛ ji Reka nyumuhi. 13 Kenaz binyumuhi ji Otniel kɛ Seraya, nɛ Otniel binyumu* ji Hatat. 14 Meonotai fɔ Ofra. Seraya fɔ Yoab, nɛ ji Geharashimbi* ɔmɛ a tsɛ ɔ; a tsɛɛ mɛ jã, ejakaa a ji ga ní tsuli.

15 Yefune binyumu Kaleb binyumuhi ji Iru, Ela, kɛ Naam; nɛ Ela binyumu* ji Kenaz. 16 Yehalelel binyumuhi ji Zif, Zifa, Tiria, kɛ Asarel. 17 Ezrah binyumuhi ji Yeter, Mered, Efer, kɛ Yalon; e* ngɔ hɔ, nɛ e fɔ Miriam, Shamai, kɛ Ishba, nɛ ji Eshtemoa tsɛ ɔ. 18 (Nɛ e yo Yudano ɔ fɔ Yered, nɛ ji Gedor tsɛ ɔ, Heber, nɛ ji Soko tsɛ ɔ, kɛ Yekutiel, nɛ ji Zanoa tsɛ ɔ.) Ni nɛ ɔmɛ ji Mered yo Bitia, nɛ ji Farao biyo ɔ binyumuhi.

19 Hodia yo ɔ, nɛ ji Naham nyɛmiyo ɔ binyumuhi ji Keila, nɛ ji Garmno ɔ, kɛ Eshtemoa, nɛ ji Maakatno ɔ a tsɛmɛ. 20 Shimon binyumuhi ji Amnon, Rina, Benhanan, kɛ Tilon. Nɛ Ishi binyumuhi ji Zohet kɛ Benzohet.

21 Yuda binyumu Shela binyumuhi ji Er, nɛ ji Leka tsɛ ɔ, Laada, nɛ ji Maresha tsɛ ɔ, kɛ bo kpakpahi a he ní tsuli a weku ɔmɛ nɛ a je Ashbea we ɔ, 22 kɛ Yokim, nyumuhi nɛ a je Kozeba a, Yoash, kɛ Saraf, nɛ́ ji nihi nɛ a ngɔ Moab yihi ɔ, kɛ Yashubi Lehem. Blema lokoo sanehi* ji nɛ ɔmɛ nɛ. 23 A ji buɛ puɛli nɛ a hi Netaim, kɛ Gedera. A hi lejɛ ɔ, nɛ a tsu ní ha matsɛ ɔ.

24 Simeon binyumuhi ji Nemuel, Yamin, Yarib, Zera, kɛ Shaul. 25 Shaul binyumu ji Shalum, Shalum binyumu ji Mibsam, nɛ Mibsam binyumu ji Mishma. 26 Nɛ Mishma binyumu* ji Hamuel, nɛ Hamuel binyumu ji Zakur, nɛ Zakur binyumu ji Shimei. 27 Shimei ngɛ binyumuhi 16, kɛ biyihi 6; se e nyɛminyumu ɔmɛ be binyumuhi fuu, nɛ a weku ɔmɛ ekoeko be nɛ ngɛ binyumuhi fuu kaa bɔ nɛ Yuda nyumu ɔmɛ ngɛ ɔ. 28 A hi Beersheba, Molada, Hazarshual, 29 Bilha, Ezem, Tolad, 30 Betuel, Horma, Ziklag, 31 Bet Markabot, Hazarsusim, Betbiri, kɛ Shaaraim. Ma nɛ ɔmɛ ji mahi nɛ a hi mi kɛ ba si be nɛ David bɔni nɔ yemi.

32 A hi mahi enuɔ a mi. Ma nɛ ɔmɛ ji Etam, Ain, Rimon, Token, kɛ Ashan, 33 nɛ a hi mahi nɛ bɔle ma nɛ ɔmɛ hu a mi kɛ ya si Baal tɔɔ. Biɛ nɛ ɔmɛ ji biɛhi nɛ a ngma ngɛ a weku kpa womi ɔ mi, kɛ hehi nɛ a hi. 34 Meshobab, Yamlek, Yosha, nɛ ji Amazia binyumu ɔ, 35 Yoel, Yehu nɛ ji Yoshibia binyumu ɔ, Yoshibia tsɛ ji Seraya, Seraya tsɛ ji Asiel, 36 kɛ Elioenai, Yaakoba, Yeshohaya, Asaya, Adiel, Yesimiel, kɛ Benaya, 37 kɛ Ziza, Shifi binyumu ɔ, Shifi tsɛ ji Alon, Alon tsɛ ji Yedaya, Yedaya tsɛ ji Shimri, Shimri tsɛ ji Shemaya; 38 nimli nɛ ɔmɛ nɛ́ a wo a biɛ ta a ji ganɔhi ngɛ a weku ɔmɛ a mi, nɛ a nɛmɛ ɔmɛ a we ɔ mi bimɛ ɔmɛ a he ba hiɛ babauu. 39 Nɛ a ya Gedor ma a agbo ɔ nya ngɛ dɔgba a puje he blɔ, konɛ a ya hla he nɛ a to ɔmɛ maa ye ní ngɛ. 40 Nyagbenyagbe ɔ, a ya na he ko nɛ ngɛ flɔflɔɔflɔ nɛ hi, nɛ zugba a kle, nɛ e nɔ jɔ, nɛ tue mi jɔmi ngɛ lejɛ ɔ. Jinɛ Hamatbi lɛ a ngɛ lejɛ ɔ. 41 Nimli nɛ ɔmɛ nɛ a wo a biɛ ta a ba lejɛ ɔ ngɛ Yuda Matsɛ Hezekia be ɔ mi, nɛ a ba hule Hamatbi ɔmɛ, kɛ Meunimbi ɔmɛ a bo tsu ɔmɛ nɛ́ ngɛ lejɛ ɔ kɛ pue si. A kpata a hɛ mi kɛ ba si mwɔnɛ ligbi nɛ ɔ; nɛ a hi lejɛ ɔ ngɛ a nane mi, ejakaa niye ní ngɛ lejɛ ɔ kɛ ha a to ɔmɛ.

42 Simeonbi ɔmɛ a ti ni komɛ, nɛ ji nyumuhi 500 ya Seir Yoku ɔ nɔ; Ishi binyumuhi nɛ ji Pelatia, Nearia, Refaya, kɛ Uziel lɛ nyɛɛ a hɛ mi. 43 Nɛ a gbe Amalekbi nɛ piɛ nɛ a tu fo kɛ ho lejɛ ɔ ya a, nɛ a ngɛ lejɛ ɔ kɛ ba si mwɔnɛ ligbi nɛ ɔ.

5 Ruben, nɛ ji Israel kekleekle bi ɔ binyumuhi ji nɛ ɔmɛ nɛ. Lɛ ji kekleekle bi, se akɛnɛ e ble e tsɛ sa he je ɔ, a ngɔ e bitɛte blɔ nya a kɛ ha Israel binyumu Yosef binyumu ɔmɛ, lɔ ɔ he ɔ, a ngmɛ e biɛ ngɛ a weku kpa womi ɔ mi kaa lɛ nɛ e hɛɛ bitɛte blɔ nya. 2 E ngɛ mi kaa Yuda nɔ kuɔ pe e nyɛminyumu ɔmɛ, nɛ e mi lɛ nɔ nɛ maa pee hɛ mi nyɛɛlɔ ɔ maa je kɛ ba mohu lɛɛ, se a kɛ bitɛte blɔ nya a ha Yosef. 3 Ruben nɛ ji Israel kekleekle bi ɔ binyumuhi ji Hanok, Palu, Hezron, kɛ Karmi. 4 Yoel binyumu* ji Shemaya, Shemaya binyumu ji Gog, Gog binyumu ji Shimei, 5 Shimei binyumu ji Mika, Mika binyumu ji Reaya, Reaya binyumu ji Baal, 6 Baal binyumu ji Beera, nɔ nɛ Asiria Matsɛ Tilgat Pilneser ngɔ lɛ nyɔguɛ ɔ; lɛ ji Rubenbi ɔmɛ a ganɔ. 7 Beera nyɛminyumu ɔmɛ a biɛ ngɛ a weku ɔmɛ a nya nɛ a ngma ngɛ a weku kpa womi ɔ mi ji nɛ ɔ nɛ: Yeyel, nɛ ji a nyatsɛ ɔ, Zakaria, 8 kɛ Bela, nɔ nɛ e tsɛ ji Azaz ɔ. Azaz tsɛ ji Shema, Shema tsɛ ji Yoel, nɔ nɛ hi Aroer kɛ ya si Nebo kɛ Baal Meon tɔɔ ɔ. 9 E hi puje he blɔ kɛ ya si nga a nɛ je Yufrate Pa a he ɔ nya, ejakaa a lohwe ɔmɛ a he ba hiɛ babauu ngɛ Gilead zugba a nɔ. 10 Ngɛ Saul be ɔ mi ɔ, a kɛ Hagribi ɔmɛ hwu ta, nɛ a ye Hagribi ɔmɛ a nɔ kunimi, nɛ a hi a bo tsu ɔmɛ a mi ngɛ Gilead puje he blɔ tsuo.

11 Jamɛ a be ɔ, Gad sisi bimɛ ɔmɛ hi a kasa nya ngɛ Bashan zugba a nɔ kɛ ya si Saleka tɔɔ. 12 Yoel ji a nyatsɛ ngɛ Bashan, Shafam ji nɔ enyɔne, nɛ Yanai kɛ Shafat hu ji hɛ mi nyɛɛli. 13 Nɛ a nyɛminyumuhi nɛ a je a tsɛmɛ a we ɔmɛ a mi ɔ ji Mikael, Meshulam, Sheba, Yorai, Yakan, Zia, kɛ Eber, mɛ tsuo a yibɔ ji kpaago. 14 Ni nɛ ɔmɛ ji Abihail binyumuhi. Abihail tsɛ ji Huri, Huri tsɛ ji Yaroa, Yaroa tsɛ ji Gilead, Gilead tsɛ ji Mikael, Mikael tsɛ ji Yeshishai, Yeshishai tsɛ ji Yado, Yado tsɛ ji Buz. 15 Guni binyumu Abdiel binyumu Ahi ji a tsɛ we ɔ nyatsɛ. 16 A hi Gilead kɛ Bashan kɛ mahi nɛ bɔle lɛ* ɔ a mi, kɛ lohwehi a ní yemi hehi tsuo nɛ ngɛ Sharon ɔ kɛ ya si a huzu ɔmɛ a nya tɔɔ. 17 A ngma mɛ tsuo a biɛ ngɛ a weku kpa womi ɔ mi ngɛ Yuda Matsɛ Yotam be ɔ mi kɛ Israel Matsɛ Yeroboam* be ɔ mi.

18 Rubenbi ɔmɛ, Gadbi ɔmɛ, kɛ Manase wɛtso fã a ngɛ tatsɛmɛ nɛ a he wa 44,760 ngɛ a tabo ɔ mi, nɛ́ a hɛɛɔ tsɛ̃ihi, kɛ klaatehi, kɛ kɛ̃ɛ̃hi,* nɛ a tsɔse mɛ kɛ ha ta hwumi. 19 A kɛ Hagribi ɔmɛ, Yetur, Nafish, kɛ Nodab hwu ta. 20 Nɛ benɛ a kɛ mɛ ngɛ ta a hwue ɔ, Mawu ye bua mɛ, nɛ e ngɔ Hagribi ɔmɛ kɛ nihi tsuo nɛ a piɛɛ Hagribi ɔmɛ a he ɔ kɛ wo a dɛ mi, ejakaa a tsɛ lɛ kaa e ye bua mɛ ngɛ ta a mi, nɛ e bu a pɛɛ kpami ɔ tue, akɛnɛ a ngɔ a hɛ kɛ fɔ e nɔ ɔ he je. 21 A nuu a lohwe ɔmɛ: afukpɔngɔ 50,000, jijɔ 250,000, kɛ teji 2,000, kɛ nimli* 100,000. 22 A gbe nihi fuu, ejakaa ta a, anɔkuale Mawu ɔ lɛ hwu. Nɛ a hi lejɛ ɔ ngɛ a nane mi kɛ ya si be nɛ a ba nuu mɛ kɛ ho nyɔguɛ tso mi ya.

23 Manase wɛtso fã a nina amɛ hi zugba a nɔ kɛ je Bashan kɛ ya si Baal Hermon kɛ Senir kɛ Hermon Yoku ɔ nɔ. A he hiɛ babauu nitsɛ. 24 A tsɛmɛ ɔmɛ a we ɔmɛ a nyatsɛmɛ ji nɛ ɔmɛ nɛ: Efer, Ishi, Eliel, Azriel, Yeremia, Hodavia, kɛ Yadiel; a ji tatsɛmɛ nɛ a he wa, nyumuhi nɛ a he biɛ, kɛ a tsɛmɛ a we ɔmɛ a nyatsɛmɛ. 25 Se a yi a nɛmɛ a Mawu ɔ anɔkuale, nɛ a ya ja zugba a nɔ bi ɔmɛ nɛ Mawu kpata a hɛ mi ngɛ a hɛ mi ɔ a mawu ɔmɛ. 26 Lɔ ɔ he ɔ, Israel Mawu ɔ ngɔ kɛ wo Asiria Matsɛ Pul (nɛ ji Asiria Matsɛ Tilgat Pilneser) tsui mi* nɛ e ya ngɔ Rubenbi ɔmɛ, Gadbi ɔmɛ, kɛ Manase wɛtso fã a nyɔguɛ, nɛ e ngɔ mɛ kɛ ho Hala, Habor, Hara, kɛ Gozan pa a nya ya, nɛ a ngɛ lejɛ ɔ kɛ ba si mwɔnɛ ligbi nɛ ɔ.

6 Levi binyumuhi ji Gershon, Kohat, kɛ Merari. 2 Kohat binyumuhi ji Amram, Izhar, Hebron, kɛ Uziel. 3 Amram bimɛ* ji Aaron, Mose, kɛ Miriam. Nɛ Aaron binyumuhi ji Nadab, Abihu, Eleazar, kɛ Itamar. 4 Eleazar fɔ Finehas; Finehas fɔ Abishua. 5 Abishua fɔ Buki; Buki fɔ Uzi. 6 Uzi fɔ Zerahia; Zerahia fɔ Merayot. 7 Merayot fɔ Amaria; Amaria fɔ Ahitub. 8 Ahitub fɔ Zadok; Zadok fɔ Ahimaaz. 9 Ahimaaz fɔ Azaria; Azaria fɔ Yohanan. 10 Yohanan fɔ Azaria. E sɔmɔ kaa osɔfo ngɛ we ɔ nɛ Salomo ma ngɛ Yerusalem ɔ mi.

11 Azaria fɔ Amaria; Amaria fɔ Ahitub. 12 Ahitub fɔ Zadok; Zadok fɔ Shalum. 13 Shalum fɔ Hilkia; Hilkia fɔ Azaria. 14 Azaria fɔ Seraya; Seraya fɔ Yehozadak. 15 Nɛ Yehozadak ho nyɔguɛ tso mi ya benɛ Yehowa gu Nebukadnezar nine nɔ kɛ ngɔ Yuda kɛ Yerusalem kɛ ho nyɔguɛ tso mi ya a.

16 Levi binyumuhi ji Gershom,* Kohat, kɛ Merari. 17 Gershom binyumu ɔmɛ a biɛhi ji: Libni kɛ Shimei. 18 Kohat binyumuhi ji Amram, Izhar, Hebron, kɛ Uziel. 19 Merari binyumuhi ji Mahli kɛ Mushi.

Levibi ɔmɛ a wekuhi ngɛ a nɛmɛ ɔmɛ a nya ji nɛ ɔmɛ nɛ: 20 Gershom binyumu* ji Libni, Libni binyumu ji Yahat, Yahat binyumu ji Zima, 21 Zima binyumu ji Yoa, Yoa binyumu ji Ido, Ido binyumu ji Zera, Zera binyumu ji Yeaterai. 22 Kohat binyumu* ji Aminadab, Aminadab binyumu ji Kora, Kora binyumu ji Asir, 23 Asir binyumu ji Elkana, Elkana binyumu ji Ebiasaf, Ebiasaf binyumu ji Asir, 24 Asir binyumu ji Tahat, Tahat binyumu ji Uriel, Uriel binyumu ji Uziah, nɛ Uziah binyumu ji Shaul. 25 Elkana binyumuhi ji Amasai kɛ Ahimot. 26 Elkana binyumu* ji Zofai, Zofai binyumu ji Nahat, 27 Nahat binyumu ji Eliab, Eliab binyumu ji Yeroham, Yeroham binyumu ji Elkana. 28 Samuel binyumuhi ji nɛ ɔmɛ nɛ: e kekleekle bi ɔ ji Yoel, nɛ e bi enyɔne ɔ ji Abiya. 29 Merari binyumu* ji Mahli, Mahli binyumu ji Libni, Libni binyumu ji Shimei, Shimei binyumu ji Uza, 30 Uza binyumu ji Shimea, Shimea binyumu ji Hagia, nɛ Hagia binyumu ji Asaya.

31 Ni nɛ ɔmɛ ji nihi nɛ David hla konɛ a hyɛ la nɛ a laa ngɛ Yehowa we ɔ nɔ benɛ a ngɔ Daka a kɛ ba ma si ngɛ lejɛ ɔ. 32 Mɛ lɛ a hyɛɔ la nɛ a laa ngɛ kpe he bo tsu ɔ, nɛ ji bo tsu klɔuklɔu ɔ hɛ mi ɔ nɔ kɛ ya si be nɛ Salomo ma Yehowa we ɔ ngɛ Yerusalem, nɛ a tsu a ní tsumi ɔ kaa bɔ nɛ a tsɔɔ mɛ ɔ. 33 Nyumuhi nɛ a binyumuhi piɛɛ a he kɛ sɔmɔ ɔ ji nɛ ɔmɛ nɛ: Ngɛ Kohatbi ɔmɛ a kpɛti ɔ, Heman nɛ ji lalɔ ɔ, e tsɛ ji Yoel, Yoel tsɛ ji Samuel, 34 Samuel tsɛ ji Elkana, Elkana tsɛ ji Yeroham, Yeroham tsɛ ji Eliel, Eliel tsɛ ji Toa, 35 Toa tsɛ ji Zuf, Zuf tsɛ ji Elkana, Elkana tsɛ ji Mahat, Mahat tsɛ ji Amasai, 36 Amasai tsɛ ji Elkana, Elkana tsɛ ji Yoel, Yoel tsɛ ji Azaria, Azaria tsɛ ji Zefania, 37 Zefania tsɛ ji Tahat, Tahat tsɛ ji Asir, Asir tsɛ ji Ebiasaf, Ebiasaf tsɛ ji Kora, 38 Kora tsɛ ji Izhar, Izhar tsɛ ji Kohat, Kohat tsɛ ji Levi, Levi tsɛ ji Israel.

39 E nyɛminyumu Asaf da e hiɔ nɔ; Asaf tsɛ ji Berekia, Berekia tsɛ ji Shimea, 40 Shimea tsɛ ji Mikael, Mikael tsɛ ji Baaseya, Baaseya tsɛ ji Malkiya, 41 Malkiya tsɛ ji Etni, Etni tsɛ ji Zera, Zera tsɛ ji Adaya, 42 Adaya tsɛ ji Etan, Etan tsɛ ji Zima, Zima tsɛ ji Shimei, 43 Shimei tsɛ ji Yahat, Yahat tsɛ ji Gershom, Gershom tsɛ ji Levi.

44 Merari sisi bimɛ nɛ ji a nyɛminyumu ɔmɛ ngɛ muɔ nɔ; Etan tsɛ ji Kishi, Kishi tsɛ ji Abdi, Abdi tsɛ ji Maluk, 45 Maluk tsɛ ji Hashabia, Hashabia tsɛ ji Amazia, Amazia tsɛ ji Hilkia, 46 Hilkia tsɛ ji Amzi, Amzi tsɛ ji Bani, Bani tsɛ ji Shemer, 47 Shemer tsɛ ji Mahli, Mahli tsɛ ji Mushi, Mushi tsɛ ji Merari, Merari tsɛ ji Levi.

48 A nyɛmimɛ Levibi ɔmɛ ji nihi nɛ a hla* konɛ a hyɛ ní tsumihi tsuo nɛ a tsuɔ ngɛ bo tsu klɔuklɔu ɔ, nɛ ji anɔkuale Mawu ɔ we ɔ nɔ. 49 Aaron kɛ e binyumu ɔmɛ haa nɛ afɔle sami lasuku jeɔ ngɛ afɔle sami latɛ nɛ a sãã sami afɔle ngɛ nɔ ɔ, kɛ afɔle sami latɛ nɛ a sãã tsopa kɛ e he via ngɛ nɔ ɔ nɔ, nɛ a tsuɔ níhi nɛ a ngɛ klɔuklɔu pe kulaa a he ní, nɛ a kpataa kɛ haa Israel kaa bɔ nɛ Mose, nɛ ji anɔkuale Mawu ɔ sɔmɔlɔ ɔ fã ke a pee ɔ pɛpɛɛpɛ. 50 Ni nɛ ɔmɛ ji Aaron sisi bimɛ: Aaron binyumu ji Eleazar, Eleazar binyumu ji Finehas, Finehas binyumu ji Abishua, 51 Abishua binyumu ji Buki, Buki binyumu ji Uzi, Uzi binyumu ji Zerahia, 52 Zerahia binyumu ji Merayot, Merayot binyumu ji Amaria, Amaria binyumu ji Ahitub, 53 Ahitub binyumu ji Zadok, nɛ Zadok binyumu ji Ahimaaz.

54 Hehi nɛ a hi ngɛ a zugba kpɔ ɔ mi ngɛ a sito he ɔmɛ* a nya ji nɛ ɔmɛ nɛ: akɛnɛ kekle sɔ nɛ́ a fɔ ɔ ya nɔ Aaron sisi bimɛ nɛ a piɛɛ Kohatbi ɔmɛ a weku ɔ he ɔ nɔ he je ɔ, 55 a ngɔ Hebron nɛ ngɛ Yuda zugba a nɔ ɔ, kɛ lohwehi a ní yemi hehi nɛ bɔle lɛ ɔ kɛ ha mɛ. 56 Se zugba kɛ kɔpehi nɛ bɔle ma a lɛɛ a ngɔ kɛ ha Kaleb, nɛ ji Yefune binyumu ɔ. 57 Nɛ a ha Aaron sisi bimɛ ɔmɛ wesa he ma amɛ,* nɛ ji Hebron, kɛ jehanɛ hu ɔ, Libna kɛ e he lohwehi a ní yemi he ɔmɛ, Yatir, Eshtemoa kɛ e he lohwehi a ní yemi he ɔmɛ, 58 Hilen kɛ e he lohwehi a ní yemi he ɔmɛ, Debir kɛ e he lohwehi a ní yemi he ɔmɛ, 59 Ashan kɛ e he lohwehi a ní yemi he ɔmɛ, kɛ Bet Shemesh kɛ e he lohwehi a ní yemi he ɔmɛ; 60 nɛ kɛ je Benyamin wɛtso ɔ mi ɔ, a ha mɛ Geba kɛ e he lohwehi a ní yemi he ɔmɛ, Alemet kɛ e he lohwehi a ní yemi he ɔmɛ, kɛ Anatot kɛ e he lohwehi a ní yemi he ɔmɛ. Mahi tsuo nɛ a kɛ ha a weku ɔmɛ ɔ peeɔ mahi 13.

61 Kohatbi ɔmɛ nɛ piɛ ɔ lɛɛ, a fɔ̃ sɔ* nɛ a ha mɛ mahi nyɔngma kɛ je wɛtso ɔ weku ɔ, kɛ Manase wɛtso fã a mi.

62 A ha Gershombi ɔmɛ mahi 13 ngɛ a weku ɔmɛ a nya kɛ je Isakar wɛtso ɔ, Asher wɛtso ɔ, Naftali wɛtso ɔ, kɛ Manase wɛtso ɔ nɛ ngɛ Bashan ɔ mi.

63 A fɔ̃ sɔ nɛ a ha Meraribi ɔmɛ mahi 12 ngɛ a weku ɔmɛ a nya kɛ je Ruben wɛtso ɔ, Gad wɛtso ɔ, kɛ Zebulun wɛtso ɔ mi.

64 Enɛ ɔ he ɔ, Israelbi ɔmɛ ha Levibi ɔmɛ ma nɛ ɔmɛ kɛ a he lohwehi a ní yemi he ɔmɛ. 65 Jehanɛ hu ɔ, a fɔ̃ sɔ nɛ a ha mɛ ma nɛ ɔmɛ nɛ́ a wo a biɛ ta a kɛ je Yuda wɛtso ɔ, Simeon wɛtso ɔ, kɛ Benyamin wɛtso ɔ mi.

66 Kohatbi ɔmɛ a weku ɔmɛ ekomɛ ná mahi kɛ je Efraim wɛtso ɔ mi kaa a zugba kpɔ. 67 A ha mɛ wesa he ma amɛ,* Shekem kɛ e he lohwehi a ní yemi he ɔmɛ ngɛ Efraim yoku ɔmɛ a nɔ, Gezer kɛ e he lohwehi a ní yemi he ɔmɛ, 68 Yokmeam kɛ e he lohwehi a ní yemi he ɔmɛ, Bet Horon kɛ e he lohwehi a ní yemi he ɔmɛ, 69 Aiyalon kɛ e he lohwehi a ní yemi he ɔmɛ, kɛ Gat Rimon kɛ e he lohwehi a ní yemi he ɔmɛ; 70 nɛ kɛ je Manase wɛtso fã a mi ɔ, a ha Kohatbi ɔmɛ a weku ɔmɛ nɛ piɛ ɔ Aner kɛ e he lohwehi a ní yemi he ɔmɛ, kɛ Bileam kɛ e he lohwehi a ní yemi he ɔmɛ.

71 A ha Gershombi ɔmɛ Golan nɛ ngɛ Bashan ɔ kɛ e he lohwehi a ní yemi he ɔmɛ, kɛ Ashtarot kɛ e he lohwehi a ní yemi he ɔmɛ kɛ je Manase wɛtso fã a weku ɔ mi; 72 nɛ kɛ je Isakar wɛtso ɔ mi ɔ, a ha mɛ Kedesh kɛ e he lohwehi a ní yemi he ɔmɛ, Daberat kɛ e he lohwehi a ní yemi he ɔmɛ, 73 Ramot kɛ e he lohwehi a ní yemi he ɔmɛ, kɛ Anem kɛ e he lohwehi a ní yemi he ɔmɛ; 74 nɛ kɛ je Asher wɛtso ɔ mi ɔ, a ha mɛ Mashal kɛ e he lohwehi a ní yemi he ɔmɛ, Abdon kɛ e he lohwehi a ní yemi he ɔmɛ, 75 Hukok kɛ e he lohwehi a ní yemi he ɔmɛ, Rehob kɛ e he lohwehi a ní yemi he ɔmɛ; 76 nɛ kɛ je Naftali wɛtso ɔ mi ɔ, a ha mɛ Kedesh nɛ ngɛ Galilea a kɛ e he lohwehi a ní yemi he ɔmɛ, kɛ Hamon kɛ e he lohwehi a ní yemi he ɔmɛ, kɛ Kiriataim kɛ e he lohwehi a ní yemi he ɔmɛ.

77 A ha Meraribi nɛ piɛ ɔ Rimono kɛ e he lohwehi a ní yemi he ɔmɛ, Tabor kɛ e he lohwehi a ní yemi he ɔmɛ kɛ je Zebulun wɛtso ɔ mi; 78 nɛ kɛ je Ruben wɛtso ɔ mi ɔ, a ha mɛ Bezer nɛ ngɛ nga a nɔ ɔ kɛ e he lohwehi a ní yemi he ɔmɛ, Yahaz kɛ e he lohwehi a ní yemi he ɔmɛ ngɛ Yordan kpokpa a nɔ ngɛ Yeriko, kɛ yaa Yordan puje he blɔ, 79 Kedemot kɛ e he lohwehi a ní yemi he ɔmɛ, kɛ Mefaat kɛ e he lohwehi a ní yemi he ɔmɛ; 80 nɛ kɛ je Gad wɛtso ɔ mi ɔ, a ha mɛ Ramot nɛ ngɛ Gilead ɔ kɛ e he lohwehi a ní yemi he ɔmɛ, Mahanaim kɛ e he lohwehi a ní yemi he ɔmɛ, 81 Heshbon kɛ e he lohwehi a ní yemi he ɔmɛ, kɛ Yazer kɛ e he lohwehi a ní yemi he ɔmɛ.

7 Isakar binyumuhi ji Tola, Pua, Yashub, kɛ Shimron, mɛ ni eywiɛ. 2 Nɛ Tola binyumuhi ji Uzi, Refaya, Yeriel, Yahmai, Ibsam, kɛ Shemuel. A ji a tsɛmɛ a we ɔmɛ a nyatsɛmɛ. Tola sisi bimɛ ɔmɛ ji tatsɛmɛ nɛ a he wa, nɛ ngɛ David be ɔ mi ɔ, a yibɔ ji 22,600. 3 Uzi binyumu* ji Izrahia, nɛ Izrahia binyumuhi ji nɛ ɔmɛ nɛ: Mikael, Obadia, Yoel, kɛ Ishia, mɛ ni enuɔ ɔmɛ tsuo a ji nya dali.* 4 Nɛ ngɛ a tsɛmɛ a we ɔmɛ a nya a, a kɛ a sisi bimɛ ɔmɛ ngɛ tabuli 36,000 ngɛ a tabo ɔ mi kɛ ha ta yami, ejakaa a ngɔ yihi fuu, nɛ a fɔ binyumuhi babauu. 5 Nɛ a nyɛminyumu ɔmɛ nɛ a je Isakar weku ɔmɛ a mi ɔ ji tatsɛmɛ nɛ a he wa, nɛ a yibɔ ngɛ a weku kpa womi ɔ mi ji 87,000.

6 Benyamin binyumuhi ji Bela, Beker, kɛ Yediael, mɛ ni etɛ. 7 Bela binyumuhi ji Ezbon, Uzi, Uziel, Yerimot, kɛ Iri, mɛ ni enuɔ. A ji a tsɛmɛ a we ɔmɛ a nyatsɛmɛ, kɛ tatsɛmɛ nɛ a he wa, nɛ a yibɔ ngɛ a weku kpa womi ɔ mi ji 22,034. 8 Nɛ Beker binyumuhi ji Zemira, Yoash, Eliezer, Elioenai, Omri, Yeremot, Abiya, Anatot, kɛ Alemet, ni nɛ ɔmɛ tsuo ji Beker binyumuhi. 9 Ngɛ a weku kpa womi ɔ nɛ tsɔɔ a tsɛmɛ a we ɔmɛ a nyatsɛmɛ kɛ a sisi bimɛ ɔmɛ mi ɔ, a ngɛ tatsɛmɛ nɛ a he wa 20,200. 10 Yediael binyumu* ji Bilhan, nɛ Bilhan binyumuhi ji: Yeush, Benyamin, Ehud, Kenaana, Zetan, Tarshish, kɛ Ahishahar. 11 Ni nɛ ɔmɛ tsuo ji Yediael binyumuhi ngɛ a nɛmɛ ɔmɛ a nyatsɛmɛ ɔmɛ a nya, tatsɛmɛ nɛ a he wa 17,200, nɛ́ a pee klaalo kaa a maa je kpo kɛ ya piɛɛ tabo ɔ he kɛ ya ta.

12 Ir binyumuhi ji Shupim kɛ Hupim; Aher binyumu* ji Hushim.

13 Naftali binyumuhi ji Yahziel, Guni, Yezer, kɛ Shalum, a ji Bilha sisi bimɛ.*

14 Manase binyumuhi ji: Asriel, nɔ nɛ e yo kpa nɛ ji Siriano ɔ fɔ ɔ. (E fɔ Makir, nɛ ji Gilead tsɛ ɔ. 15 Makir ngɔ yo ha Hupim kɛ Shupim, nɛ e nyɛmiyo biɛ ji Maaka.) E binyumu enyɔne ɔ biɛ ji Zelofehad, se Zelofehad fɔ biyihi. 16 Makir yo Maaka fɔ binyumu, nɛ e wo lɛ biɛ ke Peresh; nɛ e nyɛminyumu biɛ ji Sheresh; nɛ e binyumuhi ji Ulam kɛ Rekem. 17 Ulam binyumu* ji Bedan. Ni nɛ ɔmɛ ji Manase binyumu Makir binyumu Gilead binyumuhi. 18 Nɛ e nyɛmiyo ji Hamoleket. E fɔ Ishod, Abiezer, kɛ Mahla. 19 Shemida binyumuhi ji Ahian, Shekem, Likhi, kɛ Aniam.

20 Efraim binyumu* ji Shutela, Shutela binyumu ji Bered, Bered binyumu ji Tahat, Tahat binyumu ji Eleada, Eleada binyumu ji Tahat, 21 Tahat binyumu ji Zabad, Zabad binyumu ji Shutela. Efraim fɔ Ezer kɛ Elead hulɔ. Gat nyumu ɔmɛ nɛ a fɔ mɛ ngɛ zugba a nɔ ɔ gbe mɛ, ejakaa a kple kɛ ho konɛ a ya nuu a lohwe lɛlɛɛ ɔmɛ. 22 Efraim nɛ ji a tsɛ ɔ ya nɔ nɛ e fo a he ya ligbihi babauu, nɛ e nyɛminyumu ɔmɛ baa e ngɔ, nɛ a ba woɔ e bua. 23 Pee se ɔ, e kɛ e yo ɔ ná bɔmi, nɛ e ngɔ hɔ, nɛ e fɔ binyumu. Se e wo lɛ biɛ ke Beria,* ejakaa yo ɔ fɔ benɛ amanehlu ba Efraim weku ɔ nɔ ɔ. 24 Nɛ e biyo ji Sheera, nɔ nɛ e po Dɔ Si Je kɛ Yiti Je Bet Horon, kɛ Uzen Sheera a. 25 E* sisi bimɛ ji Refa kɛ Reshef, Reshef binyumu ji Tela, Tela binyumu ji Tahan, 26 Tahan binyumu ji Ladan, Ladan binyumu ji Amihud, Amihud binyumu ji Elishama, 27 Elishama binyumu ji Nun, Nun binyumu ji Yoshua.*

28 Zugba nɛ a nine su nɔ, kɛ hehi nɛ a hi ji Betel kɛ mahi nɛ bɔle lɛ* ɔ, kɛ ya si Naaran ngɛ puje he blɔ, kɛ Gezer kɛ mahi nɛ bɔle lɛ ɔ ngɛ pusinɔ he blɔ, kɛ Shekem kɛ mahi nɛ bɔle lɛ ɔ, hluu kɛ ya si Aya* kɛ mahi nɛ bɔle lɛ ɔ; 29 nɛ ngɛ Manase sisi bimɛ ɔmɛ a kasa nya a, a ná Bet Shan kɛ mahi nɛ bɔle lɛ ɔ, Taanak kɛ mahi nɛ bɔle lɛ ɔ, Megido kɛ mahi nɛ bɔle lɛ ɔ, kɛ Dor kɛ mahi nɛ bɔle lɛ ɔ. Ma nɛ ɔmɛ a mi Israel binyumu Yosef sisi bimɛ ɔmɛ hi.

30 Asher binyumuhi ji Imnah, Ishva, Ishvi, kɛ Beria, nɛ a nyɛmiyo ji Sera. 31 Beria binyumuhi ji Heber kɛ Malkiel, nɛ ji Birzait tsɛ ɔ. 32 Heber fɔ Yaflet, Shomer, kɛ Hotam, kɛ a nyɛmiyo Shua. 33 Yaflet binyumuhi ji Pasak, Bimhal, kɛ Ashvat. Ni nɛ ɔmɛ ji Yaflet binyumuhi. 34 Shemer* binyumuhi ji Ahi, Roga, Yehuba, kɛ Aram. 35 E nyɛminyumu Helem* binyumuhi ji Zofa, Imna, Shelesh, kɛ Amal. 36 Zofa binyumuhi ji Sua, Harnefer, Shual, Beri, Imra, 37 Bezer, Hod, Shama, Shilsha, Itran, kɛ Beera. 38 Yeter binyumuhi ji Yefune, Pispa, kɛ Ara. 39 Ula binyumuhi ji Arah, Haniel, kɛ Rizia. 40 Ni nɛ ɔmɛ tsuo ji Asher binyumuhi, a ji a tsɛmɛ a we ɔmɛ a nyatsɛmɛ, nihi nɛ a hla, tatsɛmɛ nɛ a he wa, ganɔ ɔmɛ a nyatsɛmɛ; nɛ nihi nɛ a ngɛ tabo ɔ mi kɛ ha ta yami ɔ a yibɔ ngɛ weku kpa womi ɔ mi ji nyumuhi 26,000.

8 Benyamin kekleekle bi ji Bela, e bi enyɔne ɔ ji Ashbel, e bi etɛne ɔ ji Ahara, 2 e bi eywiɛne ɔ ji Noha, nɛ e bi enuɔne ɔ ji Rafa. 3 Bela binyumuhi ji Addar, Gera, Abihud, 4 Abishua, Naaman, Ahoa, 5 Gera, Shefufan, kɛ Huram. 6 Ni nɛ ɔmɛ ji Ehud binyumuhi nɛ ji Gebabi ɔmɛ a tsɛmɛ a we ɔmɛ a nyatsɛmɛ, nihi nɛ a nuu mɛ kɛ ho nyɔguɛ tso mi ya ngɛ Manahat: 7 Naaman, Ahiya, kɛ Gera. Gera ji nɔ nɛ e ngɔ mɛ kɛ ho nyɔguɛ tso mi ya a nɛ, nɛ e fɔ Uza kɛ Ahihud. 8 Shaharaim fɔ bimɛ ngɛ Moab zugba kpɔ ɔ mi* be mi nɛ e wo mɛ blɔ kɛ ho ɔ se. E yihi ji Hushim kɛ Baara.* 9 Nɛ e kɛ e yo Hodesh fɔ Yobab, Zibia, Mesha, Malkam, 10 Yeuz, Sakia, kɛ Mirma. Ni nɛ ɔmɛ ji e binyumuhi, nɛ a ji a tsɛmɛ a we ɔmɛ a nyatsɛmɛ.

11 E kɛ Hushim fɔ Abitub kɛ Elpaal. 12 Nɛ Elpaal binyumuhi ji Eber, Misham, Shemed (nɔ nɛ po Ono kɛ Lod kɛ mahi nɛ bɔle lɛ* ɔ), 13 Beria, kɛ Shema. Ni nɛ ɔmɛ ji Aiyalonbi ɔmɛ a tsɛmɛ a we ɔmɛ a nyatsɛmɛ. Mɛ lɛ a fiee Gatbi ɔmɛ ɔ nɛ. 14 Jehanɛ hu Ahio, Shashak, Yeremot, 15 Zebadia, Arad, Eder, 16 Mikael, Ishpa, kɛ Yoha ji Beria binyumuhi; 17 Zebadia, Meshulam, Hizki, Heber, 18 Ishmerai, Izlia, kɛ Yobab ji Elpaal binyumuhi; 19 Yakim, Zikri, Zabdi, 20 Elienai, Ziletai, Eliel, 21 Adaya, Beraya, kɛ Shimrat ji Shimei binyumuhi; 22 Ishpan, Eber, Eliel, 23 Abdon, Zikri, Hanan, 24 Hanania, Elam, Antotiya, 25 Ifdeya, kɛ Penuel ji Shashak binyumuhi; 26 Shamsherai, Sheharia, Atalia, 27 Yaareshia, Eliya, kɛ Zikri ji Yeroham binyumuhi. 28 Ni nɛ ɔmɛ ji a tsɛmɛ a we ɔmɛ a nyatsɛmɛ ngɛ a ninahi a nya. Nyatsɛmɛ nɛ ɔmɛ hi Yerusalem.

29 Gibeon tsɛ Yeyel hi Gibeon. E yo biɛ ji Maaka. 30 Nɛ e bitɛte ji Abdon, e se ɔ, Zur, Kish, Baal, Nadab, 31 Gedor, Ahio, kɛ Zeker. 32 Miklot fɔ Shimeah. Nɛ mɛ tsuo a hi a nyɛmimɛ ɔmɛ a kasa nya ngɛ Yerusalem, a kɛ a nyɛmimɛ kpa amɛ.

33 Ner fɔ Kish; Kish fɔ Saul; Saul fɔ Yonatan, Malkishua, Abinadab, kɛ Eshbaal.* 34 Nɛ Yonatan binyumu ji Meribaal.* Meribaal fɔ Mika. 35 Nɛ Mika binyumuhi ji Piton, Melek, Tarea, kɛ Ahaz. 36 Ahaz fɔ Yehoada; Yehoada fɔ Alemet, Azmavet, kɛ Zimri. Zimri fɔ Moza. 37 Moza fɔ Binea, Binea binyumu ji Rafa, Rafa binyumu ji Eleasa, Eleasa binyumu ji Azel. 38 Azel ngɛ binyumuhi ekpa, nɛ a biɛhi ji Azrikam, Bokeru, Ishmael, Shearia, Obadia, kɛ Hanan. Ni nɛ ɔmɛ tsuo ji Azel binyumuhi. 39 Nɛ e nyɛminyumu Eshek kekleekle binyumu ji Ulam, e bi enyɔne ɔ ji Yeush, nɛ e bi etɛne ɔ ji Elifelet. 40 Ulam binyumu ɔmɛ ji tatsɛmɛ nɛ a he wa nɛ́ a tsɛ̃ɔ kɛ̃ɛ̃* saminya, nɛ a ngɛ binyumuhi kɛ bibinyumuhi babauu nɛ́ a yibɔ ji 150. Ni nɛ ɔmɛ tsuo ji Benyamin sisi bimɛ.

9 A ngma Israelbi ɔmɛ tsuo a biɛ ngɛ a weku kpa nya, nɛ a ngma ngɛ Israel Matsɛmɛ Ɔmɛ A Womi ɔ mi. Nɛ a ngɔ Yuda kɛ ho nyɔguɛ tso mi ya ngɛ Babilon, ngɛ anɔkuale nɛ e yi ɔ he je. 2 Kekleekle nihi nɛ a kpale kɛ ya a weto níhi a he ngɛ a ma amɛ a mi ji Israelbi komɛ, osɔfo ɔmɛ, Levibi ɔmɛ, kɛ sɔlemi we ɔ sɔmɔli ɔmɛ.* 3 Nɛ Yuda, Benyamin, Efraim, kɛ Manase a sisi bimɛ ɔmɛ ekomɛ hi Yerusalem: 4 Ngɛ Yuda binyumu Perez sisi bimɛ ɔmɛ a mi ɔ, Utai, Amihud binyumu ɔ, Amihud tsɛ ji Omri, Omri tsɛ ji Imri, Imri tsɛ ji Bani. 5 Nɛ ngɛ Shilobi ɔmɛ a kpɛti ɔ, Asaya, nɛ ji kekleekle bi ɔ, kɛ e binyumu ɔmɛ. 6 Nɛ ngɛ Zera binyumu ɔmɛ a kpɛti ɔ, Yeuel, kɛ a nyɛminyumuhi 690.

7 Nɛ ngɛ Benyamin sisi bimɛ ɔmɛ a mi ɔ, Salu, Meshulam binyumu ɔ, Meshulam tsɛ ji Hodavia, Hodavia tsɛ ji Hasenua, 8 Ibneya, Yeroham binyumu ɔ, Ela, Uzi binyumu ɔ, Uzi tsɛ ji Mikri, kɛ Meshulam, Shefatia binyumu ɔ, Shefatia tsɛ ji Reuel, Reuel tsɛ ji Ibniya. 9 Nɛ a nyɛminyumu ɔmɛ a yibɔ ngɛ a weku kpa nya ji 956. Nyumu nɛ ɔmɛ tsuo ji a tsɛmɛ a we ɔmɛ a nyatsɛmɛ.*

10 Nɛ ngɛ osɔfo ɔmɛ a kpɛti ɔ, Yedaya, Yehoyarib, Yakin, 11 Azaria, nɛ ji Hilkia binyumu ɔ, Hilkia tsɛ ji Meshulam, Meshulam tsɛ ji Zadok, Zadok tsɛ ji Merayot, Merayot tsɛ ji Ahitub, e ji anɔkuale Mawu ɔ we* ɔ hɛ mi nyɛɛlɔ, 12 Adaya, Yeroham binyumu ɔ, Yeroham tsɛ ji Pashur, Pashur tsɛ ji Malkiya, Maasai, Adiel binyumu ɔ, Adiel tsɛ ji Yazera, Yazera tsɛ ji Meshulam, Meshulam tsɛ ji Meshilemit, Meshilemit tsɛ ji Imer, 13 kɛ a nyɛminyumu ɔmɛ, a tsɛmɛ a we ɔmɛ a nyatsɛmɛ, nyumuhi nɛ a he wa 1,760 nɛ́ a sa kɛ ha sɔmɔmi ngɛ anɔkuale Mawu ɔ we ɔ.

14 Nɛ ngɛ Levibi ɔmɛ a kpɛti ɔ, Shemaya, Hashub binyumu ɔ, Hashub tsɛ ji Azrikam, Azrikam tsɛ ji Hashabia, a je Merari sisi bimɛ ɔmɛ a mi; 15 kɛ Bakbakar, Heresh, Galal, Matania, Mika binyumu ɔ, Mika tsɛ ji Zikri, Zikri tsɛ ji Asaf, 16 Obadia, Shemaya binyumu ɔ, Shemaya tsɛ ji Galal, Galal tsɛ ji Yedutun, kɛ Berekia, Elkana binyumu Asa binyumu ɔ, nɔ nɛ hi Netofabi ɔmɛ a hi he ɔmɛ ɔ.

17 Agbo nya buli ɔmɛ ji Shalum, Akub, Talmon, Ahiman, kɛ a nyɛminyumu Shalum nɛ ji a nyatsɛ ɔ, 18 nɛ kɛ ba si jamɛ a be ɔ mi ɔ, e hi matsɛ ɔ agbo ɔ nɛ ngɛ puje he blɔ ɔ nya. Ni nɛ ɔmɛ ji agbo nya buli ngɛ Levibi ɔmɛ a sito he ɔmɛ. 19 Nɛ Shalum, nɛ ji Kore binyumu Ebiasaf binyumu Kora binyumu ɔ, kɛ e nyɛminyumu ɔmɛ nɛ a je e tsɛ we ɔ, nɛ ji Korabi ɔmɛ ji nihi nɛ a kɛ sɔmɔmi ní tsumi ɔmɛ wo a dɛ kaa bo tsu ɔ sinya a nya buli. A tsɛmɛ ji nihi nɛ a bu he nɛ a guu kɛ sɛɛ Yehowa sito he ɔ. 20 Blema a, Eleazar binyumu Finehas ji a hɛ mi nyɛɛlɔ, nɛ Yehowa kɛ lɛ hi si. 21 Zakaria, Meshelemia binyumu ɔ ji agbo nya bulɔ ngɛ he nɛ a guɔ kɛ sɛɔ kpe he bo tsu ɔ mi.

22 Nihi tsuo nɛ a hla mɛ kaa agbo nya buli ngɛ sinya kpoku ɔmɛ a nya a, a yibɔ ji 212. A hi a hi hehi ngɛ bɔ nɛ a ngma a biɛ ngɛ a weku kpa womi ɔ mi ha a nya. David kɛ ní nalɔ Samuel ngɔ ní tsumi nɛ a kɛ woɔ anɔkualetsɛmɛ a dɛ ɔ kɛ ha ni nɛ ɔmɛ. 23 A kɛ a binyumu ɔmɛ ji nihi nɛ a sɔmɔɔ kaa Yehowa we ɔ, nɛ ji bo tsu ɔ we ɔ agbo ɔmɛ a nya buli. 24 Agbo nya buli ɔmɛ da kɔ nya eywiɛ ɔmɛ nɛ ji, puje he, pusinɔ he, yiti je, kɛ woyi je. 25 Ke pee ɔ, a nyɛminyumu ɔmɛ jeɔ a hi he ɔmɛ kɛ baa, nɛ a ba piɛɛɔ a he kɛ sɔmɔɔ ligbi kpaago. 26 A ngɛ agbo nya buli a nya dali* eywiɛ nɛ́ a ngɔ ní tsumi nɛ a kɛ woɔ anɔkualetsɛmɛ a dɛ ɔ kɛ ha. A ji Levibi, nɛ mɛ lɛ a hyɛɛ tsu* ɔmɛ kɛ anɔkuale Mawu ɔ we ɔ juetli to he ɔmɛ a nɔ. 27 A hiɔ a hi he ɔmɛ kɛ bɔleɔ anɔkuale Mawu ɔ we ɔ kɛ kpeɔ nyɔ ɔ mi tsuo, ejakaa a sɔmɔɔ kaa buli, nɛ a hɛɛɔ safe ɔ, nɛ a bliɔ we ɔ nya daa mɔtu.

28 A ti ni komɛ hyɛɔ níhi nɛ a kɛ sɔmɔɔ ɔ nɔ; ke a ngɔ ní ɔmɛ kɛ ba a, a kaneɔ, nɛ ke a kɛ ngɛ kpo jee hu a kaneɔ. 29 A ti ni komɛ hyɛɔ ní ɔmɛ, ní klɔuklɔu ɔmɛ tsuo, kɛ mamu bukɔbukɔ ɔ, wai ɔ, nu ɔ, ohɛ ɔ, kɛ balsam nu ɔ nɔ. 30 Osɔfo ɔmɛ a binyumu ɔmɛ ekomɛ ji nihi nɛ a futuɔ tsopa kɛ he via nɛ́ a kɛ balsam nu pee ɔ. 31 Nɛ ngɛ Levi bi ɔmɛ a kpɛti ɔ, Matitia, Shalum nɛ ji Korano ɔ kekleekle bi ɔ ji anɔkualetsɛ nɛ a ngɔ níhi nɛ a sãã ngɛ tsesihi a mi ɔ kɛ wo e dɛ. 32 A nyɛminyumuhi nɛ a je Kohatbi ɔmɛ a kpɛti ɔ, a ti ni komɛ lɛ a hyɛɔ abolo nɛ a toɔ* ɔ nɔ, nɛ a sãã abolo nɛ ɔ daa hejɔɔmi ligbi.

33 Ni nɛ ɔmɛ ji lali ɔmɛ, Levibi ɔmɛ a tsɛmɛ a we ɔmɛ a nyatsɛmɛ nɛ a ngɛ tsu* ɔmɛ a mi, nihi nɛ a ha we mɛ ní tsumi kpa ko; ejakaa a blɔ nya ní tsumi ji kaa a tsu ní nyɔ kɛ pia. 34 Ni nɛ ɔmɛ ji Levibi ɔmɛ a tsɛmɛ a we ɔmɛ a nyatsɛmɛ ngɛ a weku kpa nya, a ji nya dali. A hi Yerusalem.

35 Gibeon tsɛ Yeyel hi Gibeon. E yo biɛ ji Maaka. 36 Nɛ e bitɛte ji Abdon, e se ɔ, Zur, Kish, Baal, Ner, Nadab, 37 Gedor, Ahio, Zakaria, kɛ Miklot. 38 Miklot fɔ Shimeam. Nɛ mɛ tsuo a hi a nyɛmimɛ ɔmɛ a kasa nya ngɛ Yerusalem, a kɛ a nyɛmimɛ kpa amɛ. 39 Ner fɔ Kish; Kish fɔ Saul; Saul fɔ Yonatan, Malkishua, Abinadab, kɛ Eshbaal. 40 Nɛ Yonatan binyumu ji Meribaal. Meribaal fɔ Mika. 41 Nɛ Mika binyumuhi ji Piton, Melek, Tarea, kɛ Ahaz. 42 Ahaz fɔ Yara; Yara fɔ Alemet, Azmavet, kɛ Zimri. Zimri fɔ Moza. 43 Moza fɔ Binea, Binea binyumu ji Refaya, Refaya binyumu ji Eleasa, Eleasa binyumu ji Azel. 44 Azel ngɛ binyumuhi ekpa, nɛ a biɛhi ji Azrikam, Bokeru, Ishmael, Shearia, Obadia, kɛ Hanan. Ni nɛ ɔmɛ ji Azel binyumuhi.

10 Ligbi ko ɔ, Filistibi ɔmɛ kɛ Israel ngɛ ta hwue, nɛ Israel nyumu ɔmɛ tu fo ngɛ Filistibi ɔmɛ a nya, nɛ a gbe nihi fuu ngɛ Gilboa Yoku ɔ nɔ. 2 Filistibi ɔmɛ ya ná Saul kɛ e binyumu ɔmɛ, nɛ Filistibi ɔmɛ gbe Saul binyumu ɔmɛ, Yonatan, Abinadab, kɛ Malkishua. 3 Ta a mi wa wawɛɛ kɛ wo Saul, nɛ kɛ̃ɛ̃ tsɛli ɔmɛ na lɛ, nɛ a plaa lɛ. 4 Kɛkɛ nɛ Saul de e ta hwumi ní hɛɛlɔ ɔ ke: “Hiaa o klaate ɔ nɛ o kɛ gbe mi, bɔ nɛ pee nɛ nyumu mɔmlɔtɔtsɛmɛ nɛ ɔmɛ nɛ a ko ba pee mi basabasa.” Se e ta hwumi ní hɛɛlɔ ɔ sume kaa e maa pee jã, ejakaa e ye gbeye wawɛɛ. Lɔ ɔ he ɔ, Saul ngɔ klaate ɔ kɛ gbe e he.* 5 Benɛ Saul ta hwumi ní hɛɛlɔ ɔ na kaa Saul gbo ɔ, lɛ hu e kɛ lɛ nitsɛ e klaate ɔ gbe e he.* 6 Enɛ ɔ he ɔ, Saul kɛ e binyumu etɛ ɔmɛ, kɛ e we mi bi ɔmɛ tsuo gbo si kake. 7 Benɛ Israelbi ɔmɛ tsuo nɛ a ngɛ dɔgba a mi ɔ na kaa nɔ fɛɛ nɔ tu fo, nɛ́ Saul kɛ e binyumu ɔmɛ gbo ɔ, a bɔni a ma amɛ a he jemi, nɛ a tu fo; nɛ Filistibi ɔmɛ ba nɛ a ba hi ma amɛ a mi.

8 E nɔ jena benɛ Filistibi ɔmɛ ba konɛ a ba je nihi nɛ a gbe mɛ ɔ a he níhi ɔ, a na Saul kɛ e binyumu ɔmɛ nɛ a gbo kɛ pueɔ si ngɛ Gilboa Yoku ɔ nɔ. 9 Lɔ ɔ he ɔ, a je e he níhi, nɛ a po e yi, nɛ a ngɔ e ta hwumi ní ɔmɛ, nɛ a tsɔ nɛ a kɛ sɛ gbi ya Filistibi ɔmɛ a zugba a nɔ tsuo, nɛ a ya bɔ a wɔ ɔmɛ kɛ ni ɔmɛ amaniɛ. 10 Lɔ ɔ se ɔ, a ngɔ e ta hwumi ní ɔmɛ kɛ ya to ngɛ a mawu ɔ we* ɔ, nɛ a ka e yi koklodo ɔ kɛ wo Dagon we ɔ he.

11 Benɛ nihi tsuo nɛ a ngɛ Yabesh ngɛ Gilead ɔ nu níhi tsuo nɛ Filistibi ɔmɛ pee Saul ɔ, 12 tatsɛmɛ ɔmɛ tsuo te si nɛ a ya ngɔ Saul kɛ e binyumu ɔmɛ a gbogboe ɔmɛ. A ngɔ mɛ kɛ ba Yabesh, nɛ a ba pu a wu ɔmɛ ngɛ tso ngua a sisi ngɛ Yabesh, nɛ a ha hwɔ ligbi kpaago.

13 Lɔ ɔ he ɔ, Saul gbo ngɛ anɔkuale nɛ e yi Yehowa a he je, ejakaa e bui Yehowa gbi tue, nɛ jehanɛ hu ɔ, e ya bi ní ngɛ ní peelɔ ngɔ 14 mohu pe nɛ e ma ya bi Yehowa juɛmi. Lɔ ɔ he ɔ, e* gbe lɛ, nɛ e ngɔ matsɛ yemi ɔ kɛ ha David, nɛ ji Ishai binyumu ɔ.

11 Pee se ɔ, Israelbi ɔmɛ tsuo ba bua a he nya ngɛ David ngɔ ngɛ Hebron, nɛ a ba de lɛ ke: “Hyɛ! O wekuli tutuutu ji wɔ.* 2 Be ko nɛ be ɔ, benɛ Saul ji matsɛ ɔ, mo ji nɔ nɛ nyɛɛɔ Israel hɛ mi ngɛ tahi nɛ e gbaa a mi.* Nɛ Yehowa, o Mawu ɔ de mo ke: ‘O maa hyɛ ye ma Israel nɔ, nɛ o ma ba pee ye ma Israel hɛ mi nyɛɛlɔ.’” 3 Enɛ ɔ he ɔ, Israel nikɔtɔma amɛ tsuo ba matsɛ ɔ ngɔ ngɛ Hebron, nɛ David kɛ mɛ so somi ko ngɛ Hebron ngɛ Yehowa hɛ mi. Kɛkɛ nɛ a pɔ David nu kaa matsɛ konɛ e ye Israel nɔ, kaa bɔ nɛ Yehowa de kɛ gu Samuel nɔ ɔ.

4 Pee se ɔ, David kɛ Israel tsuo pue nɔ kɛ ho Yerusalem, nɛ ji Yebus ya, he nɛ Yebusbi, nɛ ji nihi nɛ a ngɛ zugba a nɔ ɔ ngɛ ɔ. 5 Nihi nɛ a ngɛ Yebus ɔ bɔ David ahlua ke: “O be hiɛ ɔ bae gblegbleegble!” Se David ngɔ he piɛ pomi he nɛ ngɛ Zion nɛ́ amlɔ nɛ ɔ, e ji David Ma a. 6 Lɔ ɔ he ɔ, David de ke: “Nɔ nɛ maa sɛ hlami nɛ e ma ya gbe Yebusbi ɔmɛ ɔ ma ba pee nya dalɔ* kɛ ma nɔkɔtɔma.” Nɛ Yoab, Zeruya binyumu ɔ ji nɔ nɛ sɛ hlami nɛ́ e kuɔ kɛ ya, nɛ e ba pee nya dalɔ. 7 Kɛkɛ nɛ David ya hi he piɛ pomi he ɔ. Enɛ ɔ he je nɛ a wo lejɛ ɔ biɛ ke David Ma a nɛ. 8 E bɔni ma a pomi kɛ ngɛ si bɔlee, kɛ je Milo* ɔ he kɛ ya si hehi nɛ bɔle lɛ ɔ, nɛ Yoab kpale po ma a nɛ piɛ ɔ. 9 Enɛ ɔ he ɔ, David ya nɔ nɛ e pee nɔmlɔ ngua, nɛ Yehowa tabohiatsɛ ɔ kɛ lɛ ngɛ.

10 Jehanɛ ɔ, David tatsɛmɛ nɛ a he wa a, a nyatsɛmɛ ji nɛ ɔmɛ nɛ. Mɛ ji nihi nɛ a kɛ Israel tsuo fĩ e matsɛ yemi ɔ se wawɛɛ, nɛ́ a wo lɛ matsɛ kaa bɔ nɛ Yehowa de ngɛ Israel he ɔ. 11 David tatsɛmɛ nɛ a he wa a ji nɛ ɔmɛ nɛ: Yashobeam, nɛ je Hakmoni weku ɔ mi ɔ, lɛ ji ni etɛ ɔmɛ a nyatsɛ. Be ko ɔ, e kɛ e we akplɔ ɔ gbe nihi 300. 12 Nɔ nɛ nyɛɛ e se ji Eleazar, nɛ ji Ahohino Dodo binyumu ɔ. E piɛɛ tatsɛmɛ etɛ nɛ a he wa a he. 13 E piɛɛ David he ngɛ Pas Damim, ngɛ he nɛ Filistibi ɔmɛ bua a he nya ngɛ kɛ ha ta hwumi ɔ. Jamɛ a be ɔ mi ɔ, zugba ko ngɛ lejɛ ɔ nɛ barli* sɔuu ji nɔ, nɛ ni ɔmɛ tu fo ngɛ Filistibi ɔmɛ a he je. 14 Se e ya da ngmɔ ɔ kpɛti tutuutu, nɛ e fã ngmɔ ɔ he, nɛ e ya nɔ nɛ e gbe Filistibi ɔmɛ, nɛ Yehowa ye kunimi ngua.*

15 Nyatsɛmɛ 30 ɔmɛ a kpɛti ni etɛ kple kɛ ya tɛsa a he, ngɛ David ngɔ ngɛ Adulam tɛ puɔ ɔ mi, be mi nɛ Filistibi ɔmɛ a tabo ko ya to si ngɛ Refaim Dɔgba a mi ɔ. 16 Jamɛ a be ɔ mi ɔ, David ngɛ he piɛ pomi he ɔ, nɛ Filistibi ɔmɛ a tabo ko ya to si ngɛ Betlehem. 17 Kɛkɛ nɛ David de ke: “Kaa i ná muɔ nɛ a toɔ nyu ngɛ mi nɛ ngɛ Betlehem agbo ɔ nya a mi nyu ɔ, jinɛ i ko nu!” 18 Kɛkɛ nɛ ni etɛ ɔmɛ sɛ Filistbi ɔmɛ a sito he ɔ pani nya, nɛ a ya sa nyu ngɛ muɔ nɛ a toɔ nyu ngɛ mi nɛ ngɛ Betlehem agbo ɔ nya a mi kɛ ba ha David; se e kua nyu ɔ numi, nɛ e plɛ pue si ha Yehowa. 19 E de ke: “Kpaoo ngɛ Mawu hɛ mi kaa ma pee nɔ́ nɛ ɔ! Anɛ e sa nɛ ma nu nyumuhi nɛ a ngɔ a wami* kɛ wo oslaa mi ɔ a muɔ lo? Ejakaa a ngɔ a wami* kɛ wo oslaa mi loko a ya yɛ nyu ɔ kɛ ba.” Enɛ ɔ he ɔ, e kua nyu ɔ numi. Níhi nɛ e tatsɛmɛ etɛ nɛ a he wa a pee ji nɛ ɔmɛ nɛ.

20 Yoab nyɛminyumu Abishai ba pee ni etɛ kpa komɛ hu a nya dalɔ; e ngɔ e we akplɔ ɔ kɛ gbe nihi 300, nɛ e he biɛ kaa ni etɛ ɔmɛ. 21 Ngɛ ni etɛ kpa amɛ a kpɛti ɔ, e bɔ mɔde wawɛɛ pe a kpɛti ni enyɔ, nɛ lɛ ji a nya dalɔ; se e ná we kekleekle ni etɛ ɔmɛ.

22 Benaya, Yehoyada binyumu ɔ ji nyumu katsɛ,* nɛ e tsu ní tsumi nguanguahi fuu ngɛ Kabzeel. E gbe Moabno Ariel binyumu enyɔ ɔmɛ, nɛ ligbi ko nɛ snoo ngɛ nɛe ɔ, e kple si kɛ sɛ nyu muɔ ko mi kɛ ya gbe jata ko. 23 E gbe Egipt nyumu oblai kpanaa ko hulɔ, nyumu ɔ kami ji kɔni fã* enuɔ. E ngɛ mi kaa Egiptno ɔ hɛɛ akplɔ nɛ ngɛ kaa bo lolɔ klama mi tso ngua ngɛ e dɛ mohu lɛɛ, se e kɛ tso ya tua Egiptno ɔ, nɛ e kpɔ̃ akplɔ ɔ ngɛ e dɛ, nɛ e ngɔ Egiptno ɔ nitsɛ e we akplɔ ɔ kɛ gbe lɛ. 24 Ní nɛ ɔmɛ ji níhi nɛ Benaya, Yehoyada binyumu ɔ pee, nɛ e he biɛ kaa tatsɛmɛ etɛ nɛ a he wa a. 25 E ngɛ mi kaa e bɔ mɔde wawɛɛ pe nihi nyingmi etɛ ɔmɛ mohu lɛɛ, se e ná we ni etɛ ɔmɛ. Se kɛ̃ ɔ, David ngɔ lɛ kɛ da lɛ nitsɛ e he buli ɔmɛ a nya.

26 Tabuli ɔmɛ a kpɛti tatsɛmɛ nɛ a he wa ji Asahel, Yoab nyɛminyumu ɔ, Elhanan, nɛ ji Dodo nɛ je Betlehem ɔ binyumu ɔ, 27 Shamot, Harorino ɔ, Helez, Pelonno ɔ, 28 Ira, Tekoano Ikesh binyumu ɔ, Abiezer, Anatotno ɔ, 29 Sibekai, Hushano ɔ, Ilai, Ahohino ɔ, 30 Maharai, Netofano ɔ, Heled, Netofano Baanah binyumu ɔ, 31 Itai nɛ ji Ribai nɛ je Gibea ngɛ Benyamin ɔ binyumu ɔ, Benaya, Piratonno ɔ, 32 Hurai nɛ je Gaash dɔ* ɔ nya a, Abiel, Arbatno ɔ, 33 Azmavet, Baharumno ɔ, Eliaba, Shaalbonno ɔ, 34 Gizonno Hashem binyumu ɔmɛ, Yonatan, Hararno Shagee binyumu ɔ, 35 Ahiam, Hararno Saka binyumu ɔ, Elifal, Ur binyumu ɔ, 36 Hefer, Mekeratno ɔ, Ahiya, Pelonno ɔ, 37 Hezro, Karmelno ɔ, Naarai, Ezbai binyumu ɔ, 38 Yoel, Natan nyɛminyumu ɔ, Mibhar, Hagri binyumu ɔ, 39 Zelek, Ammonno ɔ, Naharai, Beerotno ɔ, Zeruya binyumu Yoab ta hwumi ní hɛɛlɔ ɔ; 40 Ira, Itrino ɔ, Gareb, Itrino ɔ, 41 Uria, Hitno ɔ, Zabad, Ahlai binyumu ɔ, 42 Adina, Rubenno Shiza binyumu ɔ, nɛ ji Ruben bi ɔmɛ a nyatsɛ ɔ, kɛ nihi 30 nɛ piɛɛ e he ɔ; 43 Hanan, Maaka binyumu ɔ, Yoshafat, Mitnino ɔ, 44 Uzia, Ashteratno ɔ, Shama kɛ Yeyel, Aroerno Hotam binyumu ɔmɛ; 45 Yediael, Shimri binyumu ɔ, kɛ e nyɛminyumu Yoha, Tizno ɔ, 46 Eliel, Mahavno ɔ, Yeribai kɛ Yoshavia, Elnaam binyumu ɔmɛ, kɛ Itma, Moabno ɔ; 47 Eliel, Obed, kɛ Yaasiel, Mezobano ɔ.

12 Nyumu nɛ ɔmɛ ji nihi nɛ a ba David ngɔ ngɛ Ziklag benɛ e nyɛ we nɛ e yaa nɛ e baa faa ngɛ Kish binyumu Saul he je ɔ, nɛ a piɛɛ tatsɛmɛ nɛ a he wa nɛ a fĩ e se ngɛ ta mi ɔ a he. 2 A hɛɛ kɛ̃ɛ̃, nɛ a nyɛɔ ngɔɔ a hiɔ nine kɛ a muɔ nine tsuo kɛ fɔɔ amlami tɛ aloo a kɛ tsɛ̃ɔ kɛ̃ɛ̃. A piɛɛ Saul nyɛminyumu ɔmɛ a he, nɛ a je Benyamin wɛtso ɔ mi. 3 A nyatsɛ ji Ahiezer, kɛ Yoash, mɛ ni enyɔ ɔmɛ tsuo a ji Gibeano Shemaa binyumuhi; Yeziel kɛ Pelet, Azmavet binyumu ɔmɛ, Beraka, Yehu, Anatotno ɔ, 4 Ishmaya, Gibeonno ɔ, e ji tatsɛ nɛ he wa ngɛ nimli nyingmi etɛ ɔmɛ a kpɛti, nɛ lɛ nɛ e hyɛɔ nimli nyingmi etɛ ɔmɛ a nɔ; jehanɛ hu ɔ, Yeremia, Yahaziel, Yohanan, Yozabad, Gederano ɔ, 5 Eluzai, Yerimot, Bealia, Shemaria, Shefatia, Harifno ɔ, 6 Elkana, Ishia, Azarel, Yoezer, kɛ Yashobeam, Kora bi ɔmɛ; 7 kɛ Yoela kɛ Zebadia, Yeroham nɛ je Gedor ɔ binyumu ɔmɛ.

8 Gadbi ɔmɛ a kpɛti ni komɛ ya David ngɔ ngɛ he piɛ pomi he ɔ ngɛ nga a nɔ; a ji tatsɛmɛ nɛ a he wa, tabuli nɛ a tsɔse mɛ kɛ ha ta, nɛ a le tsɛ̃i ngua kɛ akplɔ hɛɛmi, nɛ a hɛ mi ngɛ kaa jata hɛ mi, nɛ a he sɔɔ kaa odabɔhi nɛ a ngɛ yokuhi a nɔ. 9 Ezer ji a nyatsɛ, Obadia ji nɔ enyɔne, Eliab ji nɔ etɛne, 10 Mishmana ji nɔ eywiɛne, Yeremia ji nɔ enuɔne, 11 Atai ji nɔ ekpane, Eliel ji nɔ kpaagone, 12 Yohanan ji nɔ kpaanyɔne, Elzabad ji nɔ nɛɛne, 13 Yeremia ji nɔ nyɔngmane, Makbanai ji nɔ nyɔngma kɛ kakene. 14 Ni nɛ ɔmɛ piɛɛ Gadbi ɔmɛ a he, a ji tabo ɔ nyatsɛmɛ. Nɔ nyafii pe kulaa ngɛ a kpɛti ɔ kɛ nimli 100 ma nyɛ maa hwu ta, nɛ nɔ ngua pe kulaa ngɛ a kpɛti ɔ kɛ nimli 1,000 ma nyɛ maa hwu ta. 15 Nyumu nɛ ɔmɛ lɛ a po Yordan Pa a ngɛ kekleekle nyɔhiɔ ɔ mi benɛ pa a hyi kɛ be nɔ ɔ nɛ, nɛ a fiee nihi tsuo nɛ a ngɛ dɔ ɔ mi ɔ kɛ ho puje he kɛ pusinɔ he ya.

16 Benyamin nyumu ɔmɛ a kpɛti ni komɛ kɛ Yuda nyumu ɔmɛ a kpɛti ni komɛ hu ba David ngɔ ngɛ e he piɛ pomi he ɔ. 17 Kɛkɛ nɛ David je kpo kɛ ba da a hɛ mi nɛ e de mɛ ke: “Ke nyɛ ba ye ngɔ ngɛ tue mi jɔmi mi konɛ nyɛ ba ye bua mi ɔ, lɛɛ i kɛ nyɛ maa bɔ. Se ke nyɛ ba konɛ nyɛ ba tsɔɔ ye se blɔ kɛ ha ye he nyɛli be mi nɛ i pee we nɔ́ yayami ko ɔ, lɛɛ wa nɛmɛ a Mawu ɔ nɛ hyɛ nɛ e kojo.” 18 Kɛkɛ nɛ Mawu mumi ɔ ba* Amasai, nɛ ji nimli nyingmi etɛ ɔmɛ a nyatsɛ ɔ nɔ, nɛ e de ke:

“Oo David, o níhi ji wɔ, Ishai binyumu, waa kɛ mo ngɛ.

Lɔ ɔ he ɔ, David he mɛ atuu, nɛ e pee mɛ e tabuli ɔmɛ a nyatsɛmɛ.

19 Manasebi komɛ hu ba piɛɛ David he benɛ e kɛ Filistibi ɔmɛ ba konɛ a kɛ Saul nɛ ba hwu ta a; se David yi bua we Filistibi ɔmɛ, ejakaa benɛ Filistibi ɔmɛ a ma nɔ yeli ɔmɛ ya ajla se ɔ, a fiee lɛ, nɛ a de ke: “E ma ya piɛɛ Saul he, nɛ lɔ ɔ kɛ wa wami maa wo oslaa mi.” 20 Benɛ e ho Ziklag ya a, Manasebi nɛ a ba piɛɛ e he ji nɛ ɔmɛ nɛ: Adnah, Yozabad, Yediael, Mikael, Yozabad, Elihu, kɛ Ziletai, a ji Manase wɛtso ɔ mi nimli akpehi a nyatsɛmɛ. 21 A ye bua David nɛ e hwu kɛ si basabasa peeli a kuu ɔ, ejakaa mɛ tsuo a he wa, a ji nyumu katsɛmɛ, nɛ a ba pee tabo ɔ nya dali. 22 Daa ligbi ɔ, nihi ba piɛɛɔ David he, nɛ a yeɔ buaa lɛ, kɛ ya si be nɛ tabo ɔ ba kle kaa Mawu tabo ɔ.

23 Nihi nɛ a dla a he kɛ ha ta nɛ a ba David ngɔ ngɛ Hebron konɛ a ba ngɔ Saul matsɛ yemi ɔ kɛ ha lɛ ngɛ Yehowa fami nya a, a nyatsɛmɛ ɔmɛ a yibɔ ji nɛ ɔ nɛ. 24 Yuda nyumuhi nɛ a hɛɛ tsɛ̃i ngua kɛ akplɔ, nɛ a dla a he kɛ ha ta a, a yibɔ ji 6,800. 25 Ngɛ Simeonbi ɔmɛ a kpɛti ɔ, nyumuhi nɛ a he wa nɛ a ji katsɛmɛ ngɛ́ tabo ɔ mi ɔ a yibɔ ji 7,100.

26 Ngɛ Levibi ɔmɛ a kpɛti ɔ, nihi 4,600. 27 Yehoyada ji Aaron binyumu ɔmɛ a hɛ mi nyɛɛlɔ, nɛ nihi nɛ a piɛɛ e he ɔ a yibɔ ji 3,700, 28 kɛ Zadok, nɛ ji niheyo nɛ he wa nɛ e ji katsɛ, kɛ nya dali 22 nɛ a je e tsɛ we ɔ nɛ a piɛɛ e he ɔ.

29 Ngɛ Benyaminbi ɔmɛ, nɛ ji Saul nyɛminyumu ɔmɛ a kpɛti ɔ, nihi 3,000; jinɛ a ti nihi babauu fĩ Saul we ɔ se kpɛii. 30 Ngɛ Efraimbi ɔmɛ a kpɛti ɔ, nyumuhi nɛ a he wa, nɛ́ a ji katsɛmɛ nɛ a he biɛ ngɛ a tsɛmɛ a we ɔmɛ a mi ɔ a yibɔ ji 20,800.

31 Ngɛ Manase wɛtso fã a mi ɔ, nihi 18,000 lɛ a je blɔ wo a biɛ ta kaa a ba wo David matsɛ. 32 Ngɛ Isakar wɛtso ɔ mi ɔ, a nyatsɛmɛ ɔmɛ a kpɛti nihi 200. Nimli nɛ ɔmɛ le behi kɛ nɔ́ nɛ e sa kaa Israel nɛ pee, nɛ a nyɛminyumu ɔmɛ tsuo ngɛ a sisi. 33 Ngɛ Zebulun wɛtso ɔ mi ɔ, nihi 50,000 lɛ a ma nyɛ ma tsu tabuli a ní tsumi, nɛ a kɛ ta hwumi níhi tsuo ma nyɛ ma gba ta. Ni nɛ ɔmɛ tsuo fĩ David se kɛ a tsui tsuo.* 34 Ngɛ Naftali wɛtso ɔ mi ɔ, nya dali 1,000, nɛ nihi 37,000 nɛ a hɛɛ tsɛ̃i ngua kɛ akplɔ piɛɛ a he. 35 Ngɛ Danbi ɔmɛ a kpɛti ɔ, nihi 28,600 lɛ a gbaa ta. 36 Nɛ ngɛ Asher wɛtso ɔ mi ɔ, nihi 40,000 lɛ a ma nyɛ ma tsu tabuli a ní tsumi nɛ a gbaa ta.

37 Ngɛ Yordan Pa a se, ngɛ Rubenbi ɔmɛ, Gadbi ɔmɛ, kɛ Manase wɛtso fã a kpɛti ɔ, tabuli 120,000 nɛ́ a hɛɛ ta hwumi ní slɔɔtoslɔɔtohi tsuo. 38 Nyumu nɛ ɔmɛ tsuo ji tatsɛmɛ, nɛ a peeɔ kake kɛ gbaa ta; a ba Hebron kɛ a tsui tsuo konɛ a ba wo David matsɛ nɛ́ e ye Israel tsuo nɔ, nɛ Israelbi tsuo nɛ a piɛ ɔ hu suɔ* kaa a wo David matsɛ. 39 Nɛ a kɛ David hi lejɛ ɔ ligbi etɛ, nɛ a ye ní nɛ a nu ní, ejakaa a nyɛminyumu ɔmɛ dla a se. 40 Jehanɛ hu ɔ, nihi nɛ ngɛ a kasa nya, kɛ nihi nɛ a ngɛ Isakar, Zebulun, kɛ Naftali tɔɔ ɔ po ngɔ tejihi, afukpɔngɔhi, teji okpɔngɔhi, kɛ nahi kɛ a nɔ niye ní kɛ ba; mamu, fig nɛ a nyɛ nɔ keekihi, kɛ wai yiblii gbigbli keekihi, wai, nu, kɛ nahi kɛ jijɔhi babauu nitsɛ kɛ ba, ejakaa Israel ngɛ nyae.

13 David kɛ nimli akpehi kɛ nimli lafahi a nya dali ɔmɛ, kɛ hɛ mi nyɛɛli ɔmɛ tsuo ya tu munyu. 2 Kɛkɛ nɛ David de Israel asafo ɔ tsuo ke: “Ke e da ngɛ nyɛ hɛ mi, nɛ Yehowa wa Mawu ɔ hu kplɛɛ nɔ ɔ, lɛɛ nyɛ ha nɛ waa tsɔ nɛ a kɛ sɛ gbi ya ha wa nyɛminyumu ɔmɛ nɛ a piɛ ngɛ Israel kpokpa amɛ tsuo a nɔ, kɛ jehanɛ se hu osɔfo ɔmɛ kɛ Levibi ɔmɛ ngɛ a ma amɛ kɛ a he lohwehi a ní yemi he ɔmɛ a mi, konɛ a ba piɛɛ wa he. 3 Nɛ nyɛ ha nɛ wa ya ngɔ wa Mawu ɔ Daka a kɛ ba.” Ejakaa ngɛ Saul ligbi ɔmɛ a mi ɔ, a hyɛ we nɔ. 4 Nimli asafo ɔ tsuo kplɛɛ nɔ kaa a maa pee jã, ejakaa e da ngɛ ni ɔmɛ tsuo a hɛ mi. 5 Lɔ ɔ he ɔ, David bua Israel tsuo nya, kɛ je pa a* nɛ ngɛ Egipt ɔ nya hluu kɛ ya si Lebo Hamat* tɔɔ, konɛ a ya ngɔ anɔkuale Mawu ɔ Daka a ngɛ Kiriat Yearim kɛ ba.

6 David kɛ Israel tsuo kuɔ kɛ ho Yudabi ɔmɛ a ma Baala, nɛ ji Kiriat Yearim ɔ ya, konɛ a ya ngɔ Yehowa, anɔkuale Mawu ɔ nɛ hii si ngɛ matsɛ sɛ nɔ ngɛ Kerub ɔmɛ a yi nɔ* ɔ Daka a kɛ ba. Daka a hɛ mi lɛ a tsɛɔ e biɛ ngɛ. 7 Se a ngɔ anɔkuale Mawu ɔ Daka a kɛ ma zugba lɛ ehe ko mi, nɛ a ngɔ kɛ je Abinadab we ɔ mi, nɛ Uzah kɛ Ahio nyɛɛ zugba lɛ ɔ hɛ mi. 8 David kɛ Israel tsuo ngɛ nyae kɛ a he wami tsuo ngɛ anɔkuale Mawu ɔ hɛ mi, a kɛ lahi, sakuhi, kpa saku kpahi, akasawahi, ayawahi, kɛ titimatihi. 9 Se benɛ a ba su Kidon ngma fiaami he ɔ, Uzah je e nine, nɛ e nu Daka a, ejakaa e piɛ nguɛ nya nɛ na amɛ ha nɛ Daka a nɔ si. 10 Kɛkɛ nɛ Yehowa mi mi fu Uzah, nɛ e fia lɛ nɔ́ nɛ e nɔ si ngɛ e nine nɛ e je nɛ e nu Daka a he je, nɛ e gbo ngɛ lejɛ ɔ, ngɛ Mawu hɛ mi. 11 Se David mi mi fu akɛnɛ Yehowa we abofu ɔ gba kɛ wo Uzah a he je; nɛ a tsɛɔ lejɛ ɔ ke Perez Uzah* kɛ ba si mwɔnɛ ligbi nɛ ɔ.

12 Lɔ ɔ he ɔ, David ye anɔkuale Mawu ɔ gbeye jamɛ a ligbi ɔ, nɛ e de ke: “Kɛ ma plɛ kɛ ngɔ anɔkuale Mawu ɔ Daka a kɛ ba ye ngɔ ha kɛɛ?” 13 David ngɔɛ Daka a kɛ bɛ he nɛ e ngɛ ɔ ngɛ David Ma a mi, se e ha nɛ a ngɔ kɛ ho Obed Edom, Gatno ɔ we ɔ mi ya. 14 Anɔkuale Mawu ɔ Daka a hi Obed Edom we ɔ mi nyɔhiɔ etɛ, nɛ Yehowa ya nɔ nɛ e jɔɔ Obed Edom we ɔ, kɛ níhi tsuo nɛ e ngɛ ɔ.

14 Tiro Matsɛ Hiram tsɔ tsɔli kɛ ya David ngɔ, nɛ e ha nɛ a ngɔ seda tsohi, tɛ gbogbo fiali, kɛ tso he ní tsuli kɛ ya konɛ a ya ma we* ha lɛ. 2 Nɛ David yɔse kaa Yehowa to lɛ si wawɛɛ nitsɛ kaa matsɛ konɛ e ye Israel nɔ, ejakaa e ma Israel he je ɔ, e wó David matsɛ yemi ɔ nɔ gojoo.

3 David ngɔ yihi fuu ngɛ Yerusalem, nɛ David fɔ binyumuhi kɛ biyihi fuu. 4 Bimɛ nɛ a fɔ kɛ ha lɛ ngɛ Yerusalem ɔ a biɛhi ji nɛ ɔmɛ nɛ: Shamua, Shobab, Natan, Salomo, 5 Ibhar, Elishua, Elpelet, 6 Noga, Nefeg, Yafia, 7 Elishama, Beeliada, kɛ Elifelet.

8 Benɛ Filistibi ɔmɛ nu kaa a pɔ David nu kaa matsɛ konɛ e ye Israel tsuo nɔ ɔ, Filistibi ɔmɛ tsuo ba hla David. Benɛ David nu he ɔ, e je kpo kɛ ya tua mɛ. 9 Kɛkɛ nɛ Filistibi ɔmɛ ba, nɛ a ya nɔ nɛ a tua nihi ngɛ Refaim Dɔgba a mi. 10 David bi Mawu ke: “Ma ya tua Filistibi ɔmɛ lo? O maa ngɔ mɛ kɛ wo ye dɛ mi lo?” Nɛ Yehowa de lɛ ke: “Yaa, ejakaa bɔ fɛɛ bɔ nɛ ji ɔ, ma ngɔ mɛ kɛ wo o dɛ mi.” 11 Lɔ ɔ he ɔ, David ya Baal Perazim, nɛ e ya gbe mɛ kɛ pue si ngɛ lejɛ ɔ. Kɛkɛ nɛ David de ke: “Anɔkuale Mawu ɔ gu ye nine nɔ kɛ gblee ye he nyɛli ɔmɛ a kpɛti kaa nyu nɛ hia lalaala kɛ bee.” Enɛ ɔ he je nɛ a wo lejɛ ɔ biɛ ke Baal Perazim* ɔ nɛ. 12 Filistibi ɔmɛ je a mawu ɔmɛ a he ngɛ lejɛ ɔ, nɛ a sã ní nɛ ɔmɛ ngɛ David fami nya.

13 Pee se ɔ, Filistibi ɔmɛ ya tua nihi ngɛ dɔgba a mi ekohu. 14 David kpale ya bi Mawu juɛmi, se anɔkuale Mawu ɔ de lɛ ke: “Koo kuɔ kɛ ya ná mɛ tɛɛ. Mohu ɔ, yaa lɔgɔ kɛ gu a se je, nɛ́ o ba tua mɛ ngɛ baka tso ɔmɛ a hɛ mi. 15 Nɛ ke o nu pɛmi ko ngɛ baka tso ɔmɛ a yi mi kaa tabuli a nyɛɛmi ɔ, yaa nɛ o ya tua mɛ, ejakaa anɔkuale Mawu ɔ je kpo kɛ sɛ o hlami konɛ e ya gbe Filistibi ɔmɛ a tabuli ɔmɛ kɛ pue si.” 16 Lɔ ɔ he ɔ, David pee kaa bɔ nɛ anɔkuale Mawu ɔ fã lɛ ɔ pɛpɛɛpɛ, nɛ a gbe Filistibi ɔmɛ a tabuli ɔmɛ kɛ pue si kɛ je Gibeon kɛ ya su Gezer. 17 Nɛ David he biɛ ngɛ zugba amɛ tsuo a nɔ, nɛ Yehowa ha nɛ je ma amɛ tsuo ye lɛ gbeye.

15 David ya nɔ nɛ e ma wehi kɛ ha e he ngɛ David Ma a mi, nɛ e dla he ko kɛ ha anɔkuale Mawu ɔ Daka a, nɛ e ma bo tsu kɛ ha Daka a. 2 Jamɛ a be ɔ mi nɛ David de ke: “Nɔ ko nɛ ko tloo anɔkuale Mawu ɔ Daka a kaa ja Levibi ɔmɛ pɛ, ejakaa mɛ lɛ Yehowa hla kaa a tloo Yehowa Daka a, nɛ́ a sɔmɔ lɛ daa” a nɛ. 3 Lɔ ɔ se ɔ, David bua Israel tsuo nya ngɛ Yerusalem konɛ a ya ngɔ Yehowa Daka a kɛ kuɔ kɛ ba he nɛ e dla kɛ ha Daka a.

4 David bua Aaron sisi bimɛ ɔmɛ kɛ Levibi ɔmɛ a nya: 5 ngɛ Kohatbi ɔmɛ a kpɛti ɔ, Uriel, nɛ ji nya dalɔ ɔ, kɛ e nyɛminyumuhi 120; 6 ngɛ Meraribi ɔmɛ a kpɛti ɔ, Asaya, nɛ ji nya dalɔ ɔ, kɛ e nyɛminyumuhi 220; 7 ngɛ Gershombi ɔmɛ a kpɛti ɔ, Yoel, nɛ ji nya dalɔ ɔ, kɛ e nyɛminyumuhi 130; 8 ngɛ Elizafan sisi bimɛ ɔmɛ a kpɛti ɔ, Shemaya, nɛ ji nya dalɔ ɔ, kɛ e nyɛminyumuhi 200; 9 ngɛ Hebron sisi bimɛ ɔmɛ a kpɛti ɔ, Eliel, nɛ ji nya dalɔ ɔ, kɛ e nyɛminyumuhi 80; 10 ngɛ Uziel sisi bimɛ ɔmɛ a kpɛti ɔ, Aminadab, nɛ ji nya dalɔ ɔ, kɛ e nyɛminyumuhi 112. 11 Jehanɛ hu ɔ, David tsɛ osɔfo Zadok, kɛ osɔfo Abiatar, kɛ Levibi nɛ ji Uriel, Asaya, Yoel, Shemaya, Eliel, kɛ Aminadab, 12 nɛ e de mɛ ke: “Nyɛ ji Levibi ɔmɛ a tsɛmɛ a we ɔmɛ a nyatsɛmɛ. Nyɛɛ kɛ nyɛ nyɛminyumu ɔmɛ nyɛɛ tsu nyɛ he, nɛ́ nyɛ ya ngɔ Yehowa, Israel Mawu ɔ Daka a kɛ ba he nɛ i dla kɛ ha Daka a. 13 Akɛnɛ kekle ɔ, pi nyɛ nɛ nyɛ tloo he je ɔ, Yehowa wa Mawu ɔ we abofu ba wa nɔ, ejakaa wa hla we blɔ kpakpa nɛ e sa kaa a gu nɔ kɛ tloo.” 14 Lɔ ɔ he ɔ, osɔfo ɔmɛ kɛ Levibi ɔmɛ tsu a he konɛ a ya ngɔ Yehowa, Israel Mawu ɔ Daka a kɛ ba.

15 Kɛkɛ nɛ Levibi ɔmɛ tloo anɔkuale Mawu ɔ Daka a kɛ e he tso ɔmɛ ngɛ a konɔ kaa bɔ nɛ Mose fã mɛ ngɛ Yehowa munyu nya a pɛpɛɛpɛ. 16 Lɔ ɔ se ɔ, David de Levibi ɔmɛ a nya dali ɔmɛ kaa a hla a nyɛminyumu ɔmɛ, nɛ́ ji lali ɔmɛ konɛ a la wawɛɛ kɛ bua jɔmi nɛ a fia kpa sakuhi, sakuhi, kɛ ayawahi.

17 Lɔ ɔ he ɔ, Levibi ɔmɛ hla Heman, nɛ ji Yoel binyumu ɔ, nɛ ngɛ e nyɛminyumu ɔmɛ a kpɛti ɔ, a hla Asaf, nɛ ji Berekia binyumu ɔ, nɛ ngɛ Meraribi ɔmɛ, nɛ ji a nyɛminyumu ɔmɛ a kpɛti ɔ, a hla Etan, nɛ ji Kushaya binyumu ɔ. 18 Nihi nɛ piɛɛ a he ji a nyɛminyumu ɔmɛ nɛ a ngɛ kuu enyɔne ɔ mi ɔ, Zakaria, Ben, Yaaziel, Shemiramot, Yehiel, Uni, Eliab, Benaya, Maaseya, Matitia, Elifelehu, kɛ Mikneya, kɛ agbo nya buli nɛ ji Obed Edom kɛ Yeyel. 19 Lali nɛ a maa fia akɔblee ayawa amɛ ji Heman, Asaf, kɛ Etan; 20 nɛ nihi nɛ a fia kpa sakuhi nɛ́ a kɛ fɔ̃ Alamot* ɔ ji Zakaria, Aziel, Shemiramot, Yehiel, Uni, Eliab, Maaseya, kɛ Benaya; 21 nɛ nihi nɛ a fia sakuhi nɛ a kɛ fɔ̃ Sheminit,* nɛ́ a sɔmɔ kaa nɔ hyɛli ɔ ji Matitia, Elifelehu, Mikneya, Obed Edom, Yeyel, kɛ Azazia. 22 Kenania, nɛ ji Levibi ɔmɛ a nya dalɔ ɔ ji nɔ nɛ hyɛ Daka a tloomi nɔ, ejakaa e he be ngɛ mi, 23 nɛ Berekia kɛ Elkana ji agbo nya buli kɛ ha Daka a. 24 Osɔfo ɔmɛ, nɛ ji Shebania, Yoshafat, Netanel, Amasai, Zakaria, Benaya, kɛ Eliezer kpa titimati ɔmɛ wawɛɛ ngɛ anɔkuale Mawu ɔ Daka a hɛ mi, nɛ Obed Edom kɛ Yehia hu sɔmɔ kaa agbo nya buli kɛ ha Daka a.

25 Kɛkɛ nɛ David kɛ Israel nikɔtɔma amɛ kɛ nimli akpehi a nya dali ɔmɛ nyɛɛ kɛ ho konɛ a ya ngɔ Yehowa somi daka a kɛ je Obed Edom we ɔ mi kɛ ba kɛ nyami. 26 Akɛnɛ anɔkuale Mawu ɔ ye bua Levibi ɔmɛ nɛ́ a tloo Yehowa somi daka a he je ɔ, a ngɔ na ku wawi kpaago kɛ agbosu kpaago kɛ sã afɔle. 27 David wo tade klɔii ko nɛ kɔni be he nɛ́ a kɛ bo kpakpa pee, nɛ Levibi ɔmɛ tsuo nɛ a tloo Daka a, lali ɔmɛ, kɛ Kenania, nɛ ji nya dalɔ nɛ hyɛɔ Daka a tloomi kɛ lali ɔmɛ a nɔ ɔ hu wo eko; David wo klala efɔd ko hulɔ. 28 Israelbi ɔmɛ tsuo ngɔ Yehowa somi daka a kɛ kuɔ kɛ ba. Benɛ a ma a, a kɛ bua jɔmi ngɛ ose hee, nɛ a ngɛ bɛhi kɛ titimatihi kpae, nɛ a ngɛ ayawahi kɛ kpa sakuhi kɛ sakuhi fiae wawɛɛ.

29 Se benɛ a kɛ Yehowa somi daka a ba David Ma a mi ɔ, Saul biyo Mikal hyɛ zugba kɛ gu saflɛ ɔ mi, nɛ e na Matsɛ David nɛ e ngɛ tuue kɛ ngɛ yae kɛ ngɛ bae nɛ e ngɛ nyae; nɛ David he pee lɛ tai ngɛ e tsui mi.

16 Lɔ ɔ he ɔ, a ngɔ anɔkuale Mawu ɔ Daka a kɛ ba, nɛ a kɛ ba ma bo tsu nɛ David pee kɛ ha lɛ ɔ mi; nɛ a sã sami afɔlehi kɛ tue mi jɔmi afɔlehi ngɛ anɔkuale Mawu ɔ hɛ mi. 2 Benɛ David sã sami afɔle ɔmɛ kɛ tue mi jɔmi afɔle ɔmɛ ta a, e jɔɔ ma a ngɛ Yehowa biɛ mi. 3 Lɔ ɔ se ɔ, e gba abolo lokotoo, zani keeki, kɛ wai yiblii gbigbli keeki kɛ ha Israelbi ɔmɛ tsuo; e gba kɛ ha nyumu fɛɛ nyumu kɛ yo fɛɛ yo. 4 Nɛ e hla Levibi ɔmɛ a kpɛti ni komɛ konɛ a sɔmɔ ngɛ Yehowa Daka a hɛ mi, nɛ́ a wo Yehowa, Israel Mawu ɔ hɛ mi nyami,* nɛ́ a na lɛ si, nɛ́ a je e yi. 5 Asaf ji a nyatsɛ, nɛ nɔ nɛ nyɛɛ e se ji Zakaria; nɛ Yeyel, Shemiramot, Yehiel, Matitia, Eliab, Benaya, Obed Edom, kɛ Yeyel fia kpa sakuhi kɛ sakuhi; nɛ Asaf fia ayawa amɛ, 6 nɛ osɔfo Benaya kɛ osɔfo Yahaziel kpaa titimati ɔmɛ ngɛ anɔkuale Mawu ɔ somi daka a hɛ mi daa.

7 Jamɛ a ligbi ɔ ji kekleekle be nɛ David po sina la ha Yehowa, konɛ Asaf kɛ e nyɛminyumu ɔmɛ nɛ a la:

10 Nyɛɛ kɛ e biɛ klɔuklɔu ɔ nɛ fĩa.

Nihi nɛ a ngɛ Yehowa se blɔ hlae ɔ a tsui nɛ nya.

11 Nyɛ hla Yehowa kɛ e he wami ɔ se blɔ.

Nyɛɛ ya e hɛ mi daa.

14 Lɛ ji Yehowa, wa Mawu ɔ nɛ.

E kojomi ɔmɛ hyi zugba a nɔ tsuo.

23 Nyɛ la ha Yehowa, nyɛ zugba a tsuo!

Nyɛɛ fiɛɛ e yi wami hemi ɔ daa ligbi!

25 Ejakaa Yehowa kle nɛ e sa yi jemi wawɛɛ nitsɛ.

E sa nɛ a ye lɛ gbeye pe mawu kpa amɛ tsuo.

Nyɛ kplã si ha* Yehowa kɛ nyɛ he tade klɔuklɔuhi.*

30 Nyɛ he nɛ do blibliibli ngɛ e hɛ mi, nyɛ je ɔ tsuo!

E ngɔ zugba a* kɛ ma si kpɛii; nɛ nɔ́ ko nɔ́ ko be nyɛe ma je kɛ je e blɔ he.*

Nɛ ma a tsuo de ke, “Amen!”* nɛ a je Yehowa yi.

37 Lɔ ɔ se ɔ, David je Asaf kɛ e nyɛminyumu ɔmɛ a he ngɛ lejɛ ɔ, ngɛ Yehowa somi daka a hɛ mi konɛ a ya nɔ nɛ a sɔmɔ ngɛ Daka a hɛ mi kaa bɔ nɛ a peeɔ daa ligbi ɔ. 38 Obed Edom kɛ e nyɛminyumu ɔmɛ, a yibɔ ji 68, nɛ Obed Edom, Yedutun binyumu ɔ, kɛ Hosa ji agbo nya buli; 39 Nɛ osɔfo Zadok kɛ e nyɛmimɛ osɔfo ɔmɛ ngɛ Yehowa bo tsu klɔuklɔu ɔ hɛ mi, ngɛ he nɛ ya hiɔwe* ɔ ngɛ Gibeon 40 konɛ a sã sami afɔle kɛ ha Yehowa daa mɔtu kɛ gbɔkuɛ ngɛ afɔle sami latɛ nɛ a sãã sami afɔle ngɛ nɔ ɔ nɔ, nɛ́ a pee níhi tsuo nɛ a ngma ngɛ Yehowa Mlaa a nɛ e wo Israel ɔ mi. 41 Heman kɛ Yedutun, kɛ nyumu kpahi nɛ a je blɔ wo a biɛ ta a hu piɛɛ a he konɛ a na Yehowa si, ejakaa “e suɔmi nɛ se pui ɔ ngɛ kɛ yaa neneene”; 42 nɛ Heman kɛ Yedutun piɛɛ a he konɛ a kpa titimati ɔmɛ, nɛ a fia ayawa amɛ, kɛ la fiami níhi nɛ a kɛ jeɔ anɔkuale Mawu ɔ yi ɔ;* nɛ Yedutun binyumu ɔmɛ ngɛ agbo ɔ nya. 43 Lɔ ɔ se ɔ, ni ɔmɛ tsuo ho a wehi a mi ya, nɛ David ya nɛ e ya jɔɔ lɛ nitsɛ e we mi bimɛ ɔmɛ.

17 Benɛ David ba je lɛ nitsɛ e we* ɔ mi pɛ nɛ e de gbalɔ Natan ke: “Hyɛ kaa i ngɛ we nɛ a kɛ seda tsohi ma mi, be mi nɛ Yehowa somi daka a ngɛ bo tsu mi.” 2 Natan ha David heto ke: “Moo pee nɔ́ fɛɛ nɔ́ nɛ ngɛ o tsui mi, ejakaa anɔkuale Mawu ɔ kɛ mo ngɛ.”

3 Jamɛ a nyɔ ɔ mi nɔuu ɔ, Mawu kɛ Natan tu munyu ke: 4 “Yaa nɛ o ya de ye sɔmɔlɔ David ke, ‘Nɔ́ nɛ Yehowa ngɛ dee ji nɛ ɔ nɛ: “Pi mo nɛ o maa ma we ha mi nɛ ma hi mi. 5 Ejakaa kɛ je be nɛ i ngɔ Israel kɛ ba, kɛ ba si mwɔnɛ ligbi nɛ ɔ, i hí we ko mi, mohu ɔ, bo tsuhi a mi sɔuu lɛ i hi, kɛ je he kake kɛ ya he kpa.* 6 Kɛ je be nɛ i kɛ Israelbi ɔmɛ tsuo nyɛɛ ɔ, anɛ i bi Israel kojoli nɛ i hla kaa a hyɛ ye ma a nɔ ɔ a ti nɔ ko hyɛ ke, ‘Mɛni he je nɛ o ngɔɛ seda tsohi kɛ pui we ha mi’ lo?”’

7 “Amlɔ nɛ ɔ, de ye sɔmɔlɔ David ke, ‘Nɔ́ nɛ Yehowa tabohiatsɛ ɔ ngɛ dee ji nɛ ɔ nɛ: “I ngɔ mo kɛ je lohwehi a ní yemi hehi, kɛ je to kuu ɔ se, kaa o ba pee ye ma Israel hɛ mi nyɛɛlɔ. 8 Nɛ he fɛɛ he nɛ o maa ya a, ma piɛɛ o he, nɛ ma kpata o he nyɛli ɔmɛ tsuo a hɛ mi;* nɛ ma ha nɛ o he biɛ kaa bɔ nɛ nimli nguahi nɛ a ngɛ zugba a nɔ ɔ he biɛ ɔ. 9 Ma hla he ko ha ye ma Israel, nɛ ma to mɛ si ngɛ lejɛ ɔ, nɛ a maa hi lejɛ ɔ, nɛ nɔ ko be a nya gbae hu; nɛ yiwutsotsɛmɛ be mɛ yi mi wae* hu kaa bɔ nɛ a pee be ko nɛ be ɔ, 10 kɛ je ligbi nɛ i hla kojoli kɛ da ye ma Israel nya a. Nɛ ma ba o he nyɛli ɔmɛ tsuo si. Jehanɛ hu ɔ, i ngɛ mo dee ke, ‘Yehowa maa po we ha mo.’*

11 “‘“Ke o ligbi ɔmɛ ba nyagbe nɛ o gbo ɔ,* ma wo o nina* ko nɔ ngɛ o se, o binyumu ɔmɛ a kpɛti nɔ kake, nɛ ma ha nɛ e matsɛ yemi ɔ maa ma si kpɛii. 12 Lɛ ji nɔ nɛ maa po we kɛ ha mi, nɛ ma ha nɛ e matsɛ sɛ ɔ maa ma si kpɛii kɛ ya neneene. 13 Ma pee e tsɛ, nɛ e maa pee ye binyumu. I be ye suɔmi nɛ se pui ɔ jee ngɛ e nɔ kaa bɔ nɛ i je ngɛ nɔ nɛ sɛ o hlami ɔ nɔ ɔ. 14 Ma ha nɛ e maa da si ngɛ ye we ɔ kɛ ye matsɛ yemi ɔ mi kɛ ya neneene, nɛ e matsɛ sɛ ɔ maa hi si kɛ ya neneene.”’”

15 Natan bɔ David munyu nɛ ɔmɛ tsuo nɛ́ a je ngɔ tsɔɔ lɛ ɔ.

16 Kɛkɛ nɛ Matsɛ David ba nɛ e ba hi si ngɛ Yehowa hɛ mi, nɛ e de ke: “Oo Yehowa Mawu, mɛnɔ ji mi? Nɛ mɛnɔmɛ ji ye we ɔ loko o ngɔ mi kɛ ba su he nɛ i ngɛ nɛ ɔ? 17 Oo Mawu, enɛ ɔ tsuo se ɔ, o kpale tu o sɔmɔlɔ ɔ we ɔ he munyu kɛ ya si hwɔɔ se tɔɔ, nɛ o na mi kaa nɔ ko nɛ e sa kaa a kpale wo e nɔ,* Oo Yehowa Mawu. 18 Mɛni pa ngɛ nɛ o sɔmɔlɔ David ma de mo ngɛ ye hɛ mi nyami nɛ o wo ɔ he, be mi nɛ o le o sɔmɔlɔ ɔ saminya kikɛ nɛ ɔ? 19 Oo Yehowa, o sɔmɔlɔ ɔ, kɛ nɔ́ nɛ o tsui suɔ* he je nɛ o pee ní nguangua nɛ ɔmɛ tsuo, nɛ o je o we agboje ɔ kpo ɔ nɛ. 20 Oo Yehowa, nɔ ko be nɛ e ngɛ kaa mo, nɛ Mawu ko be kaa ja mo pɛ; nɔ́ fɛɛ nɔ́ nɛ wa nu kɛ wa tue ɔ maa enɛ ɔ nɔ mi. 21 Ma te nɛɛ lɛ ngɛ zugba a nɔ nɛ ngɛ kaa o ma Israel? Anɔkuale Mawu ɔ ya nɛ e ya kpɔ̃ mɛ kaa e we bi. O ná biɛ ha o he kɛ gu ní nguanguahi kɛ nyakpɛ níhi nɛ o pee ɔ nɔ, nɛ o fiee je mahi ngɛ o we bi nɛ o kpɔ̃ mɛ kɛ je Egipt ɔ a hɛ mi. 22 O pee o ma Israel mo nitsɛ o ma kɛ yaa neneene; nɛ mo Yehowa, o ba pee a Mawu. 23 Amlɔ nɛ ɔ, Oo Yehowa, moo ye si nɛ o wo o sɔmɔlɔ ɔ kɛ e we ɔ nɔ kɛ ya neneene, nɛ́ o pee kaa bɔ nɛ o wo si ɔ pɛpɛɛpɛ. 24 O biɛ ɔ nɛ hi si daa,* nɛ́ a wo nɔ kɛ ya neneene, konɛ nihi nɛ a de ke, ‘Yehowa tabohiatsɛ ɔ, nɛ ji Israel Mawu ɔ ji Mawu kɛ ha Israel,’ nɛ́ o sɔmɔlɔ David we ɔ nɛ ma si kpɛii ngɛ o hɛ mi. 25 Ejakaa mo, ye Mawu, mo lɛ o je o yi mi tomi kpo kɛ tsɔɔ o sɔmɔlɔ ɔ kaa o maa po we ha lɛ.* Enɛ ɔ he je nɛ o sɔmɔlɔ ɔ ná kã kɛ ngɛ sɔlemi nɛ ɔ sɔlee ha mo ɔ nɛ. 26 Nɛ amlɔ nɛ ɔ, Oo Yehowa, mo ji anɔkuale Mawu ɔ nɛ, nɛ o kɛ ní kpakpa nɛ ɔmɛ wo o sɔmɔlɔ ɔ si. 27 Enɛ ɔ he ɔ, o bua nɛ jɔ he nɛ́ o jɔɔ o sɔmɔlɔ ɔ we ɔ, nɛ́ e hi si kɛ ya neneene ngɛ o hɛ mi, ejakaa mo Yehowa, o jɔɔ o sɔmɔlɔ ɔ we ɔ, nɛ a jɔɔ e we ɔ kɛ yaa neneene.”

18 Be komɛ a se ɔ, David ye Filistibi ɔmɛ a nɔ kunimi nɛ a ba je e sisi, nɛ e ngɔ Gat kɛ mahi nɛ bɔle lɛ* ɔ ngɛ Filistibi ɔmɛ a dɛ. 2 Lɔ ɔ se ɔ, e ye Moab nɔ kunimi, nɛ Moabbi ɔmɛ ba pee David sɔmɔli, nɛ a woɔ tó kɛ haa lɛ.

3 David ye Zoba Matsɛ Hadadezer nɔ kunimi ngɛ Hamat kasa nya benɛ Hadadezer ngɛ blɔ nɔ nɛ e yaa ngɔ zugba nɛ ngɛ Yufrate Pa a he kaa e nɔ yemi he ɔ. 4 David kpɔ̃ ta zugba lɛhi 1,000, okpɔngɔ nɔ hili 7,000, kɛ tabuli nɛ a nyɛɛɔ nane 20,000 ngɛ e dɛ. Kɛkɛ nɛ David poo okpɔngɔhi nɛ a gblaa ta zugba lɛ ɔ tsuo a nane se panihi nɛ e piɛ 100 pɛ. 5 Benɛ Siriabi nɛ a je Damasko ɔ ba konɛ a ba ye bua Zoba Matsɛ Hadadezer a, David gbe Siriabi ɔmɛ a kpɛti nihi 22,000. 6 Kɛkɛ nɛ David to tabohi ngɛ Siria nɛ ngɛ Damasko ɔ, nɛ Siriabi ɔmɛ ba pee David sɔmɔli, nɛ a ba woɔ tó kɛ haa lɛ. He fɛɛ he nɛ David maa ya a, Yehowa haa nɛ e yeɔ kunimi.* 7 Jehanɛ hu ɔ, David ngɔ sika tsu tsɛ̃i lokotoo ɔmɛ ngɛ Hadadezer sɔmɔli ɔmɛ a dɛ kɛ ba Yerusalem. 8 David ngɔ akɔblee babauu kɛ je Hadadezer mahi nɛ ji Tibhat kɛ Kun a mi. Lɔ ɔ nɛ Salomo kɛ pee akɔblee kã agbo ko nɛ a tsɛɔ ke Wo ɔ, titima amɛ, kɛ akɔblee ní ɔmɛ ɔ nɛ.

9 Benɛ Hamat Matsɛ Tou* nu kaa David ye Zoba Matsɛ Hadadezer tabo ɔ tsuo nɔ kunimi ɔ, 10 oya nɔuu nɛ e tsɔ e binyumu Hadoram* kɛ ya Matsɛ David ngɔ konɛ e ya bi lɛ bɔ nɛ e he mi ngɛ ha, nɛ́ e ha lɛ ayekoo kaa e kɛ Hadadezer hwu ta nɛ e ye e nɔ kunimi (ejakaa Hadadezer kɛ Tou pɔɔ ta hwumi), nɛ e ngɔ ní slɔɔtohi tsuo nɛ a kɛ sika tsu, sika hiɔ, kɛ akɔblee pee kɛ ba. 11 Matsɛ David jɔɔ ní nɛ ɔmɛ a nɔ kɛ ha Yehowa kɛ piɛɛ sika hiɔ kɛ sika tsu nɛ e kpɔ̃ ngɛ je ma amɛ tsuo a dɛ ɔ he; e kpɔ̃ ngɛ Edom kɛ Moab a dɛ, ngɛ Ammonbi ɔmɛ, Filistibi ɔmɛ, kɛ Amalekbi ɔmɛ a dɛ.

12 Abishai, Zeruya binyumu ɔ gbe Edombi 18,000 ngɛ Ngo Dɔgba a mi. 13 E to tabohi ngɛ Edom, nɛ Edom bi ɔmɛ tsuo ba pee David sɔmɔli. He fɛɛ he nɛ David maa ya a, Yehowa haa nɛ e yeɔ kunimi.* 14 David ya nɔ nɛ e ye Israel tsuo nɔ, nɛ e yeɔ dami sane nɛ e peeɔ nɔ́ nɛ da ha e we bi ɔmɛ tsuo. 15 Yoab, Zeruya binyumu ɔ lɛ da tabo ɔ nya, Yehoshafat, Ahilud binyumu ɔ ji sane ngmalɔ, 16 Zadok, Ahitub binyumu ɔ kɛ Ahimelek, Abiatar binyumu ɔ ji osɔfohi, nɛ Shavsha ji womi ngmalɔ. 17 Benaya, Yehoyada binyumu ɔ lɛ e da Keretbi ɔmɛ kɛ Peletbi ɔmɛ a nya. Nɛ David binyumu ɔmɛ ji nihi nɛ a hɛɛ blɔ nya ngua ngɛ matsɛ ɔ se.

19 Pee se ɔ, Nahash nɛ ji Ammonbi ɔmɛ a matsɛ ɔ ba gbo, nɛ e binyumu ɔ ba ye matsɛ ngɛ e se. 2 Kɛkɛ nɛ David de ke: “Ma je suɔmi nɛ se pui kpo kɛ tsɔɔ Hanun, Nahash binyumu ɔ, ejakaa e tsɛ ɔ je suɔmi nɛ se pui kpo kɛ tsɔɔ mi.” Enɛ ɔ he ɔ, David tsɔ tsɔli kɛ ya e ngɔ konɛ a ya wo e bua ngɛ e tsɛ ɔ gbenɔ ɔ he. Se benɛ David sɔmɔli ɔmɛ ba su Ammonbi ɔmɛ a zugba a nɔ konɛ a wo Hanun bua a, 3 Ammonbi ɔmɛ a ma nikɔtɔma amɛ de Hanun ke: “Anɛ o susu kaa David ngɛ o tsɛ ɔ hɛ mi nyami woe kɛ gu tsɔmi nɛ e tsɔ nihi ke a ba wo o bua a nɔ lo? Anɛ pi nɛ é ba hla níhi a mi fitsofitso, nɛ e kpa zugba a si, nɛ e ye o nɔ kunimi he je nɛ e tsɔ e sɔmɔli ɔmɛ kɛ ba o ngɔ ɔ lo?” 4 Enɛ ɔ he ɔ, Hanun nuu David sɔmɔli ɔmɛ, nɛ e sɛ a kpɛni, nɛ e poo a tade ɔmɛ a nɔ ngɛ kpɛti ngɛ a supa nya, nɛ e wo mɛ blɔ kɛ ho. 5 Benɛ a de David nɔ́ nɛ a pee nyumu ɔmɛ ɔ, oya nɔuu nɛ e tsɔ nihi konɛ a kɛ mɛ nɛ ya kpe, ejakaa a pue nyumu ɔmɛ a hɛ mi si wawɛɛ nitsɛ; nɛ matsɛ ɔ de mɛ ke: “Nyɛɛ hi Yeriko kɛ ya si be nɛ nyɛ kpɛni ɔmɛ maa hɛ, konɛ lɔ ɔ se ɔ, nyɛɛ kpale kɛ ba.”

6 Pee se ɔ, Ammonbi ɔmɛ na kaa David ná a he ninyɛ, lɔ ɔ he ɔ, Hanun kɛ Ammonbi ɔmɛ tsɔ konɛ a ngɔ sika hiɔ talɛnt* 1,000 kɛ ya bɔ ta zugba lɛhi kɛ okpɔngɔ nɔ hili apaa kɛ je Mesopotamia,* Aram Maaka, kɛ Zoba. 7 Lɔ ɔ he ɔ, a ya bɔ ta zugba lɛhi 32,000 kɛ Maaka matsɛ ɔ kɛ e we bi ɔmɛ apaa. Lɔ ɔ se ɔ, a ba nɛ a ba to si ngɛ Medeba hɛ mi. Ammonbi ɔmɛ je a ma amɛ a mi, nɛ a ba bua a he nya konɛ a hwu ta.

8 Benɛ David nu he ɔ, e tsɔ Yoab kɛ tabo ɔ tsuo kɛ e tatsɛmɛ nɛ a he wa pe kulaa a. 9 Nɛ Ammonbi ɔmɛ je kpo nɛ a ya gba ta ngɛ ma a agbo ɔ nya be mi nɛ matsɛmɛ ɔmɛ nɛ a ba a tsɔ a he banee ngɛ nga a nɔ ɔ.

10 Benɛ Yoab na kaa a gba ta kɛ ma lɛ tuami ngɛ e hɛ mi kɛ e se ɔ, e hla tabuli nɛ a he be wawɛɛ ngɛ Israel ɔ a ti ni komɛ, nɛ e ha nɛ a gba ta konɛ a kɛ Siriabi ɔmɛ nɛ ya kpe. 11 E ngɔ nyumuhi nɛ a piɛ ɔ kɛ wo e nyɛminyumu Abishai dɛ konɛ e ha nɛ a gba ta nɛ a kɛ Ammonbi ɔmɛ nɛ ya kpe. 12 Kɛkɛ nɛ e de ke: “Ke i ya nyɛ we Siriabi ɔmɛ ɔ, lɛɛ o ba nɛ o ba ye bua mi; se ke o ya nyɛ we Ammonbi ɔmɛ ɔ, lɛɛ ma ba ye bua mo. 13 E sa nɛ wa he nɛ wa, nɛ́ waa pee kã kɛ ha wa we bi ɔmɛ kɛ wa Mawu ɔ ma amɛ, nɛ Yehowa maa pee nɔ́ nɛ hi ngɛ e hɛ mi.”

14 Kɛkɛ nɛ Yoab kɛ e nyumu ɔmɛ ya a hɛ mi, nɛ a kɛ Siriabi ɔmɛ ya hwu ta, nɛ Siriabi ɔmɛ tu fo ngɛ e nya. 15 Benɛ Ammonbi ɔmɛ na kaa Siriabi ɔmɛ tu fo ɔ, mɛ hu a tu fo ngɛ e nyɛminyumu Abishai nya kɛ ho ma a mi ya. Lɔ ɔ se ɔ, Yoab ba Yerusalem.

16 Benɛ Siriabi ɔmɛ na kaa Israel ye a nɔ kunimi ɔ, a tsɔ tsɔli nɛ a ya tsɛ Siriabi ɔmɛ nɛ a ngɛ Pa* a he ɔ kɛ ba, nɛ Shofak nɛ ji Hadadezer tabo ɔ nya dalɔ ɔ nyɛɛ a hɛ mi kɛ ba.

17 Benɛ a bɔ David amaniɛ ɔ, oya nɔuu nɛ e bua Israel tsuo nya, nɛ a po Yordan Pa a kɛ ba a ngɔ, nɛ e ba gba ta kɛ wo mɛ. David gba ta, nɛ e kɛ Siriabi ɔmɛ ya kpe, nɛ a kɛ lɛ hwu. 18 Se Siriabi ɔmɛ tu fo ngɛ Israel hɛ mi; nɛ David gbe Siria tabuli nɛ a hiɔ ta zugba lɛ mi 7,000, kɛ Siria tabuli nɛ a nyɛɛɔ nane 40,000, nɛ e gbe Shofak, nɛ ji tabo ɔ nya dalɔ ɔ. 19 Benɛ Hadadezer sɔmɔli ɔmɛ na kaa Israel ye a nɔ kunimi ɔ, amlɔ nɔuu nɛ a kɛ David ya kpata, nɛ a ba je e sisi; nɛ Siria bi ɔmɛ sume kaa a maa ye bua Ammonbi ɔmɛ hu.

20 Jeha a sisije* be mi nɛ matsɛmɛ gbaa ta a, Yoab nyɛɛ tabuli a hɛ mi, nɛ a ya kpata Ammonbi ɔmɛ a zugba a hɛ mi; e ba nɛ e ba sa Raba yi be mi nɛ David ngɛ Yerusalem ɔ. Yoab tua Raba, nɛ e kpata ma a hɛ mi. 2 Kɛkɛ nɛ David je jlasi nɛ ngɛ Malkam yi ɔ, nɛ e na kaa jlasi ɔ jiɔmi ji sika tsu talɛnt* kake, nɛ tɛhi nɛ a he jua wa ngɛ mi; nɛ a kɛ wo David yi. Jehanɛ se hu ɔ, David muɔɔ ta yibu ní babauu nitsɛ ngɛ ma a mi. 3 E ngɔ nihi nɛ a ngɛ ma a mi ɔ kɛ ba, nɛ e ha nɛ a kɛ sau gbaa tɛ, nɛ a kɛ dadehi nɛ a nya ba kɛ gbiɛhi tsuɔ ní. Jã ji bɔ nɛ David pee Ammonbi ɔmɛ a ma amɛ tsuo. Nyagbe ɔ, David kɛ tabuli ɔmɛ tsuo kpale kɛ ho Yerusalem ya.

4 Enɛ ɔ se ɔ, ta fɛ ngɛ a kɛ Filistibi ɔmɛ a kpɛti ngɛ Gezer. Jamɛ a be ɔ, Sibekai, Hushano ɔ gbe Refaim nina ko nɛ a tsɛɔ lɛ ke Sipai, nɛ Israelbi ɔmɛ ye Filistibi ɔmɛ a nɔ kunimi.

5 Nɛ ta kpale fɛ ngɛ a kɛ Filisti bi ɔmɛ a kpɛti, nɛ Elhanan, Yair binyumu ɔ gbe Lami, nɛ ji Gatno Goliat nyɛminyumu ɔ, nɔ nɛ e we akplɔ tso ɔ ngɛ kaa bo lolɔ klama mi tso ngua a.

6 Ta kpale fɛ ngɛ Gat, he nɛ nyumu oblai kpanaa ko kɛ e nine nguɛ ekpaakpa kɛ e nane nguɛ ekpaakpa nɛ kulaa peeɔ 24 ɔ ngɛ ɔ; lɛ hu Refaim nina ji lɛ. 7 E ya nɔ nɛ e bɔ Israel ahlua. Enɛ ɔ he ɔ, Yonatan, David nyɛminyumu Shimea binyumu ɔ gbe lɛ.

8 Ni nɛ ɔmɛ ji Refaim sisi bimɛ ngɛ Gat, nɛ a gbo ngɛ David kɛ e sɔmɔli ɔmɛ a nine nɔ.

21 Kɛkɛ nɛ Satan* te si kɛ wo Israel ma a, nɛ e wo David yi mi kaa e kane Israelbi ɔmɛ. 2 Lɔ ɔ he ɔ, David de Yoab kɛ ma a nya dali ɔmɛ ke: “Nyɛɛ ya nɛ nyɛ ya kane Israel ma a, kɛ je Beersheba kɛ ya si Dan; lɔ ɔ se ɔ, nyɛ ba bɔ mi amaniɛ konɛ ma le a yibɔ.” 3 Se Yoab de ke: “Yehowa nɛ́ ha nɛ e we bi ɔmɛ nɛ́ a bɔ he si 100! Ye nyɔmtsɛ matsɛ, anɛ mɛ tsuo ɔ, pi ye nyɔmtsɛ ɔ sɔmɔli ji mɛ momo lo? Mɛni he je nɛ ye nyɔmtsɛ ɔ suɔ nɛ e pee nɔ́ nɛ ɔ? Mɛni he je nɛ e sa nɛ o ha nɛ Israel nɛ ye fɔ?”

4 Se matsɛ ɔ munyu ɔ ye Yoab munyu ɔ nɔ. Lɔ ɔ he ɔ, Yoab je kpo, nɛ e ya kpa Israel tsuo, nɛ lɔ ɔ se ɔ, e ba Yerusalem. 5 Kɛkɛ nɛ Yoab ngɔ nihi nɛ a ya ngma a biɛ ɔ a yibɔ ɔ kɛ ha David. Ngɛ Israel tsuo ɔ, a ná nyumuhi nɛ a miaa kɛ klaate 1,100,000, nɛ ngɛ Yuda a, a ná nyumuhi nɛ a miaa kɛ klaate 470,000. 6 Se a ngmɛ Levi kɛ Benyamin a biɛ kɛ piɛɛ we a he, ejakaa matsɛ ɔ munyu ɔ pee Yoab tai.

7 Anɔkuale Mawu ɔ bua jɔɛ nɔ́ nɛ ɔ he kulaa, lɔ ɔ he ɔ, e gbla Israel tue. 8 Kɛkɛ nɛ David de anɔkuale Mawu ɔ ke: “I pee yayami agbo kaa i pee nɔ́ nɛ ɔ. Enɛ ɔ he ɔ, i kpa mo pɛɛ nɛ o ngɔ o sɔmɔlɔ ɔ tɔmi ɔ kɛ ke lɛ, ejakaa i je kuasia wawɛɛ nitsɛ.” 9 Kɛkɛ nɛ Yehowa de Gad, nɛ ji David ní nalɔ ɔ ke: 10 “Yaa nɛ o ya de David ke, ‘Nɔ́ nɛ Yehowa ngɛ dee ji nɛ ɔ nɛ: “I ngɔ níhi etɛ kɛ ngɛ o hɛ mi fɔe. Moo hla kake nɛ ma ha nɛ e ba o nɔ.”’” 11 Kɛkɛ nɛ Gad ba David ngɔ nɛ e ba de lɛ ke: “Nɔ́ nɛ Yehowa ngɛ dee ji nɛ ɔ nɛ, ‘Hlaa nɔ́ nɛ o suɔ, 12 ke ji hwɔ nɛ ba jeha etɛ jio, o he nyɛli nɛ a bɛɛ mo kɛ je a hɛ mi, nɛ́ a klaate nɛ fia mo ní nyɔhiɔ etɛ jio, Yehowa klaate, nɛ ji gbenɔ hiɔ nɛ sãã nɔ nɛ ba nyɛ nɔ, nɛ́ Yehowa bɔfo nɛ ngɔ hɛ mi kpatami kɛ ba Israel zugba kpɔ ɔ mi tsuo ligbi etɛ jio.’ Amlɔ nɛ ɔ, mo susu he, nɛ́ o tsɔɔ mi nɔ́ nɛ ma ya de Nɔ nɛ tsɔ mi ɔ.” 13 Lɔ ɔ he ɔ, David de Gad ke: “Sane nɛ ɔ he wa ha mi wawɛɛ nitsɛ. I kpa mo pɛɛ, ha nɛ ma nɔ Yehowa dɛ mi, ejakaa e mɔbɔ nami hiɛ babauu nitsɛ; se ko ha nɛ ma nɔ adesa dɛ mi.”

14 Kɛkɛ nɛ Yehowa ngɔ gbenɔ hiɔ nɛ sãã nɔ kɛ ba Israel nɔ, nɛ nihi 70,000 gbo ngɛ Israel. 15 Jehanɛ hu ɔ, anɔkuale Mawu ɔ tsɔ bɔfo ko Yerusalem konɛ e ya kpata ma a hɛ mi; se benɛ bɔfo ɔ miɔ nɛ e maa pee jã a, Yehowa na nɛ e pia e he* ngɛ haomi nɛ ba a he je, nɛ e de bɔfo ɔ nɛ e ngɛ ni ɔmɛ a hɛ mi kpatae ɔ ke: “E hiɛ! Amlɔ nɛ ɔ, moo ba o nine si.” Jamɛ a be ɔ mi ɔ, Yehowa bɔfo ɔ ngɛ Ornan, Yebusno ɔ ngma fiaami he ɔ kasa nya haa.

16 Benɛ David wo e hɛ nɔ ɔ, e na Yehowa bɔfo ɔ nɛ daa si ngɛ kɔɔhiɔ mi,* kɛ e dɛ mi klaate nɛ́ e kɛ tsɔɔ Yerusalem. Oya nɔuu nɛ David kɛ nikɔtɔma amɛ nɛ a ha kpekpe ɔ kplã si, nɛ a ngɔ a hɛ mi kɛ bu zugba. 17 David de anɔkuale Mawu ɔ ke: “Anɛ pi imi nɛ i de ke a kane ni ɔmɛ lo? Imi lɛ i pee yayami, nɛ imi lɛ i tɔ̃; se jijɔ nɛ ɔmɛ lɛɛ, mɛni a pee? Oo Yehowa ye Mawu, i kpa mo pɛɛ, ha nɛ o nine nɛ te si kɛ wo i kɛ ye tsɛ we ɔ; se koo ngɔ haomi nɛ ɔ kɛ ba o we bi ɔmɛ a nɔ.”

18 Kɛkɛ nɛ Yehowa bɔfo ɔ de Gad ke e ya de David nɛ e kuɔ kɛ ya Ornan, nɛ ji Yebusno ɔ ngma fiaami he ɔ, nɛ́ e ya ma afɔle sami latɛ ha Yehowa ngɛ lejɛ ɔ. 19 Enɛ ɔ he ɔ, David kuɔ kɛ ho ngɛ Gad munyu ɔ nya kaa bɔ nɛ Yehowa de ɔ. 20 Jamɛ a be ɔ mi ɔ, Ornan ngɛ hwiit fiaae; benɛ e plɛ e he ɔ, e na bɔfo ɔ, kɛkɛ nɛ e binyumuhi eywiɛ nɛ a piɛɛ e he ɔ ya laa. 21 Benɛ David kuɔ kɛ ba Ornan ngɔ ɔ, Ornan wo e hɛ nɔ, nɛ e na David, nɛ oya nɔuu nɛ Ornan je ngma fiaami he ɔ, nɛ e ya kplã si ha David, nɛ e kɛ e hɛ mi bu zugba. 22 David de Ornan ke: “Moo jua* ngma fiaami he ɔ kɛ ha mi, konɛ ma ma afɔle sami latɛ ngɛ nɔ ha Yehowa. Moo jua ha mi nɛ ma wo mo hiɔ sisiisi, bɔ nɛ pee nɛ haomi nɛ ba ni ɔmɛ a nɔ ɔ se nɛ po.” 23 Se Ornan de David ke: “Ye nyɔmtsɛ matsɛ ɔ nɛ e ngɔ kaa e nɔ́, nɛ e pee nɔ́ nɛ e susu kaa e hi.* Hyɛ, i ngɛ mo nahi nɛ o kɛ ma nyɛ maa sã sami afɔle ɔmɛ, kɛ ngma fiaami tsohi nɛ o kɛ ma nyɛ maa pee lɛ́, kɛ hwiit nɛ o kɛ maa sã ngma afɔle ɔ hae. I kɛ kulaa ngɛ mo hae.”

24 Se Matsɛ David de Ornan ke, “Ohoo, e sa nɛ o jua ha mi nɛ ma wo mo hiɔ sisiisi, ejakaa i be o nɔ́ ko ngɔe kɛ ha Yehowa, nɛ jã kɛ̃ nɛ i kɛ níhi nɛ i ná yaka be sami afɔle sãe ha lɛ.” 25 Lɔ ɔ he ɔ, David ha Ornan sika tsu nɛ e jiɔmi ji shekel* 600, nɛ e kɛ he ngma fiaami he ɔ. 26 Nɛ David ma afɔle sami latɛ ngɛ lejɛ ɔ ha Yehowa, nɛ e sã sami afɔlehi kɛ tue mi jɔmi afɔlehi, nɛ e tsɛ Yehowa, nɛ e he nɔ, nɛ e ha nɛ la je hiɔwe kɛ ba sã afɔle ɔ ngɛ afɔle sami latɛ ɔ nɔ. 27 Kɛkɛ nɛ Yehowa fã bɔfo ɔ ke e kpale e klaate ɔ kɛ wo kpo ɔ mi. 28 Benɛ David na kaa Yehowa he lɛ nɔ ngɛ Ornan, nɛ ji Yebusno ɔ ngma fiaami he ɔ, e ya nɔ nɛ e sã afɔle ngɛ lejɛ ɔ. 29 Se jamɛ a be ɔ mi ɔ, Yehowa bo tsu klɔuklɔu ɔ nɛ Mose pee ngɛ nga a nɔ ɔ, kɛ afɔle sami latɛ nɛ a sãã sami afɔle ngɛ nɔ ɔ ngɛ he nɛ ya hiɔwe ɔ ngɛ Gibeon. 30 Se David nyɛ we nɛ e ya lejɛ ɔ nɛ e ya bi Mawu juɛmi, ejakaa e ye gbeye wawɛɛ ngɛ Yehowa bɔfo ɔ klaate ɔ he je.

22 Kɛkɛ nɛ David de ke: “Yehowa, anɔkuale Mawu ɔ we ɔ ji nɛ ɔ nɛ, nɛ afɔle sami latɛ nɛ Israel maa sã sami afɔle ngɛ nɔ ji nɛ ɔ nɛ.”

2 Lɔ ɔ se ɔ, David fã ke a bua nibwɔhi nɛ a ngɛ Israel zugba a nɔ ɔ a nya, nɛ e ha nɛ a gba tɛ, nɛ a dla tɛ ɔmɛ a he konɛ a kɛ ma anɔkuale Mawu ɔ we ɔ. 3 Jehanɛ hu ɔ, David bua dadehi babauu nya konɛ a kɛ pee plɛɛkohi kɛ ha agbo ɔmɛ a sinya amɛ kɛ dadehi nɛ a kɛ nuɔ nɔ́, kɛ akɔblee babauu nɛ a nyɛ we nɛ a ngmɛ, 4 kɛ seda tsohi nɛ a li nya, ejakaa Sidonbi ɔmɛ kɛ Tirobi ɔmɛ ba ha David seda tsohi babauu nitsɛ. 5 Nɛ David de ke: “Ye binyumu Salomo wɛ, nɛ e be níhi a si kpami,* nɛ we ɔ nɛ a maa ma ha Yehowa a maa pee we agbo saminyayoo, nɛ a maa tu bɔ nɛ e ngɛ fɛu ha a he munyu ngɛ zugba a tsuo nɔ. Lɔ ɔ he ɔ, ma dla níhi kɛ to ha lɛ.” Enɛ ɔ he ɔ, loko David ma gbo ɔ, e bua níhi babauu nya.

6 Jehanɛ hu ɔ, e tsɛ e binyumu Salomo, nɛ e fã lɛ kaa e ma we kɛ ha Yehowa, Israel Mawu ɔ. 7 David de e binyumu Salomo ke: “Imi lɛɛ, ngɛ ye tsui mi ɔ, jinɛ i suɔ kaa ma ma we kɛ ha Yehowa, ye Mawu ɔ biɛ ɔ. 8 Se Yehowa de mi ke, ‘O pue muɔ babauu si, nɛ o hwu ta nguanguahi. O be we mae kɛ ha ye biɛ ɔ, ejakaa o pue muɔ babauu si ngɛ ye hɛ mi ngɛ zugba a nɔ. 9 Hyɛ! O ma fɔ binyumu, nɛ e maa pee tue mi jɔmi* nɔmlɔ, nɛ ma ha nɛ e he maa jɔ lɛ ngɛ e he nyɛli tsuo nɛ bɔle lɛ kɛ kpe ɔ a dɛ mi, ejakaa a ma tsɛ e biɛ ke Salomo,* nɛ ma ha Israel tue mi jɔmi kɛ he jɔmi ngɛ e be ɔ mi. 10 Lɛ ji nɔ nɛ e maa ma we kɛ ha ye biɛ ɔ. E maa pee ye binyumu, nɛ ma pee e tsɛ. Ma ha nɛ e matsɛ yemi sɛ ɔ maa ma si kpɛii, nɛ e maa ye Israel nɔ kɛ ya neneene.’

11 “Lɔ ɔ he ɔ, ye binyumu, Yehowa nɛ piɛɛ o he, nɛ́ o ye manye, konɛ o ma Yehowa, o Mawu ɔ we ɔ kaa bɔ nɛ e de ke o maa pee ɔ. 12 Ke Yehowa ha mo he wami ngɛ Israel nɔ ɔ, é ha mo hɛ si kami kɛ nɔ́ sisi numi konɛ o nyɛ nɛ o ye Yehowa, o Mawu ɔ mlaa a nɔ. 13 Ke o ye blɔ tsɔɔmihi kɛ kojomihi nɛ Yehowa fã Mose ke e kɛ ha Israel ɔ nɔ sisiisi ɔ, lɛɛ o maa ye manye. Moo pee kã, nɛ o he nɛ wa. Koo ye gbeye, nɛ koo nu sawale hulɔ. 14 Hyɛ, i gbo dengme wawɛɛ kɛ bua sika tsu talɛnt* 100,000 kɛ sika hiɔ talɛnt 1,000,000 nya, kɛ akɔblee kɛ dade babauu nitsɛ nɛ a nyɛ we nɛ a ngmɛ kɛ ha Yehowa we ɔ, nɛ i bua tsohi kɛ tɛhi hu a nya, se o kɛ eko maa piɛɛ he. 15 O ngɛ ní tsuli babauu: tɛ gbali, tɛ gbogbo fiali, tso he ní tsuli, kɛ ga ní tsuli slɔɔtoslɔɔtohi tsuo. 16 Sika tsu, sika hiɔ, akɔblee, kɛ dade ɔmɛ lɛɛ, a nyɛ we nɛ a ngmɛ. Tee si nɛ o je ní tsumi ɔ sisi, nɛ Yehowa nɛ́ piɛɛ o he.”

17 Lɔ ɔ se ɔ, David fã Israel ma nikɔtɔma amɛ tsuo ke a ye bua e binyumu Salomo. E de mɛ ke: 18 “Anɛ Yehowa, nyɛ Mawu ɔ piɛɛ we nyɛ he, nɛ e ha we nyɛ he jɔmi ngɛ he fɛɛ he lo? Ejakaa e ngɔ zugba a nɔ bi ɔmɛ kɛ wo ye dɛ, nɛ Yehowa kɛ e we bi ɔmɛ ye zugba a nɔ. 19 Amlɔ nɛ ɔ, nyɛɛ fia nyɛ pɛɛ si kaa nyɛɛ kɛ nyɛ tsui tsuo kɛ nyɛ klaa* tsuo ma hla Yehowa, nyɛ Mawu ɔ se blɔ, nɛ́ nyɛɛ je Yehowa, anɔkuale Mawu ɔ jami he ɔ mami sisi, konɛ a ngɔ Yehowa somi daka a kɛ anɔkuale Mawu ɔ ní klɔuklɔu ɔmɛ kɛ ba we ɔ nɛ a ma kɛ ha Yehowa biɛ ɔ mi.”

23 Benɛ David bwɔ nɛ e piɛ bɔɔ nɛ e ma gbo ɔ,* e wo e binyumu Salomo matsɛ konɛ e ye Israel nɔ. 2 Lɔ ɔ se ɔ, e bua Israel ma nikɔtɔma amɛ, osɔfo ɔmɛ, kɛ Levibi ɔmɛ tsuo a nya. 3 A kane Levibi ɔmɛ a kpɛti nihi nɛ a ye kɛ je jeha 30 kɛ yaa a; benɛ a kane nyumu fɛɛ nyumu ɔ, a ná nihi 38,000. 4 Ngɛ nimli nɛ ɔmɛ a kpɛti ɔ, nihi 24,000 sɔmɔ kaa Yehowa we ɔ ní tsumi ɔ nɔ hyɛli, nihi 6,000 ji nikɔtɔmahi kɛ kojoli, 5 nihi 4,000 ji agbo nya buli, nɛ nihi 4,000 ngɔɔ la fiami níhi kɛ jeɔ Yehowa yi. David de ngɛ la fiami ní nɛ ɔmɛ a he ke, “I pee konɛ a kɛ fia yi jemi lahi.”

6 Lɔ ɔ se ɔ, David gba a mi kɛ wo kuuhi a mi ngɛ Levi binyumu ɔmɛ a nya: Gershon, Kohat, kɛ Merari. 7 Ngɛ Gershonbi ɔmɛ a kpɛti ɔ, Ladan kɛ Shimei. 8 Ladan binyumuhi ji Yehiel, nɛ ji a nyatsɛ ɔ, Zetam, kɛ Yoel, mɛ ni etɛ. 9 Shimei binyumuhi ji Shelomot, Haziel, kɛ Haran, mɛ ni etɛ. Ni nɛ ɔmɛ ji a tsɛmɛ a we ɔmɛ a nyatsɛmɛ kɛ ha Ladan. 10 Nɛ Shimei binyumuhi ji Yahat, Zina, Yeush, kɛ Beria. Shimei binyumuhi ji ni eywiɛ nɛ ɔmɛ. 11 Yahat ji a nyatsɛ, nɛ Zizah ji nɔ enyɔne. Se akɛnɛ Yeush kɛ Beria be binyumuhi fuu he je ɔ, a kane mɛ kaa we kake mi bimɛ,* nɛ a ha mɛ blɔ nya ní tsumi kake.

12 Kohat binyumuhi ji Amram, Izhar, Hebron, kɛ Uziel, mɛ ni eywiɛ. 13 Amram binyumuhi ji Aaron kɛ Mose. Se a hla Aaron ngɔ to kulaa kaa e kɛ e binyumu ɔmɛ nɛ a tsu He Klɔuklɔu Pe Kulaa a he, nɛ́ a sã afɔlehi ngɛ Yehowa hɛ mi, nɛ́ a sɔmɔ lɛ, nɛ́ a jɔɔ nihi ngɛ e biɛ mi kɛ ya neneene. 14 Mose, nɛ ji anɔkuale Mawu ɔ nɔmlɔ ɔ lɛɛ, a wo e binyumu ɔmɛ a biɛ ta kɛ piɛɛ Levibi ɔmɛ a wɛtso ɔ he. 15 Mose binyumuhi ji Gershom kɛ Eliezer. 16 Ngɛ Gershom binyumu ɔmɛ a kpɛti ɔ, Shebuel ji a nyatsɛ. 17 Ngɛ Eliezer sisi bimɛ ɔmɛ* a kpɛti ɔ, Rehabia ji a nyatsɛ; Eliezer be binyumu kpahi, se Rehabia lɛɛ e ngɛ binyumuhi babauu. 18 Ngɛ Izhar binyumu ɔmɛ a kpɛti ɔ, Shelomit ji a nyatsɛ. 19 Hebron binyumuhi ji Yeria, nɛ ji a nyatsɛ ɔ, Amaria ji nɔ enyɔne, Yahaziel ji nɔ etɛne, nɛ Yekameam ji nɔ eywiɛne. 20 Uziel binyumuhi ji Mika, nɛ ji a nyatsɛ ɔ, nɛ Ishia ji nɔ enyɔne.

21 Merari binyumuhi ji Mahli kɛ Mushi. Mahli binyumuhi ji Eleazar kɛ Kish. 22 Eleazar be binyumuhi, biyihi pɛ lɛ e ngɛ nɛ e kɛ gbo. Lɔ ɔ he ɔ, Kish binyumu ɔmɛ, nɛ ji a wekuli* ɔmɛ ngɔ mɛ kaa a yihi. 23 Mushi binyumuhi ji Mahli, Eder, kɛ Yeremot, mɛ ni etɛ.

24 Ni nɛ ɔmɛ ji Levi binyumuhi nɛ a ye kɛ je jeha 20 kɛ yaa, nɛ́ a kane mɛ nɛ a ngma a biɛ ngɛ a tsɛmɛ a we ɔmɛ, kɛ a tsɛmɛ a we ɔmɛ a nyatsɛmɛ ɔmɛ a nya; a wo a biɛ ta kaa a sɔmɔ ngɛ Yehowa we ɔ. 25 Ejakaa David de ke: “Yehowa, Israel Mawu ɔ ha e we bi ɔmɛ he jɔmi, nɛ e maa hi Yerusalem kɛ ya neneene. 26 Jehanɛ hu ɔ, e he be hiae nɛ Levibi ɔmɛ nɛ a tloo bo tsu klɔuklɔu ɔ, aloo níhi nɛ a kɛ sɔmɔɔ ngɛ mi ɔ ekoeko hu.” 27 Ngɛ nyagbe blɔ tsɔɔmi nɛ David kɛ ha a nya a, a kane Levibi nɛ a ye kɛ je jeha 20 kɛ yaa a. 28 A ní tsumi ji kaa a maa ye bua Aaron binyumu ɔmɛ kɛ sɔmɔ ngɛ Yehowa we ɔ, nɛ́ a hyɛ yale ɔmɛ kɛ ní yemi tsu ɔmɛ a nɔ, nɛ́ a tsukɔ nɔ́ klɔuklɔu fɛɛ nɔ́ klɔuklɔu he, nɛ́ a tsu ní tsumi saisaa nɛ e he maa hia kaa a tsu ngɛ anɔkuale Mawu ɔ we ɔ. 29 A yeɔ kɛ buaa kɛ peeɔ abolo nɛ a toɔ* ɔ, mamu bukɔbukɔ nɛ a kɛ sãã ngma afɔle ɔ, akpɔɔnɔɔ nɛ masa be mi ɔ, kã tɛtlɛɛ mi keeki ɔmɛ, kɛ ma nɛ a futu ɔ, nɛ a yeɔ kɛ buaa kɛ susuɔ níhi tsuo a hiɛmi kɛ a klemi hulɔ. 30 Daa mɔtu ɔ, a daa si kɛ naa Yehowa si, nɛ a jeɔ e yi, nɛ a peeɔ jã gbɔkuɛ hulɔ. 31 Be fɛɛ be nɛ a maa sã sami afɔlehi kɛ ha Yehowa ngɛ Hejɔɔmi Ligbi ɔmɛ kɛ nyɔhiɔ ehe ɔmɛ a nɔ, kɛ gbijlɔ yemi be ɔmɛ a mi ɔ, a yeɔ kɛ buaa. A peeɔ jã daa ngɛ Yehowa hɛ mi kaa bɔ nɛ a he mlaa amɛ tsɔɔ ɔ. 32 Jehanɛ hu ɔ, a tsuɔ blɔ nya ní tsumihi nɛ a kɛ wo a dɛ ngɛ kpe he bo tsu ɔ mi kɛ he klɔuklɔu ɔ he ní, nɛ a peeɔ níhi nɛ e sa kaa a pee kɛ ha a nyɛmimɛ nɛ ji Aaron binyumu ɔmɛ konɛ a sɔmɔ ngɛ Yehowa we ɔ.

24 Aaron sisi bimɛ ɔmɛ ngɛ a kuuhi a mi ji nɛ ɔmɛ nɛ: Aaron binyumuhi ji Nadab, Abihu, Eleazar, kɛ Itamar. 2 Se Nadab kɛ Abihu gbo si a tsɛ ɔ, nɛ a be binyumuhi; se Eleazar kɛ Itamar ya nɔ nɛ a sɔmɔ kaa osɔfohi. 3 David, kɛ Zadok nɛ e je Eleazar binyumu ɔmɛ a kpɛti ɔ, kɛ Ahimelek nɛ je Itamar binyumu ɔmɛ a kpɛti ɔ gba a mi kɛ wo kuuhi a mi ngɛ a sɔmɔmi ní tsumi ɔ nya. 4 Akɛnɛ Eleazar binyumu ɔmɛ a nyatsɛmɛ ɔmɛ hiɛ pe Itamar binyumu ɔmɛ a nyatsɛmɛ ɔmɛ he je ɔ, a gba a mi ngɛ a nyatsɛmɛ ɔmɛ a nya: Eleazar binyumu ɔmɛ ná nihi 16 kaa a tsɛmɛ a we ɔmɛ a nyatsɛmɛ, nɛ Itamar binyumu ɔmɛ ná nihi 8 kaa a tsɛmɛ a we ɔmɛ a nyatsɛmɛ.

5 Jehanɛ hu ɔ, a fɔ sɔ kɛ gba Eleazar binyumu ɔmɛ kɛ Itamar binyumu ɔmɛ a mi, ejakaa a ngɛ nya dali kɛ ha he klɔuklɔu ɔ, kɛ nya dali nɛ a sɔmɔɔ anɔkuale Mawu ɔ nɛ́ a je kuu enyɔ nɛ ɔmɛ tsuo a mi. 6 Kɛkɛ nɛ Shemaya, Netanel binyumu ɔ nɛ ji Levibi ɔmɛ a womi ngmalɔ ɔ ngma a biɛhi ngɛ matsɛ ɔ, ma nikɔtɔma amɛ, osɔfo Zadok, Ahimelek, nɛ ji Abiatar binyumu ɔ, osɔfo ɔmɛ a tsɛmɛ a we ɔmɛ a nyatsɛmɛ ɔmɛ, kɛ Levibi ɔmɛ a tsɛmɛ a we ɔmɛ a nyatsɛmɛ ɔmɛ a hɛ mi, nɛ a hla a tsɛmɛ a we ɔ kake kɛ ha Eleazar, kɛ kake hu kɛ ha Itamar.

7 Kekleekle sɔ ɔ ya nɔ Yehoyarib nɔ; nɔ́ nɛ ji enyɔ ɔ ya nɔ Yedaya nɔ, 8 nɔ́ nɛ ji etɛ ɔ ya nɔ Harim nɔ, nɔ́ nɛ ji eywiɛ ɔ ya nɔ Seorim nɔ, 9 nɔ́ nɛ ji enuɔ ɔ ya nɔ Malkiya nɔ, nɔ́ nɛ ji ekpa a ya nɔ Miyamin nɔ, 10 nɔ́ nɛ ji kpaago ɔ ya nɔ Hakoz nɔ, nɔ́ nɛ ji kpaanyɔ ɔ ya nɔ Abiya nɔ, 11 nɔ́ nɛ ji nɛɛ ɔ ya nɔ Yeshua nɔ, nɔ́ nɛ ji nyɔngma a ya nɔ Shekania nɔ, 12 nɔ́ nɛ ji 11 ɔ ya nɔ Eliashib nɔ, nɔ́ nɛ ji 12 ɔ ya nɔ Yakim nɔ, 13 nɔ́ nɛ ji 13 ɔ ya nɔ Hupa nɔ, nɔ́ nɛ ji 14 ɔ ya nɔ Yeshebeab nɔ, 14 nɔ́ nɛ ji 15 ɔ ya nɔ Bilga nɔ, nɔ́ nɛ ji 16 ya nɔ Imer nɔ, 15 nɔ́ nɛ ji 17 ɔ ya nɔ Hezir nɔ, nɔ́ nɛ ji 18 ɔ ya nɔ Hapizez nɔ, 16 nɔ́ nɛ ji 19 ɔ ya nɔ Petahia nɔ, nɔ́ nɛ ji 20 ɔ ya nɔ Yehezkel nɔ, 17 nɔ́ nɛ ji 21 ɔ ya nɔ Yakin nɔ, nɔ́ nɛ ji 22 ɔ ya nɔ Gamul nɔ, 18 nɔ́ nɛ ji 23 ɔ ya nɔ Delaya nɔ, nɔ́ nɛ ji 24 ɔ ya nɔ Maazia nɔ.

19 Bɔ nɛ a to a sɔmɔmi ní tsumihi a he blɔ nya kɛ fɔ si ke a ba Yehowa we ɔ ji nɛ ɔmɛ nɛ, e ngɛ kaa bɔ nɛ a nɛnɛ Aaron to he blɔ nya kɛ fɔ si kaa bɔ nɛ Yehowa, Israel Mawu ɔ fã lɛ ɔ.

20 Nɛ Levibi nɛ piɛ ɔ a kpɛti ni komɛ ji nɛ ɔmɛ nɛ: ngɛ Amram binyumu ɔmɛ a kpɛti ɔ, Shubael; ngɛ Shubael binyumu ɔmɛ a kpɛti ɔ, Yedeya; 21 Rehabia nina amɛ: ngɛ Rehabia binyumu ɔmɛ a kpɛti ɔ, Ishia ji a nyatsɛ; 22 ngɛ Izharbi ɔmɛ a kpɛti ɔ, Shelomot; ngɛ Shelomot binyumu ɔmɛ a kpɛti ɔ, Yahat; 23 nɛ ngɛ Hebron binyumu ɔmɛ a kpɛti ɔ, Yeria ji a nyatsɛ, Amaria ji nɔ enyɔne, Yahaziel ji nɔ etɛne, Yekameam ji nɔ eywiɛne; 24 ngɛ Uziel binyumu ɔmɛ a kpɛti ɔ, Mika; ngɛ Mika binyumu ɔmɛ a kpɛti ɔ, Shamir. 25 Mika nyɛminyumu ji Ishia; ngɛ Ishia binyumu ɔmɛ a kpɛti ɔ, Zakaria.

26 Merari binyumuhi ji Mahli kɛ Mushi; ngɛ Yaazia binyumu ɔmɛ a kpɛti ɔ, Beno. 27 Merari binyumuhi ji nɛ ɔmɛ nɛ: Yaazia binyumuhi ji, Beno, Shoham, Zakur, kɛ Ibri; 28 Mahli binyumu ji Eleazar, Eleazar be binyumuhi; 29 Kish binyumuhi ji nɛ ɔmɛ nɛ: ngɛ Kish binyumu ɔmɛ a kpɛti ɔ, Yerameel; 30 nɛ Mushi binyumuhi ji Mahli, Eder, kɛ Yerimot.

Ni nɛ ɔmɛ ji Levi binyumuhi ngɛ a tsɛmɛ a we ɔmɛ a nya. 31 Nɛ mɛ hu a fɔ sɔ kaa bɔ nɛ a nyɛminyumuhi nɛ ji Aaron binyumu ɔmɛ pee ngɛ Matsɛ David, Zadok, Ahimelek, osɔfo ɔmɛ a tsɛmɛ a we ɔmɛ a nyatsɛmɛ ɔmɛ, kɛ Levi bi ɔmɛ a tsɛmɛ a we ɔmɛ a nyatsɛmɛ ɔmɛ a hɛ mi ɔ. Ngɛ a tsɛmɛ a we ɔmɛ a mi ɔ, bɔ nɛ a kɛ nɔ nɛ ji nyatsɛ ɔ yeɔ ha a, jã nɔuu nɛ a kɛ e nyɛminyumu nyafii ɔ hu yeɔ.

25 Jehanɛ hu ɔ, David kɛ kuu ɔmɛ nɛ a sɔmɔɔ ɔ a nya dali ɔmɛ hla Asaf, Heman, kɛ Yedutun binyumu ɔmɛ a ti ni komɛ nɛ́ a sɔmɔ konɛ a ngɔ sakuhi kɛ kpa sakuhi, kɛ ayawahi kɛ gba. Nihi nɛ a hla mɛ kɛ ha sɔmɔmi nɛ ɔ a biɛhi ji nɛ ɔmɛ nɛ, 2 ngɛ Asaf binyumu ɔmɛ a kpɛti ɔ: Zakur, Yosef, Netania, kɛ Asharela. A ji Asaf binyumuhi, nɛ a sɔmɔɔ ngɛ Asaf blɔ tsɔɔmi nya, nɛ Asaf hu gbaa ngɛ matsɛ ɔ blɔ tsɔɔmi nya. 3 Ngɛ Yedutun blɔ fa mi ɔ, Yedutun binyumuhi ji: Gedalia, Zeri, Yeshaya, Shimei, Hashabia, kɛ Matitia, mɛ ni ekpa. A sɔmɔɔ ngɛ a tsɛ Yedutun blɔ tsɔɔmi nya, nɛ Yedutun kɛ saku gbaa, nɛ e naa Yehowa si, nɛ e jeɔ e yi. 4 Ngɛ Heman blɔ fa mi ɔ, Heman binyumuhi ji: Bukia, Matania, Uziel, Shebuel, Yerimot, Hanania, Hanani, Eliata, Gidalti, Romamti Ezer, Yoshbekasha, Maloti, Hotir, kɛ Mahaziot. 5 Ni nɛ ɔmɛ tsuo ji Heman binyumuhi. Heman ji matsɛ ɔ ní nalɔ ngɛ anɔkuale Mawu ɔ he sanehi a mi, konɛ e kɛ wo e hɛ mi nyami;* enɛ ɔ he ɔ, anɔkuale Mawu ɔ ha Heman binyumuhi 14 kɛ biyihi 3. 6 Ni nɛ ɔmɛ tsuo a sɔmɔmi ní tsumi ngɛ anɔkuale Mawu ɔ we ɔ ji kaa a kɛ ayawahi, kpa sakuhi, kɛ sakuhi maa fia la ngɛ Yehowa we ɔ, nɛ a peeɔ jã ngɛ a tsɛ ɔ blɔ tsɔɔmi nya.

Asaf, Yedutun, kɛ Heman sɔmɔɔ ngɛ matsɛ ɔ blɔ tsɔɔmi nya.

7 A kɛ a nyɛminyumu ɔmɛ nɛ a tsɔse mɛ kaa a la ha Yehowa a, a yibɔ ji 288. Mɛ tsuo a he be. 8 Lɔ ɔ he ɔ, mɛ tsuo a fɔ sɔ kɛ gba ní tsumi ɔ ha a he, nɔ nyafii jio, nɔmlɔ ngua jio, nɔ nɛ e he be jio, kaselɔ jio.

9 Kekleekle sɔ ɔ ya nɔ Asaf binyumu Yosef nɔ, nɔ́ nɛ ji enyɔ ɔ ya nɔ Gedalia nɔ (e kɛ e nyɛminyumu ɔmɛ kɛ e binyumu ɔmɛ a yibɔ ji 12); 10 nɔ́ nɛ ji etɛ ɔ ya nɔ Zakur nɔ, e kɛ e binyumu ɔmɛ kɛ e nyɛminyumu ɔmɛ a yibɔ ji 12; 11 nɔ́ nɛ ji eywiɛ ɔ ya nɔ Izri nɔ, e kɛ e binyumu ɔmɛ kɛ e nyɛminyumu ɔmɛ a yibɔ ji 12; 12 nɔ́ nɛ ji enuɔ ɔ ya nɔ Netania nɔ, e kɛ e binyumu ɔmɛ kɛ e nyɛminyumu ɔmɛ a yibɔ ji 12; 13 nɔ́ nɛ ji ekpa a ya nɔ Bukia nɔ, e kɛ e binyumu ɔmɛ kɛ e nyɛminyumu ɔmɛ a yibɔ ji 12; 14 nɔ́ nɛ ji kpaago ɔ ya nɔ Yesharela nɔ, e kɛ e binyumu ɔmɛ kɛ e nyɛminyumu ɔmɛ a yibɔ ji 12; 15 nɔ́ nɛ ji kpaanyɔ ɔ ya nɔ Yeshaya nɔ, e kɛ e binyumu ɔmɛ kɛ e nyɛminyumu ɔmɛ a yibɔ ji 12; 16 nɔ́ nɛ ji nɛɛ ɔ ya nɔ Matania nɔ, e kɛ e binyumu ɔmɛ kɛ e nyɛminyumu ɔmɛ a yibɔ ji 12; 17 nɔ́ nɛ ji nyɔngma a ya nɔ Shimei nɔ, e kɛ e binyumu ɔmɛ kɛ e nyɛminyumu ɔmɛ a yibɔ ji 12; 18 nɔ́ nɛ ji 11 ɔ ya nɔ Azarel nɔ, e kɛ e binyumu ɔmɛ kɛ e nyɛminyumu ɔmɛ a yibɔ ji 12; 19 nɔ́ nɛ ji 12 ɔ ya nɔ Hashabia nɔ, e kɛ e binyumu ɔmɛ kɛ e nyɛminyumu ɔmɛ a yibɔ ji 12; 20 nɔ́ nɛ ji 13 ɔ ya nɔ Shubael nɔ, e kɛ e binyumu ɔmɛ kɛ e nyɛminyumu ɔmɛ a yibɔ ji 12; 21 nɔ́ nɛ ji 14 ɔ ya nɔ Matitia nɔ, e kɛ e binyumu ɔmɛ kɛ e nyɛminyumu ɔmɛ a yibɔ ji 12; 22 nɔ́ nɛ ji 15 ɔ ya nɔ Yeremot nɔ, e kɛ e binyumu ɔmɛ kɛ e nyɛminyumu ɔmɛ a yibɔ ji 12; 23 nɔ́ nɛ ji 16 ya nɔ Hanania nɔ, e kɛ e binyumu ɔmɛ kɛ e nyɛminyumu ɔmɛ a yibɔ ji 12; 24 nɔ́ nɛ ji 17 ɔ ya nɔ Yoshbekasha nɔ, e kɛ e binyumu ɔmɛ kɛ e nyɛminyumu ɔmɛ a yibɔ ji 12; 25 nɔ́ nɛ ji 18 ɔ ya nɔ Hanani nɔ, e kɛ e binyumu ɔmɛ kɛ e nyɛminyumu ɔmɛ a yibɔ ji 12; 26 nɔ́ nɛ ji 19 ɔ ya nɔ Maloti nɔ, e kɛ e binyumu ɔmɛ kɛ e nyɛminyumu ɔmɛ a yibɔ ji 12; 27 nɔ́ nɛ ji 20 ɔ ya nɔ Eliata nɔ, e kɛ e binyumu ɔmɛ kɛ e nyɛminyumu ɔmɛ a yibɔ ji 12; 28 nɔ́ nɛ ji 21 ɔ ya nɔ Hotir nɔ, e kɛ e binyumu ɔmɛ kɛ e nyɛminyumu ɔmɛ a yibɔ ji 12; 29 nɔ́ nɛ ji 22 ɔ ya nɔ Gidalti nɔ, e kɛ e binyumu ɔmɛ kɛ e nyɛminyumu ɔmɛ a yibɔ ji 12; 30 nɔ́ nɛ ji 23 ɔ ya nɔ Mahaziot nɔ, e kɛ e binyumu ɔmɛ kɛ e nyɛminyumu ɔmɛ a yibɔ ji 12; 31 nɔ́ nɛ ji 24 ɔ ya nɔ Romamti Ezer nɔ, e kɛ e binyumu ɔmɛ kɛ e nyɛminyumu ɔmɛ a yibɔ ji 12.

26 Agbo nya buli ɔmɛ a kuu ɔmɛ ji nɛ ɔmɛ nɛ: ngɛ Korabi ɔmɛ a kpɛti ɔ, Meshelemia, Kore binyumu ɔ. E je Asaf binyumu ɔmɛ a kpɛti. 2 Meshelemia binyumuhi ji nɛ ɔmɛ nɛ: Zakaria ji e kekleekle bi, Yediael ji e bi enyɔne, Zebadia ji e bi etɛne, Yatniel ji e bi eywiɛne, 3 Elam ji e bi enuɔne, Yehohanan ji e bi ekpane, Elieho Enai ji e bi kpaagone. 4 Obed Edom binyumuhi ji nɛ ɔmɛ nɛ: Shemaya ji e kekleekle bi, Yehozabad ji e bi enyɔne, Yoa ji e bi etɛne, Saka ji e bi eywiɛne, Netanel ji e bi enuɔne, 5 Amiel ji e bi ekpane, Isakar ji e bi kpaagone, nɛ Peuletai ji e bi kpaanyɔne; ejakaa Mawu jɔɔ lɛ.

6 Nɛ a fɔ binyumuhi kɛ ha e binyumu Shemaya, nɛ a ji nɔ yeli ngɛ a tsɛmɛ a we ɔ, ejakaa a ji nyumuhi katsɛmɛ. 7 Shemaya binyumuhi ji: Otni, Refael, Obed, kɛ Elzabad; nɛ e nyɛminyumuhi nɛ ji Elihu kɛ Semakia hu ji nyumuhi katsɛmɛ. 8 Ni nɛ ɔmɛ tsuo ji Obed Edom binyumuhi; a kɛ a binyumu ɔmɛ, kɛ a nyɛminyumu ɔmɛ ji nyumuhi katsɛmɛ nɛ a he su kɛ ha sɔmɔmi ní tsumi ɔ, Obed Edom we bi ɔmɛ a yibɔ ji 62. 9 Meshelemia ngɛ binyumuhi kɛ nyɛminyumuhi, nyumuhi katsɛmɛ 18. 10 Nɛ Hosa nɛ je Merari binyumu ɔmɛ a kpɛti ɔ ngɛ binyumuhi. Shimri ji a nyatsɛ, e ngɛ mi kaa pi lɛ ji kekleekle bi mohu lɛɛ, se e tsɛ ɔ hla lɛ kaa a nyatsɛ, 11 Hilkia ji nɔ enyɔne, Tebalia ji nɔ etɛne, Zakaria ji nɔ eywiɛne. Hosa binyumu ɔmɛ kɛ e nyɛminyumu ɔmɛ tsuo a yibɔ ji 13.

12 Ngɛ agbo nya buli ɔmɛ a kuu nɛ ɔmɛ a mi ɔ, nyatsɛmɛ ɔmɛ a ní tsumi ɔmɛ ngɛ kaa a nyɛmimɛ ɔmɛ a ní tsumi ɔmɛ nɔuu, a sɔmɔɔ ngɛ Yehowa we ɔ. 13 Lɔ ɔ he ɔ, a fɔ sɔ ngɛ a tsɛmɛ a we ɔmɛ a nya kɛ gba agbo slɔɔto ɔmɛ, nɔ nyafii jio, nɔmlɔ ngua jio. 14 Benɛ a fɔ sɔ ɔ, a ngɔ puje he ɔ kɛ ha Shelemia. Nɛ ngɛ e binyumu Zakaria, nɛ ji ga wolɔ nɛ ngɛ juɛmi ɔ blɔ fa mi ɔ, benɛ a fɔ sɔ ɔ, e ná yiti je. 15 Obed Edom ná woyi je, nɛ a ngɔ nito he ɔmɛ kɛ wo e binyumu ɔmɛ a dɛ. 16 Shupim kɛ Hosa ná pusinɔ he, ngɛ Shaleket Agbo ɔ nɛ ngɛ blɔ ngua a nɛ kuɔ kɛ ho ɔ kasa nya, buli a kuu ngɛ buli a kuu kasa nya; 17 Levibi ekpa ngɛ puje he; ni eywiɛ ngɛ yiti je daa ligbi, nɛ ni eywiɛ ngɛ woyi je daa ligbi; nɛ ngɛ nito he ɔmɛ ɔ, ni enyɔ ngɛ hiɛ, nɛ ni enyɔ ngɛ hiɛ; 18 nɛ ngɛ ablanaa a nɛ ngɛ pusinɔ he ɔ blɔ fa mi ɔ, ni eywiɛ ngɛ blɔ ngua a he, nɛ ni enyɔ ngɛ ablanaa a nɔ. 19 Bɔ nɛ a gba agbo nya buli nɛ a je Korabi ɔmɛ kɛ Meraribi ɔmɛ a binyumu ɔmɛ a kpɛti kɛ wo kuuhi a mi ha a ji nɛ ɔmɛ nɛ.

20 Ngɛ Levibi ɔmɛ a blɔ fa mi ɔ, Ahiya ji nɔ nɛ hyɛɔ anɔkuale Mawu ɔ we ɔ juetli to he ɔmɛ kɛ níhi nɛ a pee mɛ klɔuklɔu* ɔ a to he ɔmɛ a nɔ. 21 Ngɛ Ladan binyumu ɔmɛ, nɛ ji Gershonbi ɔmɛ a binyumu ɔmɛ nɛ a je Ladan mi, nɛ ji a tsɛmɛ a we ɔmɛ a nyatsɛmɛ kɛ ha Ladan, Gershonno ɔ a kpɛti ɔ, Yehieli 22 kɛ Yehieli binyumu ɔmɛ, Zetam kɛ e nyɛminyumu Yoel. Mɛ ji nihi nɛ a hyɛɔ Yehowa we ɔ juetli to he ɔmɛ a nɔ. 23 Ngɛ Amrambi ɔmɛ, Izharbi ɔmɛ, Hebronbi ɔmɛ, kɛ Uzielbi ɔmɛ a kpɛti ɔ, 24 Shebuel, Mose binyumu Gershom binyumu ɔ ji hɛ mi nyɛɛlɔ nɛ hyɛɔ nito he ɔmɛ a nɔ. 25 Ngɛ e nyɛminyumu ɔmɛ, nɛ ji Eliezer binyumu ɔmɛ a kpɛti ɔ, Eliezer binyumu ji Rehabia, Rehabia binyumu ji Yeshaya, Yeshaya binyumu ji Yoram, Yoram binyumu ji Zikri, nɛ Zikri binyumu ji Shelomot. 26 Shelomot nɛ ɔ kɛ e nyɛminyumu ɔmɛ ji nihi nɛ hyɛɔ níhi nɛ a pee mɛ klɔuklɔu ɔ a to he ɔmɛ tsuo a nɔ. Mɛ lɛ a hyɛɔ níhi nɛ Matsɛ David, kɛ a tsɛmɛ a we ɔmɛ a nyatsɛmɛ ɔmɛ, nimli akpehi kɛ nimli lafahi a nya dali ɔmɛ, kɛ tabo ɔ nya dali ɔmɛ pee mɛ klɔuklɔu ɔ a nɔ. 27 A pee ta yibu ní nɛ́ a ha ngɛ ta mi ɔ ekomɛ klɔuklɔu konɛ a kɛ dla Yehowa we ɔ; 28 jehanɛ hu ɔ, mɛ lɛ a hyɛɔ níhi nɛ ní nalɔ Samuel, Saul nɛ ji Kish binyumu ɔ, Abner nɛ ji Ner binyumu ɔ, kɛ Yoab nɛ ji Zeruya binyumu ɔ pee mɛ klɔuklɔu ɔ a nɔ. Nɔ́ fɛɛ nɔ́ nɛ nɔ ko maa pee lɛ klɔuklɔu ɔ, a kɛ woɔ Shelomit* kɛ e nyɛminyumu ɔmɛ a dɛ konɛ a hyɛ nɔ.

29 Ngɛ Izharbi ɔmɛ a kpɛti ɔ, a pee Kenania kɛ e binyumu ɔmɛ nikɔtɔmahi kɛ kojoli ngɛ Israel konɛ a hyɛ kpo nɔ blɔ ní tsumi ɔmɛ a nɔ.

30 Ngɛ Hebronbi ɔmɛ a kpɛti ɔ, Hashabia kɛ e nyɛminyumuhi nɛ́ a ji nyumuhi katsɛmɛ 1,700 ji nihi nɛ a hyɛɔ Israel nɔ ngɛ kpokpa a nɛ ngɛ Yordan Pa a pusinɔ he ɔ nɔ, nɛ mɛ lɛ a tsuɔ Yehowa ní tsumi ɔ tsuo, nɛ a sɔmɔɔ matsɛ ɔ. 31 Ngɛ Hebronbi ɔmɛ a kpɛti ɔ, Yeriya ji Hebronbi ɔmɛ a tsɛmɛ a we ɔ nyatsɛ ngɛ a sisi bimɛ ɔmɛ a nya. Ngɛ David matsɛ yemi jeha nɛ ji 40 ɔ mi ɔ, a hla a mi, nɛ a ná nyumuhi katsɛmɛ ngɛ a kpɛti ngɛ Yazer ngɛ Gilead. 32 Nɛ e nyɛminyumu ɔmɛ a yibɔ ji 2,700, a ji nyumuhi katsɛmɛ, nɛ a ji a tsɛmɛ a we ɔmɛ a nyatsɛmɛ. Lɔ ɔ he ɔ, Matsɛ David ngɔ mɛ kɛ da Rubenbi ɔmɛ, Gadbi ɔmɛ, kɛ Manasebi ɔmɛ a wɛtso fã a nya kaa a hyɛ a nɔ, nɛ a tsuɔ sane fɛɛ sane nɛ kɔɔ anɔkuale Mawu ɔ he kɛ sane fɛɛ sane nɛ kɔɔ matsɛ ɔ he ɔ he ní.

27 Israelbi ɔmɛ, nɛ ji a tsɛmɛ a we ɔmɛ a nyatsɛmɛ ɔmɛ, nimli akpehi kɛ nimli lafahi a nya dali ɔmɛ, kɛ a nikɔtɔma amɛ nɛ a sɔmɔɔ matsɛ ɔ, nɛ́ a tsuɔ kuu ɔmɛ nɛ a baa nɛ a yaa daa nyɔhiɔ ngɛ jeha a mi tsuo ɔ, a sane fɛɛ sane he ní ɔ, a yibɔ ji nɛ ɔ nɛ; nihi 24,000 lɛ ngɛ kuu fɛɛ kuu mi.

2 Nɔ nɛ hyɛɔ kekleekle kuu ɔ nɛ ba sɔmɔɔ ngɛ kekleekle nyɔhiɔ ɔ mi ɔ nɔ ji Yashobeam, nɛ ji Zabdiel binyumu ɔ, nɛ nihi 24,000 lɛ ngɛ e kuu ɔ mi. 3 Ngɛ Perez binyumu ɔmɛ a kpɛti ɔ, lɛ ji kuu ɔmɛ nɛ a sɔmɔɔ ngɛ kekleekle nyɔhiɔ ɔ mi ɔ a nya dali ɔmɛ tsuo a nyatsɛ. 4 Nɔ nɛ hyɛɔ kuu ɔ nɛ ba sɔmɔɔ ngɛ nyɔhiɔ nɛ ji enyɔne ɔ mi ɔ ji Dodai, Ahohino ɔ, kɛ e kuu ɔ, nɛ Miklot ji a hɛ mi nyɛɛlɔ, nɛ nihi 24,000 lɛ ngɛ e kuu ɔ mi. 5 Kuu nɛ ji etɛ ɔ nɛ ba sɔmɔɔ ngɛ nyɔhiɔ etɛne ɔ mi ɔ nya dalɔ ji Benaya, nɛ ji osɔfo nɔkɔtɔma Yehoyada binyumu ɔ, nɛ nihi 24,000 lɛ ngɛ e kuu ɔ mi. 6 Benaya nɛ ɔ ji tatsɛ nɛ he wa ngɛ nimli nyingmi etɛ ɔmɛ a kpɛti, nɛ lɛ nɛ e hyɛɔ nimli nyingmi etɛ ɔmɛ a nɔ, nɛ e binyumu Amizabad ji nɔ nɛ hyɛɔ e kuu ɔ nɔ. 7 Nɔ nɛ ji eywiɛ nɛ a hla kɛ ha nyɔhiɔ nɛ ji eywiɛ ɔ ji Asahel, Yoab nyɛminyumu ɔ, nɛ e binyumu Zebadia lɛ yeɔ e se, nɛ nihi 24,000 lɛ ngɛ e kuu ɔ mi. 8 Nya dalɔ nɛ ji enuɔ nɛ a hla kɛ ha nyɔhiɔ nɛ ji enuɔ ɔ ji Shamhut, Izrahino ɔ, nɛ nihi 24,000 lɛ ngɛ e kuu ɔ mi. 9 Nɔ nɛ ji ekpa nɛ a hla kɛ ha nyɔhiɔ nɛ ji ekpa a ji Ira, Tekoano Ikesh binyumu ɔ, nɛ nihi 24,000 lɛ ngɛ e kuu ɔ mi. 10 Nɔ nɛ ji kpaago nɛ a hla kɛ ha nyɔhiɔ nɛ ji kpaago ɔ ji Helez, Pelonno ɔ nɛ je Efraimbi ɔmɛ a kpɛti ɔ, nɛ nihi 24,000 lɛ ngɛ e kuu ɔ mi. 11 Nɔ nɛ ji kpaanyɔ nɛ a hla kɛ ha nyɔhiɔ nɛ ji kpaanyɔ ɔ ji Sibekai, Hushano ɔ nɛ je Zerabi ɔmɛ a kpɛti ɔ, nɛ nihi 24,000 lɛ ngɛ e kuu ɔ mi. 12 Nɔ nɛ ji nɛɛ nɛ a hla kɛ ha nyɔhiɔ nɛ ji nɛɛ ɔ ji Abiezer, Anatotno ɔ nɛ je Benyaminbi ɔmɛ a kpɛti ɔ, nɛ nihi 24,000 lɛ ngɛ e kuu ɔ mi. 13 Nɔ nɛ ji nyɔngma nɛ a hla kɛ ha nyɔhiɔ nɛ ji nyɔngma a ji Maharai, Netofano ɔ nɛ je Zerabi ɔmɛ a kpɛti ɔ, nɛ nihi 24,000 lɛ ngɛ e kuu ɔ mi. 14 Nɔ nɛ ji 11 nɛ a hla kɛ ha nyɔhiɔ nɛ ji 11 ɔ ji Benaya, Piratonno nɛ je Efraim binyumu ɔmɛ a kpɛti ɔ, nɛ nihi 24,000 lɛ ngɛ e kuu ɔ mi. 15 Nɔ nɛ ji 12 nɛ a hla kɛ ha nyɔhiɔ nɛ ji 12 ɔ ji Heldai, Netofano ɔ nɛ je Otniel binyumu ɔmɛ a kpɛti ɔ, nɛ nihi 24,000 lɛ ngɛ e kuu ɔ mi.

16 Israel wɛtso ɔmɛ a hɛ mi nyɛɛli ɔmɛ ji nɛ ɔmɛ nɛ: Ngɛ Rubenbi ɔmɛ a kpɛti ɔ, Eliezer, nɛ ji Zikri binyumu ɔ ji a hɛ mi nyɛɛlɔ; ngɛ Simeonbi ɔmɛ a kpɛti ɔ, Shefatia, Maaka binyumu ɔ; 17 ngɛ Levibi ɔmɛ a kpɛti ɔ, Hashabia, Kemuel binyumu ɔ; ngɛ Aaronbi ɔmɛ a kpɛti ɔ, Zadok; 18 ngɛ Yudabi ɔmɛ a kpɛti ɔ, Elihu, nɛ ji David nyɛminyumu ɔmɛ a ti nɔ kake; ngɛ Isakarbi ɔmɛ a kpɛti ɔ, Omri, Mikael binyumu ɔ; 19 ngɛ Zebulunbi ɔmɛ a kpɛti ɔ, Ishmaya, nɛ ji Obadia binyumu ɔ; ngɛ Naftalibi ɔmɛ a kpɛti ɔ, Yerimot, Azriel binyumu ɔ; 20 ngɛ Efraimbi ɔmɛ a kpɛti ɔ, Hoshea, Azazia binyumu ɔ; ngɛ Manase wɛtso fã a mi ɔ, Yoel, Pedaya binyumu ɔ; 21 ngɛ Manase wɛtso fã a nɛ ngɛ Gilead ɔ mi ɔ, Ido, Zakaria binyumu ɔ; ngɛ Benyaminbi ɔmɛ a kpɛti ɔ, Yaasiel, Abner binyumu ɔ; 22 ngɛ Danbi ɔmɛ a kpɛti ɔ, Azarel, Yeroham binyumu ɔ. Ni nɛ ɔmɛ ji Israel wɛtso ɔmɛ a mi nikɔtɔmahi.

23 David kane we nihi nɛ a ye jeha 20 kɛ ni nɛmɛ nɛ a sui jã a, ejakaa Yehowa wo si kaa e ma ha nɛ Israel he maa hiɛ babauu kaa hiɔwe dodoehi. 24 Yoab, nɛ ji Zeruya binyumu ɔ bɔni mɛ kanemi, se e gbi nya; nɛ Mawu we abofu ba Israel nɔ* ngɛ enɛ ɔ he je, nɛ a ngɔɛ yibɔ nɛ a ná a kɛ piɛɛ we Matsɛ David be ɔ mi yi nɔ sane amaniɛ bɔmi ɔ he.

25 Nɔ nɛ hyɛɔ matsɛ ɔ juetli to he ɔmɛ a nɔ ji Azmavet, Adiel binyumu ɔ. Yonatan, nɛ ji Uziah binyumu ɔ lɛ hyɛɔ nito he* ɔmɛ nɛ a ngɛ ngmɔ ɔmɛ, ma amɛ, kɔpe ɔmɛ, kɛ mɔ ɔmɛ a mi ɔ nɔ. 26 Nɔ nɛ hyɛɔ ní tsuli nɛ a huɔ ngmɔ ɔ a nɔ ɔ ji Ezri, Kelub binyumu ɔ. 27 Nɔ nɛ hyɛɔ wai ngmɔ ɔmɛ a nɔ ji Shimei, Ramano ɔ; nɔ nɛ hyɛɔ wai yiblii nɛ a kɛ peeɔ wai ɔ nɔ ji Zabdi, Shifmino ɔ. 28 Nɔ nɛ hyɛɔ oliv ngmɔ ɔmɛ kɛ sikamore tso ɔmɛ nɛ a ngɛ Shefela a nɔ ji Baal Hanan, Gederno ɔ; nɔ nɛ hyɛɔ nu to he ɔmɛ a nɔ ji Yoash. 29 Nɔ nɛ hyɛɔ na amɛ nɛ a yeɔ ní ngɛ Sharon ɔ nɔ ji Shitrai, Sharonno ɔ, nɛ nɔ nɛ hyɛɔ na amɛ nɛ a ngɛ dɔ ɔ mi ɔ a nɔ ji Shafat, Adlai binyumu ɔ. 30 Nɔ nɛ hyɛɔ afukpɔngɔ ɔmɛ a nɔ ji Obil, Ishmaelno ɔ; nɔ nɛ hyɛɔ teji yi ɔmɛ a nɔ ji Yedeya, Meronotno ɔ. 31 Nɔ nɛ hyɛɔ to kuu ɔmɛ a nɔ ji Yaziz, Hagrino ɔ. Ni nɛ ɔmɛ tsuo ji Matsɛ David weto ní ɔmɛ a nya dali.

32 Yonatan, nɛ ji David nyɛmi binyumu ɔ ji ga wolɔ, nɛ e ji nyumu nɛ nuɔ nɔ́ sisi, nɛ e ji womi ngmalɔ hulɔ, nɛ Yehiel, Hakmoni binyumu ɔ hyɛɛ matsɛ ɔ binyumu ɔmɛ a nɔ. 33 Ahitofel ji matsɛ ɔ ga wolɔ, nɛ Hushai, Arkino ɔ ji matsɛ ɔ huɛ.* 34 Ngɛ Ahitofel se ɔ, Yehoyada, nɛ ji Benaya binyumu ɔ, kɛ Abiatar; nɛ Yoab ji matsɛ ɔ tabo ɔ nya dalɔ.

28 Lɔ ɔ se ɔ, David kpee Israel ma nikɔtɔma amɛ tsuo kɛ ba Yerusalem: wɛtso ɔmɛ a mi nikɔtɔma amɛ, kuu ɔmɛ nɛ a sɔmɔɔ matsɛ ɔ a nya dali ɔmɛ, nimli akpehi kɛ nimli lafahi a nya dali ɔmɛ, nya dali nɛ a hyɛɔ matsɛ ɔ kɛ e binyumu ɔmɛ a weto ní kɛ a lohwehi tsuo a nɔ ɔ, kɛ matsɛ we ɔ mi nikɔtɔma amɛ kɛ nyumu fɛɛ nyumu nɛ e ji katsɛ ɔ. 2 Kɛkɛ nɛ Matsɛ David te da e nane nɔ, nɛ e de ke:

“Ye nyɛmimɛ nyumuhi kɛ ye we bi, nyɛɛ bu mi tue. Ngɛ ye tsui mi ɔ, jinɛ i suɔ kaa ma ma we nɛ́ maa pee he jɔɔmi he kɛ ha Yehowa somi daka a, kɛ nɔ́ nɛ wa Mawu ɔ kɛ e nane maa ma nɔ, nɛ i dla níhi kɛ to kɛ ha we ɔ mami. 3 Se anɔkuale Mawu ɔ de mi ke, ‘O be we mae kɛ ha ye biɛ ɔ, ejakaa o hwu tahi, nɛ o pue muɔ si.’ 4 Se Yehowa, Israel Mawu ɔ hla mi ngɛ ye tsɛ we ɔ konɛ ma ba pee matsɛ, nɛ ma ye Israel nɔ kɛ ya neneene, ejakaa e hla Yuda kaa hɛ mi nyɛɛlɔ, nɛ ngɛ Yuda we ɔ, e hla ye tsɛ we ɔ, nɛ ngɛ ye tsɛ ɔ binyumu ɔmɛ a kpɛti ɔ, imi ji nɔ nɛ e bua jɔ e he, nɛ e wo mi matsɛ konɛ ma ye Israel tsuo nɔ. 5 Yehowa ha mi binyumuhi babauu, nɛ ngɛ ye binyumu ɔmɛ tsuo a kpɛti ɔ, e hla ye binyumu Salomo konɛ e hi Yehowa matsɛ yemi sɛ ɔ nɔ nɛ́ e ye Israel nɔ.

6 “E de mi ke, ‘O binyumu Salomo ji nɔ nɛ maa ma ye we ɔ, kɛ ye yale ɔmɛ, ejakaa i hla lɛ kaa ye binyumu, nɛ ma pee e tsɛ. 7 Ke e fia e pɛɛ si kaa e maa ye ye kita amɛ kɛ ye fami ɔmɛ a nɔ kaa bɔ nɛ e ngɛ pee amlɔ nɛ ɔ, ma ha nɛ e matsɛ yemi ɔ maa ma si kpɛii kɛ ya neneene.’ 8 Lɔ ɔ he ɔ, i ngɛ nɔ́ nɛ ɔ dee ngɛ Israel tsuo, nɛ ji Yehowa asafo ɔ hɛ mi, kɛ wa Mawu ɔ hɛ mi ke: Nyɛ hla Yehowa, nyɛ Mawu ɔ kita amɛ tsuo a se blɔ, nɛ nyɛɛ ye a nɔ sisiisi, konɛ zugba kpakpa a nɛ pee nyɛ nɔ́, nɛ nyɛ kɛ ha nyɛ binyumuhi nɛ a maa ba ngɛ nyɛ se ɔ kaa gbosi ní kɛ ya neneene.

9 “Nɛ mo ye binyumu Salomo, moo le o tsɛ ɔ Mawu ɔ, nɛ o sɔmɔ lɛ kɛ o tsui tsuo, nɛ o je o suɔmi mi hu kɛ sɔmɔ lɛ,* ejakaa Yehowa hlaa tsuihi tsuo a mi, nɛ e naa susumi fɛɛ susumi nɛ ngɛ juɛmi ɔ mi. Ke o hla e se blɔ ɔ, e ma ha nɛ o na lɛ, se ke o je e he ɔ, e ma kua mo kɛ ya neneene. 10 Hyɛ, amlɔ nɛ ɔ, Yehowa hla mo kaa o ma we nɛ a kɛ maa pee jami he. Moo pee kã, nɛ o ya tsu ní.”

11 Kɛkɛ nɛ David ngɔ foni ɔ nɛ a maa hyɛ nɔ kɛ ma ablanaa kɛ e he we ɔmɛ, nito he tsu ɔmɛ, hiɔwe tsu ɔmɛ, se tsu ɔmɛ, kɛ kpatami we* ɔ kɛ ha e binyumu Salomo. 12 E ngɔ foni ɔ nɛ a maa hyɛ nɔ kɛ pee nɔ́ fɛɛ nɔ́ nɛ a je kɛ tsɔɔ lɛ ngɛ nina mi* kɛ kɔ Yehowa we ɔ yale ɔmɛ, ní yemi tsuhi tsuo nɛ bɔle lɛ ɔ, anɔkuale Mawu ɔ we ɔ juetli to he ɔmɛ, kɛ níhi nɛ a pee mɛ klɔuklɔu* ɔ a to he ɔmɛ a he ɔ kɛ ha lɛ; 13 jehanɛ hu ɔ, e kɛ Levibi ɔmɛ kɛ osɔfo ɔmɛ nɛ a gba a mi kɛ wo kuuhi a mi ɔ, ní tsumi nɛ a ma tsu ngɛ Yehowa we ɔ, kɛ níhi tsuo nɛ a kɛ ma sɔmɔ ngɛ Yehowa we ɔ he blɔ tsɔɔmi ha lɛ; 14 jehanɛ hu ɔ, e tsɔɔ lɛ sika tsu ɔ, nɛ ji sika tsu nɛ a kɛ maa pee níhi nɛ a kɛ ma tsu sɔmɔmi ní tsumi slɔɔto ɔmɛ a jiɔmi, kɛ sika hiɔ níhi tsuo a jiɔmi, nɛ e tsɔɔ lɛ níhi tsuo nɛ a kɛ ma tsu sɔmɔmi ní tsumi slɔɔto ɔmɛ hulɔ; 15 jehanɛ hu ɔ, e tsɔɔ lɛ sika tsu kane tso ɔmɛ kɛ a sika tsu kane ɔmɛ a jiɔmi, kane tso slɔɔto ɔmɛ kɛ a kane ɔmɛ a jiɔmi, kɛ sika hiɔ kane tso ɔmɛ a jiɔmi, ngɛ kane tso fɛɛ kane tso kɛ e kane ɔmɛ a ní tsumi nya; 16 jehanɛ hu ɔ, e tsɔɔ lɛ sika tsu nɛ a kɛ maa pee hɛ mi mami abolo* okplɔɔ ɔmɛ ɔ eko fɛɛ eko jiɔmi, kɛ sika hiɔ nɛ a kɛ maa pee sika hiɔ okplɔɔ ɔmɛ, 17 kɛ fɔɔki ɔmɛ, tsesi ɔmɛ, kplu ngua amɛ nɛ a kɛ sika tsu ngmingmiingmi pee ɔ, kɛ sika tsu tsesi tsɔwi ɔmɛ eko fɛɛ eko jiɔmi, kɛ sika hiɔ tsesi tsɔwi ɔmɛ eko fɛɛ eko jiɔmi. 18 Jehanɛ hu ɔ, e tsɔɔ sika tsu nɛ a tsu he nɛ a kɛ maa pee afɔle sami latɛ nɛ a maa sã tsopa kɛ e he via ngɛ nɔ ɔ, kɛ nɔ́ nɛ daa si kɛ ha zugba lɛ ɔ, nɛ ji sika tsu kerub ɔmɛ nɛ a gbɛ a pɛlihi a mi kɛ ha Yehowa somi daka a nɔ ɔ a jiɔmi. 19 David de ke: “Yehowa nine ngɛ ye nɔ, nɛ e ha mi nɔ́ se kɔmi konɛ ma ngma tsu ɔ he níhi tsuo fitsofitso kɛ fɔ si.”

20 Kɛkɛ nɛ David de e binyumu Salomo ke: “Moo pee kã, nɛ o he nɛ wa, nɛ o ya tsu ní. Koo ye gbeye, nɛ koo nu sawale hulɔ, ejakaa Yehowa Mawu, nɛ ji ye Mawu ɔ kɛ mo ngɛ. E be mo sie, nɛ e be mo kuae, mohu ɔ, e maa piɛɛ o he kɛ ya si be nɛ o maa gbe Yehowa we ɔ sɔmɔmi ní tsumi ɔ tsuo nya. 21 Nɛ hyɛ, osɔfo ɔmɛ kɛ Levibi ɔmɛ a kuu ɔmɛ nɛ a ma tsu anɔkuale Mawu ɔ we ɔ sɔmɔmi ní tsumi ɔ tsuo ɔ ji nɛ ɔ nɛ. O ngɛ ga ní tsuli nɛ a suɔ kaa a ma tsu sɔmɔmi ní tsumi saisaa, kɛ ma nikɔtɔmahi kɛ ma a tsuo nɛ a maa ye blɔ tsɔɔmihi tsuo nɛ o ma ha mɛ ɔ nɔ.”

29 Jehanɛ ɔ, Matsɛ David de asafo ɔ tsuo ke: “Ye binyumu Salomo, nɔ nɛ Mawu hla a wɛ, nɛ e be níhi a si kpami,* nɛ ní tsumi ɔ kle, ejakaa sɔlemi we* ɔ nɛ a maa ma a, pi adesa ko nɔ́, mohu ɔ, Yehowa Mawu nɔ́. 2 Nɛ i bɔ mɔde wawɛɛ nɛ i bua níhi a nya konɛ a kɛ ma ye Mawu ɔ we ɔ; sika tsu nɛ a kɛ ma tsu sika tsu ní tsumi ɔmɛ, sika hiɔ nɛ a kɛ ma tsu sika hiɔ ní tsumi ɔmɛ, akɔblee nɛ a kɛ ma tsu akɔblee ní tsumi ɔmɛ, dade nɛ a kɛ ma tsu dade ní tsumi ɔmɛ, tsohi nɛ a kɛ ma tsu tso ní tsumi ɔmɛ, oniks tɛhi, kɛ tɛhi nɛ a kɛ mɔɔta maa fia, tɛ tsɔwitsɔwihi nɛ a ngɛ fɛu nɛ a kɛ tɛniɔ níhi, tɛ saisaa nɛ he jua wa, kɛ alabastro tɛhi babauu. 3 Jehanɛ hu ɔ, akɛnɛ ye bua jɔ ye Mawu ɔ we ɔ he he je ɔ, i kɛ imi nitsɛ ye sika tsu kɛ ye sika hiɔ ngɛ hae konɛ a kɛ ma ye Mawu ɔ we ɔ, kɛ piɛɛ níhi tsuo nɛ i dla kɛ to kɛ ha we klɔuklɔu ɔ mami ɔ he. 4 I ha sika tsu nɛ je Ofir talɛnt* 3,000, kɛ sika hiɔ nɛ a tsu he talɛnt 7,000 konɛ a kɛ ha gbogbo ɔmɛ a he ngɛ we ɔmɛ a mi, 5 sika tsu nɛ a kɛ ma tsu sika tsu ní tsumi ɔmɛ, kɛ sika hiɔ nɛ a kɛ ma tsu sika hiɔ ní tsumi ɔmɛ, kɛ nɔ́ nɛ a kɛ ma tsu ní tsumihi tsuo nɛ ga ní tsuli ɔmɛ ma tsu ɔ. Amlɔ nɛ ɔ, mɛnɔ suɔ kaa e maa je e tsui mi faa nɛ e ke Yehowa ní mwɔnɛ ɔ?”

6 Lɔ ɔ he ɔ, a tsɛmɛ a we ɔmɛ a mi nikɔtɔma amɛ, Israel wɛtso ɔmɛ a mi nikɔtɔma amɛ, nimli akpehi kɛ nimli lafahi a nya dali ɔmɛ, kɛ matsɛ ɔ ní tsumihi a nya dali ɔmɛ je a tsui mi faa nɛ a ba. 7 Nɛ a ha ní nɛ ɔmɛ konɛ a kɛ tsu anɔkuale Mawu ɔ we ɔ sɔmɔmi ní tsumi ɔ: sika tsu talɛnt 5,000, darik* 10,000, sika hiɔ talɛnt 10,000, akɔblee talɛnt 18,000, kɛ dade talɛnt 100,000. 8 Nɔ fɛɛ nɔ nɛ ngɛ tɛ nɛ he jua wa a ngɔ kɛ ya Yehowa we ɔ juetli to he ɔ. Yehiel, Gershonno ɔ ji nɔ nɛ hyɛɔ juetli to he ɔ nɔ. 9 Ni ɔmɛ nya ngɛ afɔlehi nɛ a je a tsui mi faa kɛ ha a he je, ejakaa a kɛ a tsui tsuo lɛ ha Yehowa afɔlehi nɛ je tsui mi faa nɛ ɔ nɛ, nɛ Matsɛ David hu nya wawɛɛ nitsɛ.

10 Kɛkɛ nɛ David je Yehowa yi ngɛ asafo ɔ tsuo hɛ mi. David de ke: “Oo wa tsɛ Yehowa, Israel Mawu, a je o yi kɛ ya neneene.* 11 Oo Yehowa, o kle, nɛ o nɔ́ ji he wami ɔ, kɛ afɛu ɔ, kɛ hɛ mi nyami ɔ, kɛ agboje* ɔ, ejakaa nɔ́ fɛɛ nɔ́ nɛ ngɛ hiɔwe kɛ zugba a nɔ ɔ, o nɔ́. Oo Yehowa, o nɔ́ ji matsɛ yemi ɔ nɛ. Mo ji Nɔ nɛ wo e he nɔ gojoo kaa yi kɛ ha níhi tsuo ɔ nɛ. 12 Ní nami kɛ hɛ mi nyami jeɔ o ngɔ, nɛ o yeɔ nɔ́ fɛɛ nɔ́ nɔ, nɛ he wami kɛ nyɛmi ngɛ o dɛ, nɛ o nyɛɔ peeɔ nihi tsuo nimli nguahi, nɛ o haa mɛ he wami. 13 Nɛ amlɔ nɛ ɔ, Oo wa Mawu, wa ngɛ mo si nae, nɛ wa ngɛ o biɛ nɛ hɛ mi ngɛ nyami ɔ yi jee.

14 “Se kɛ̃ ɔ, mɛnɔ ji mi, nɛ mɛnɔmɛ ji ye we bi ɔmɛ nɛ e sa kaa wa nyɛ nɛ wa ha afɔlehi nɛ je tsui mi faa kikɛ nɛ ɔ? Ejakaa nɔ́ fɛɛ nɔ́ je o ngɔ, nɛ nɔ́ nɛ wa ná kɛ je mo nitsɛ o dɛ ɔ lɛ waa kɛ ba ha mo ɔ nɛ. 15 Ejakaa wa ji nibwɔhi kɛ blɔ hiali ngɛ o hɛ mi kaa bɔ nɛ e ji ngɛ wa nɛmɛ ɔmɛ tsuo a blɔ fa mi ɔ. Ejakaa ligbihi nɛ wa yeɔ ngɛ zugba a nɔ ɔ ngɛ kaa nini, hɛnɔkami ko be. 16 Oo Yehowa wa Mawu, ní nɛ ɔmɛ tsuo nɛ wa dla kɛ to konɛ a kɛ ma we kɛ ha o biɛ klɔuklɔu ɔ, mo nitsɛ o dɛ lɛ wa ná kɛ je, nɛ o níhi ji ní nɛ ɔmɛ tsuo. 17 Oo ye Mawu, i le heii kaa o hyɛɔ tsui mi, nɛ o bua jɔ anɔkuale yemi* he. I kɛ tsui nɛ da* lɛ ke mo ní nɛ ɔmɛ tsuo faa a nɛ, nɛ ye bua jɔ wawɛɛ kaa i na kaa o we bi nɛ a ngɛ hiɛ ɔ hu ha mo afɔlehi nɛ je tsui mi faa. 18 Oo Yehowa, wa nɛmɛ Abraham, Isak, kɛ Israel a Mawu, mo ha nɛ suɔmi kɛ susumi nɛ o we bi ɔmɛ ná nɛ ɔ nɛ hi a tsui mi kɛ ya neneene, nɛ́ o dɔ a tsui kɛ ba o ngɔ. 19 Nɛ́ o ha nɛ ye binyumu Salomo nɛ ngɔ e tsui tsuo kɛ ha mo, konɛ e ye o kita amɛ, o kaimi ɔmɛ, kɛ o blɔ tsɔɔmi ɔmɛ a nɔ, nɛ́ e pee ní nɛ ɔmɛ tsuo, nɛ́ e ma sɔlemi we* ɔ nɛ i dla níhi kɛ to kaa a kɛ ma a.”

20 Kɛkɛ nɛ David de asafo ɔ tsuo ke: “Amlɔ nɛ ɔ, nyɛ je Yehowa, nyɛ Mawu ɔ yi.” Nɛ asafo ɔ tsuo je Yehowa, a nɛmɛ a Mawu ɔ yi, nɛ a kplã si, nɛ a ngɔ a hɛ mi kɛ bu si ha Yehowa kɛ matsɛ ɔ. 21 Nɛ a ya nɔ nɛ a sã afɔlehi kɛ ha Yehowa, nɛ e nɔ jena a, a sã sami afɔlehi kɛ ha Yehowa. A sã na ku wawi 1,000, agbosu 1,000, kɛ jijɔ ku wawi 1,000, kɛ a he dã afɔlehi; a sã afɔlehi babauu kɛ ha Israel tsuo. 22 A ya nɔ nɛ a ye ní, nɛ a nu ní, nɛ a nya wawɛɛ ngɛ Yehowa hɛ mi jamɛ a ligbi ɔ, nɛ a wo David binyumu Salomo matsɛ si enyɔne, nɛ a pɔ lɛ nu ngɛ Yehowa hɛ mi kaa hɛ mi nyɛɛlɔ, nɛ a pɔ Zadok hu nu kaa osɔfo. 23 Nɛ Salomo hi Yehowa matsɛ sɛ ɔ nɔ kaa matsɛ ngɛ e tsɛ David nane mi, nɛ e ye manye, nɛ Israelbi ɔmɛ tsuo bu lɛ tue. 24 Ma nikɔtɔma amɛ tsuo, kɛ tatsɛmɛ nɛ a he wa a, kɛ Matsɛ David binyumu ɔmɛ tsuo ba a he si ha Matsɛ Salomo. 25 Nɛ Yehowa pee Salomo nɔmlɔ ngua nitsɛnitsɛ ngɛ Israel tsuo hɛ mi, nɛ e ha nɛ e matsɛ yemi ɔ hɛ mi ba nyami pe Israel matsɛmɛ nɛ a sɛ e hlami ɔ.

26 David, Yese* binyumu ɔ ye Israel tsuo nɔ matsɛ, 27 nɛ jeha* abɔ nɛ e kɛ ye Israel nɔ ji jeha 40. E hi Hebron kɛ ye nɔ jeha 7, nɛ e hi Yerusalem kɛ ye nɔ jeha 33. 28 Nɛ e wa saminya loko e gbo, nɛ ligbihi fuu nɛ e ye,* kɛ ní nɛ e ná, kɛ e hɛ mi nɛ ba nyami ɔ ha nɛ e tsui nɔ e mi; nɛ e binyumu Salomo ba ye matsɛ ngɛ e se. 29 Matsɛ David he sane, kɛ je sisije kɛ ya si nyagbe ɔ, a ngma ngɛ ní nalɔ Samuel, gbalɔ Natan, kɛ ní nalɔ Gad a womi ɔmɛ a mi, 30 nɛ a ngma e matsɛ yemi ɔ mi sanehi tsuo, e he wami ɔ, kɛ níhi nɛ ya nɔ kɛ kɔ e kɛ Israel kɛ matsɛ yemihi tsuo nɛ bɔle lɛ ɔ a he ɔ hu kɛ piɛɛ he.