Jami
Mɛnɔ pɛ nɛ e sa kaa wa ja?
2Mo 34:14; 5Mo 5:8-10; Yes 42:8
Baiblo mi nɔ hyɛmi níhi nɛ maa ye bua wɔ:
Mat 4:8-10—Satan de Yesu kaa ke e kplã si nɛ e ja lɛ ɔ, e maa ngɔ matsɛ yemihi tsuo ngɛ je ɔ mi ɔ kɛ ha lɛ; Yesu kua e ní bimi ɔ ejakaa e suɔ kaa e ma ja Yehowa pɛ
Kpj 19:9, 10—Bɔfo he walɔ ko kplɛɛ we kaa kaselɔ Yohane nɛ ja lɛ
Kɛ Yehowa suɔ nɛ a ja lɛ ha kɛɛ?
Baiblo mi nɔ hyɛmi níhi nɛ maa ye bua wɔ:
Yes 1:10-17—Yehowa bua jɔɛ nihi nɛ a sume kaa a kɛ e mlaa amɛ ma tsu ní nɛ a peeɔ osato ngɛ e jami mi ɔ a he
Mat 15:1-11—Yesu tsɔɔ kaa Yehowa sume kaa waa da adesahi a kusumihi a nɔ kɛ ja lɛ, mohu ɔ, waa da e mlaa amɛ a nɔ
Mɛnɔmɛ nɛ e sa kaa waa kɛ mɛ nɛ bla kɛ ja Yehowa?
Moo hyɛ La 133:1-3 ɔ hulɔ
Baiblo mi nɔ hyɛmi níhi nɛ maa ye bua wɔ:
Nít 2:40-42—Ngɛ kaseli ɔmɛ a be ɔ mi ɔ, Kristofo ɔmɛ buaa a he nya nɛ a sɔleɔ, a kɛ a sibi bɔɔ nɛ a kaseɔ ní
1Ko 14:26-40—Bɔfo Paulo kɛ blɔ tsɔɔmi ha kaa asafo mi kpehi nɛ ya nɔ ngɛ blɔ nya tomi nya nɛ e wo nɔ he wami hulɔ bɔ nɛ pee nɛ nɔ fɛɛ nɔ nɛ maa ba lejɛ ɔ nɛ nu nɔ́ nɛ a ngɛ tsɔɔe ɔ sisi
Mɛni e sa kaa waa pee konɛ Mawu nɛ kplɛɛ wa jami nɔ?
Baiblo mi nɔ hyɛmi níhi nɛ maa ye bua wɔ:
Heb 11:6—Bɔfo Paulo tsɔɔ kaa wa hia hemi kɛ yemi loko wa ma nyɛ ma ja Yehowa saminya
Yak 2:14-17, 24-26—Yakobo nɛ ji Yesu nyɛmi ɔ tsɔɔ kaa ke ní tsumi piɛɛ wa hemi kɛ yemi ɔ he ɔ, lɔ ɔ tsɔɔ kaa wa ngɛ wa hemi kɛ yemi ɔ nya ní tsue