Bɔ nɛ o ma ná Baiblo mi ní kasemi nɛ ɔmɛ a he se ha
Mo bi nɛ a ye bua mo kɛ kase: Mo de nɔ nɛ ha mo womiyo nɛ ɔ nɛ e kɛ mo nɛ ba kase Baiblo ɔ, aloo moo ngma kɛ bi ngɛ wa wɛbsaiti nɛ ji jw.org ɔ nɔ konɛ a kɛ mo nɛ ba kase Baiblo ɔ.
KEKLEEKLE FÃ
Moo kane kuku ɔmɛ, kɛ sane bimihi nɛ a kɛ ningma agboagbo ngma a (A) kɛ ngmami ɔmɛ (B) nɛ maa oti ɔmɛ a nɔ mi ɔ. O maa na nɛ́ a kadi ngmami ɔ ekomɛ kaa o “kane.”
FÃ ENYƆNE
Munyu nɛ ngɛ (D) Moo Kase Babauu blɔ he ɔ maa tsɔɔ mo níhi nɛ ma tsa nɔ. Munyuyi nyafinyafi ɔmɛ (E) tsɔɔ nɔ́ nɛ a ma susu he. Kane ngmami ɔmɛ, konɛ o ha sane bimi ɔmɛ a heto, nɛ́ o hyɛ video ɔmɛ (Ɛ).
Mo susu foni ɔmɛ kɛ ningma nɛ́ ngɛ a sisi ɔmɛ a he (F), nɛ o susu bɔ nɛ o ma ha munyu nɛ ngɛ Ni Komɛ Deɔ Ke blɔ he ɔ heto ha (G).
NYAGBE FÃ
Nya Mwɔmi kɛ Mi Nylɔmi (H) blɔ he ɔ mwɔɔ ní kasemi ɔ nya. Moo ngma be nɛ o gbe jamɛ a ní kasemi ɔ nya a kɛ fɔ si. Nɔ́ Nɛ O Ma Tsu He Ní (I) blɔ he ɔ tsɔɔ nɔ́ ko nɛ e sa kaa o tsu he ní. Ní Kpahi Nɛ Maa Ye Bua Mo (J) blɔ he ɔ tsɔɔ ní kpahi nɛ o ma nyɛ maa kane loo o ma nyɛ maa hyɛ.
Bɔ nɛ o ma plɛ kɛ bli Baiblo ngmami ɔmɛ ha
Ngmamihi nɛ a tsɛ se ɔmɛ tsɔɔ mo Baiblo womi ɔ (A), yi (B), kɛ kuku loo kukuhi (D). Kaa nɔ hyɛmi nɔ́ ɔ, Yohane 17:3 tsɔɔ Yohane womi ɔ, yi 17, kuku 3.