Nɔ Sisimi​—Anɛ E Se Maa Po Ligbi Ko Lo?

YI MI TOMI NƐ MUNYUHI NƐ A MAA KASE Ɔ HƐƐ

MUNYU NƐ A MAA KASE 1 BAFA 8-12

Matsɛ David nɛ hi si ngɛ blema Israel ɔ ná bumi nɛ mi kuɔ kɛ ha Yehowa biɛ ɔ kɛ e yi mi tomi. E le sisi tomi mlaahi nɛ ngɛ Mawu Mlaa a mi hulɔ nɛ e sɔle konɛ Mawu nɛ tsɔɔ lɛ bɔnɛ e maa pee e suɔmi nya ní ha. Wa ma susu enɛ ɔmɛ a he ngɛ munyu nɛ ɔ mi, nɛ wa maa na nɔ́ heje nɛ e sa kaa waa pee Mawu suɔmi nya ní be tsuaa be ɔ.

MUNYUHI NƐ A MAA KASE 2, 3 BAFA 13-22

Akɛnɛ anɔkuale Kristofoli ngɛ Yesu se nyɛɛe heje ɔ, a le kaa e sa nɛ a ba a he si. Munyu nɛ sɛ hlami nɛ wa maa kase ɔ tsɔɔ bɔnɛ Yesu ba e he si ha nɛ e sa kaa waa kase lɛ. Munyu enyɔne ɔ maa tsɔɔ wɔ bɔnɛ wa ma plɛ kɛ pee wa he nɔ nyafii pe kulaa ngɛ wa si himi mi ha.

MUNYUHI NƐ A MAA KASE 4, 5 BAFA 23-32

Munyu nɛ ɔmɛ nɛ wa maa kase ɔ maa ye bua wɔ nɛ waa na bɔnɛ Yehowa suɔ kaa e kɛ yayamihi nɛ hɛdɔ ngɛ a he wawɛɛ ɔ po maa pa ha. Eko ɔ, si himi komɛ ma ha nɛ e maa ye ha wɔ kaa waa kɛ nihi a tɔmi maa pa mɛ. Se sisi tomi mlaahi nɛ ngɛ Ngmami ɔ mi ɔ ma nyɛ maa ye bua wɔ nɛ waa kɛ nihi a tɔmihi nɛ pa mɛ.