Hwɔɔmi Mɔ INTANƐTI NƆ NITO HE
Hwɔɔmi Mɔ
INTANƐTI NƆ NITO HE
Dangme
Ɛ
  • ã
  • á
  • ɛ
  • ɛ́
  • ɛ̃
  • ɔ
  • ɔ́
  • í
  • ĩ
  • BAIBLO
  • WOMIHI
  • ASAFO MI KPEHI
  • w17 March bf. 32
  • A Na Baiblo Mi Biɛ Ko Ngɛ Blema Buɛ Ko He

Ngmami nɛ ɔ he video be amlɔ nɛ ɔ.

Wa kpa mo pɛɛ nyagba ko he je ɔ, video ɔ hí jemi.

  • A Na Baiblo Mi Biɛ Ko Ngɛ Blema Buɛ Ko He
  • Hwɔɔmi Mɔ E Ngɛ Yehowa Matsɛ Yemi ɔ He Gɔgɔ Fiae (Nɔ́ Nɛ A Maa Kase)—2017
  • Munyu Nɛ Ngɛ Kaa Enɛ ɔ
  • Mawu Biɛ ɔ​​—Bɔ Nɛ A Kɛ Tsu Ní Ha Kɛ Bɔ Nɛ E Sisi Tsɔɔ
    Mɛni Tutuutu Ji Baiblo ɔ Tsɔɔmi?
  • Kɛ A Tsɛɛ Mawu Kɛɛ?
    Hwɔɔmi Mɔ E Ngɛ Yehowa Matsɛ Yemi ɔ He Gɔgɔ Fiae (Ma Bi A Nɔ́)—2019
Hwɔɔmi Mɔ E Ngɛ Yehowa Matsɛ Yemi ɔ He Gɔgɔ Fiae (Nɔ́ Nɛ A Maa Kase)—2017
w17 March bf. 32
A ngɔ blema Kanaan ní ngma kɛ ngma Baiblo mi biɛ ko ngɛ blema buɛ ko nɛ ye jeha 3,000 ɔ he

A Na Baiblo Mi Biɛ Ko Ngɛ Blema Buɛ Ko He

Buɛ ko nɛ ye jeha 3,000

Ngɛ jeha 2012 ɔ mi ɔ, a na buɛ ko nɛ ye maa pee jeha 3,000 nɛ e ywia ngɛ zu mi. Nihi nɛ a tsuaa si kɛ hlaa blema níhi a mi ɔ a bua jɔ wawɛɛ. Mɛni he je? Tsa pi buɛ nɛ ywia nɛ a na a kɛkɛ nɛ ha nɛ a bua jɔ, mohu ɔ, ningma ko nɛ a na ngɛ he ɔ he je.

Benɛ nihi nɛ a tsuaa si kɛ hlaa blema níhi a mi ɔ ngɔ buɛ nɛ ywia a kɛ tsa a bi a nya a, a na Kanaan bi a ningma ko ngɛ buɛ ɔ he. A ngma ngɛ he ke: “Eshba’al Ben Beda’,” nɛ sisi ji “Beda binyumu Eshbaal.” Enɛ ɔ ji kekleekle be nɛ nihi nɛ a tsuaa si kɛ hlaa blema níhi a mi ɔ na biɛ nɛ ɔ nɛ a kɛ blema ningma ngma.

Ngɛ anɔkuale mi ɔ, a tsɛɛ nɔ ko hu ke Eshbaal ngɛ Baiblo ɔ mi. E ji Matsɛ Saul binyumu ɔmɛ a kpɛti nɔ kake. (1 Kron. 8:33; 9:39) Ní lelɔ kpanaa ko nɛ a tsɛɛ lɛ ke Yosef Garfinkel nɛ e piɛɛ nihi nɛ tsua si ɔ a he ɔ de ke: “E ji bua jɔmi sane kaa a kɛ biɛ nɛ ji Eshbaal nɛ ngɛ Baiblo ɔ mi ɔ tsu ní be mi nɛ Matsɛ David ngɛ nɔ yee ɔ. Amlɔ nɛ ɔ, a ngma biɛ nɛ ɔ ngɛ nihi nɛ a tsuaa si kɛ hlaa blema níhi a mi ɔ a womi mi, nɛ lɔ ɔ hu tsɔɔ kaa a kɛ biɛ nɛ ɔ tsu ní be mi nɛ Matsɛ David ngɛ nɔ yee ɔ pɛ.” Enɛ ɔ ji nɔ́ kpa ko hu nɛ maa nɔ mi kaa blema níhi a mi hlami kɛ Baiblo ɔ kpaa gbi.

Baiblo ɔ mi womi kpa ko hu tsɛɔ Eshbaal ke Ishboshet. A ngɔ “boshet” kɛ to “baal” nane mi. (2 Sam. 2:10) Mɛni he je? Níhi a mi hlali tsɔɔ kaa eko ɔ, nɔ nɛ ngma Samuel womi nɛ ji enyɔ ɔ, ngɔɛ biɛ nɛ ji Eshbaal kɛ tsu we ní, ejakaa biɛ nɛ ɔ haa nɛ Israel bi ɔmɛ kaiɔ Kanaan bi a hiɔmi mawu Baal. Se ngɛ Kronika womi ɔ mi ɔ, a ngɔ biɛ Eshbaal ɔ kɛ tsu ní.

    Dangme Womihi Tsuo (2000-2025)
    Moo Je Mi
    Moo Sɛ Mi
    • Dangme
    • Kɛ Mane
    • Bɔ Nɛ O Suɔ Lɛ Ha
    • Copyright © 2025 Watch Tower Bible and Tract Society of Pennsylvania
    • E He Mlaahi
    • Laami Sanehi A He Mlaahi
    • Laami Sanehi A He Blɔ Nya Tomi
    • JW.ORG
    • Moo Sɛ Mi
    Kɛ Mane