Mi Ní

Kɛ je blema tɔɔ ɔ, lami ji Yehowa we bi a jami ɔ fã ko nɛ he hia wawɛɛ. Se kɛ̃ ɔ, eko ɔ, e he waa haa ni komɛ kaa a ma la wawɛɛ ngɛ ma hɛ mi. Kɛ wa ma plɛ kɛ la wawɛɛ kɛ je Yehowa yi nɛ wa be gbeye yee ha kɛɛ? Munyu nɛ ɔ maa ye bua wɔ konɛ waa na yi mi tomi kpakpa komɛ a he je nɛ e sa kaa wa la wawɛɛ kɛ bua jɔmi, nɛ e maa tsɔɔ wɔ ní komɛ hu nɛ wa ma nyɛ maa pee konɛ wa nyɛ nɛ wa la wawɛɛ.

Wa ma nyɛ maa kase ní kpakpahi kɛ je wesa he mahi nɛ a to he blɔ nya ngɛ blema Israel ɔ mi. Ngɛ munyu nɛ sɛ hlami ɔ mi ɔ, mo kadi blɔhi a nɔ nɛ yayami peeli ma nyɛ maa gu kɛ sa we ngɛ Yehowa ngɔ mwɔnɛ ɔ. Ngɛ munyu enyɔne ɔ mi ɔ, moo hyɛ bɔ nɛ nɔ hyɛmi nɔ́ nɛ Yehowa pee ɔ yeɔ bua wɔ ha konɛ waa ngɔ nihi a he tɔmihi kɛ pa mɛ, waa bu wami, nɛ waa ye dami sane.

A kɛ munyu enyɔ nɛ ɔmɛ da kɔkɔ bɔmi nɛ Mawu mumi ɔ ha nɛ Paulo kɛ ha Kristofohi nɛ a ngɛ Kolose ɔ nɔ. Munyu nɛ sɛ hlami ɔ tsɔɔ nɔ́ nɛ e sa kaa waa pee ke ji wa nu je ɔ susumi ko nɛ e ngɛ kaa nɔ́ nɛ nihi fuu kplɛɛ nɔ aloo e ji anɔkuale ɔ. Munyu enyɔne ɔ ma kai wɔ bɔ nɛ wa ma plɛ kɛ yu wa he ngɛ ní peepeehi nɛ ma nyɛ ma ha nɛ jɔɔmihi nɛ Yehowa wo si ɔ nɛ bɔ wɔ ɔ he.