Adafi Fiami

◼ Womi nɛ a kɛ ma ha ngɛ April kɛ May: Nyɛɛ ngɔ Watchtower kɛ Awake! womi tɛtlɛɛ ɔmɛ kɛ ha. Ke nyɛ kpale ya slaa nihi nɛ ngɛ munyu ɔ he bua jɔmi, kɛ nihi nɛ ba Kaimi ɔ loo Kristofoli a he nya buami kpa ko se a kɛ asafo ɔ bɔɛ lolo ɔ, nyɛɛ bɔ mɔde kaa nyɛ ma si Mɛni Tutuutu Ji Baiblo ɔ Tsɔɔmi? womi ɔ ha mɛ. Yi mi tomi ɔ ji kaa nyɛɛ kɛ mɛ maa je Baiblo mi nikasemi sisi. June: Nyɛɛ ngɔ Mɛni Tutuutu Ji Baiblo ɔ Tsɔɔmi? womi ɔ kɛ ha. July: Nyɛɛ ngɔ womihi nɛ hɛɛ bafa 32 nɛ nyɛ ngɛ kɛ ha.

◼ A ngɛ blɔ nya toe konɛ a fia 2009 kpe ngua kɛ mahi a kpɛti kpe ɔ he adafi ngɛ je ɔ mi tsuo. Fiɛɛli ma gba nine fɔmi womi klɛdɛɛ ngɛ a zugba kpɔ ɔmɛ a mi. E sa nɛ a gba nine fɔmi womi ɔmɛ ke e piɛ otsi etɛ nɛ nyɛ asafo ɔ maa ya kpe ɔ.

◼ Fiɛɛli tsuo a nine maa su kpe ɔ he kadimi nɔ́ nɛ a kɛ maa gugue nya (lapel badge) nɔ kɛ gu asafo ɔmɛ a nɔ. Kadimi nɔ́ nɛ ɔ kɛ̃ nihi nɛ maa ya mahi a kpɛti kpe ɔ maa ma ngɛ a gugue nya.