Adafi Fiami

◼ Womi nɛ a kɛ ma ha ngɛ October: Nyɛɛ ngɔ Watchtower kɛ Awake! womi tɛtlɛɛ ɔmɛ kɛ ha. November: Nyɛɛ ngɔ Mɛni Tutuutu Ji Baiblo ɔ Tsɔɔmi? womi ɔ kɛ ha. December: The Greatest Man Who Ever Lived aloo Learn From the Great Teacher. January: Mɛni Tutuutu Ji Baiblo ɔ Tsɔɔmi?

◼ A kɛ Teokrase Sɔmɔmi Sukuu ɔ He Blɔ Nya Tomi ɔ nɛ a kɛ woɔ Wa Matsɛ Yemi Sɔmɔmi ɔ kpɛti daa jeha a be mi woe hu. Mohu ɔ, a maa mane asafo tsuaa asafo jeha blɔ nya tomi ɔ eko, nɛ a kɛ kake maa mɛtɛ adafi fiami mɛtɛmi he ɔ ngɛ Matsɛ Yemi Asa a nɔ. Kake hu maa hi sukuu nɔ hyɛlɔ ɔ dɛ, nɛ e maa hyɛ nɔ kɛ gba nítsumi ha nyɛmimɛ. Daa nyɔhiɔ ɔ, fiɛɛli a nine maa su Wa Matsɛ Yemi Sɔmɔmi ɔ nɛ daa otsi Asafo Baiblo Mi Nikasemi, Teokrase Sɔmɔmi Sukuu, kɛ Sɔmɔmi Kpe ɔ he blɔ nya tomi ngɛ mi ɔ nɔ.