Adafi Fiami

◼ Womi nɛ a kɛ ma ha ngɛ March: Mɛni Tutuutu Ji Baiblo ɔ Tsɔɔmi? Nyɛɛ bɔ mɔde kaa nyɛ maa je Baiblo mi nikasemi sisi. April kɛ May: Nyɛɛ ngɔ Watchtower kɛ Awake! womi tɛtlɛɛ ɔmɛ kɛ ha. June: Mɛni Tutuutu Ji Baiblo ɔ Tsɔɔmi?

◼ Ke Watchtower kɛ Awake! ehehi ba a, a gba ha fiɛɛli amlɔ nɔuu. Enɛ ɔ ma ha nɛ a maa le womi ɔmɛ a mi munyu ɔmɛ loko a ma kɛ ya ha nihi ngɛ fiɛɛmi mi. E sa nɛ nikɔtɔma amɛ nɛ a hyɛ konɛ asafo ɔ nine nɛ su womi tɛtlɛɛhi nɛ hiɛ bɔnɛ sa nɛ a kɛ ma tsu ní ngɛ fiɛɛmi mi ɔ nɔ.

◼ A maa ye Kaimi ɔ ngɛ Pɛplɛgbi, March 30, 2010. Lahi nɛ a ma la ngɛ Kaimi ɔ yemi ɔ mi ji la 8 kɛ 109, nɛ a je kɛ je la womi ehe ɔ mi. Ke nyɛ asafo ɔ peeɔ nikasemi Pɛplɛgbi ɔ, nyɛ hla ligbi kpa ngɛ otsi ɔ mi nɛ nyɛ kɛ pee nikasemi ɔ. Ke asafohi fuu peeɔ nikasemi ngɛ Matsɛ Yemi Asa a nɔ nɛ lɔɔ heje nyɛ be nyɛe maa tsɛ̃ nikasemi ɔ kɛ to ligbi kpa a, nyɛ ma nyɛ maa po nikasemi ɔ mi. Ke munyu komɛ ngɛ Sɔmɔmi Kpe ɔ mi nɛ a he hia nyɛ asafo ɔ, nyɛ ma nyɛ maa ngɔ kɛ piɛɛ Sɔmɔmi Kpe nɛ nyɛ maa pee be kpa a he.

◼ Nihi nɛ a ngɔɔ TWI Watchtower Library kɛ tsuɔ ní ɔ nɛ a kadi: Ke nyɛ ma nyɛ maa ngma ‘ɛ’ kɛ ‘ɔ’ ningma okadi ɔmɛ ngɛ he nɛ a ngmaa munyunguhi ngɛ kɛ hlaa níhi ngɛ computer nɔ ɔ mi ɔ, wa kpa nyɛ pɛɛ nɛ nyɛɛ kane blɔ tsɔɔmi nɛ ngɛ Readme nɛ ngɛ CD-ROM ɔ nɔ ɔ. Wa ngɛ nɔ tsuaa nɔ he wami woe konɛ e to e tsui si kɛ kane Readme ɔ saminya, titli fa nɛ kɔ nɔ́ nɛ wa tu he munyu ngɛ yinɔ ɔ he ɔ loko e ngɔ blɔ nya tomi ɔ kɛ wo e computer a nɔ.