Adafi Fiami

◼ Womi nɛ a kɛ ma ha ngɛ April: Watchtower kɛ Awake! womi tɛtlɛɛ ɔmɛ. Ke nyɛ kpale nyɛ se kɛ ya slaa nihi nɛ a ngɛ munyu ɔ he bua jɔmi, aloo nihi nɛ a ba Kaimi ɔ yemi ɔ, aloo nihi nɛ a ba teokrase ní peemi ko sisi se a kɛ asafo ɔ bɔɛ gbagbanii ɔ, nyɛɛ bɔ mɔde nɛ nyɛ ha mɛ Mɛni Tutuutu Ji Baiblo ɔ Tsɔɔmi? womi ɔ. Nyɛ kɛ ma nyɛ hɛ mi kaa nyɛ maa je Baiblo mi nikasemi sisi. May: Nyɛɛ ngɔ Watchtower kɛ Awake! womi tɛtlɛɛ ɔmɛ kɛ ha. June: Mɛni Tutuutu Ji Baiblo ɔ Tsɔɔmi? July: Womi saisaa nɛ hɛɛ bafa 32.

◼ Ke e su otsi nɛ a maa pee kpe ngua a, aloo kpe wayo ɔ, aloo ligbi kake kpe klɛdɛɛ ɔ, a be Asafo Baiblo Mi Nikasemi, kɛ Teokrase Sɔmɔmi Sukuu ɔ, kɛ Sɔmɔmi Kpe ɔ pee. Ngɛ enɛ ɔ he ɔ, wa ngɛ nɔ tsuaa nɔ he wami woe konɛ e kase kpe etɛ nɛ ɔmɛ a mi munyu ɔmɛ ngɛ e dɛhe. A ma nyɛ maa pee enɛ ɔ ngɛ gbɔkuɛ Weku Mawu Jami ɔ mi.

◼ Munyu klɛdɛɛ nɛ a maa tu ngɛ 2010 Kaimi ɔ yemi be ɔ mi ɔ yi ji, “Tue Mi Jɔmi Kɛ Slɔkee Si Himi Nitsɛnitsɛ—Mɛni Be E Maa Ba?” A maa tu munyu nɛ ɔ ngɛ asafohi fuu a mi ngɛ otsi nɛ je sisi Hɔɛgbi, April 12, 2010. E sɛ kaa a tu munyu klɛdɛɛ nɛ ɔ ngɛ asafo ko mi loko e su April 12.