Teokrase Sɔmɔmi Sukuu ɔ Mi Nylɔmi

Wa ma susu sane bimi nɛ ɔmɛ a he ngɛ Teokrase Sɔmɔmi Sukuu ɔ mi ngɛ otsi nɛ je sisi April 26, 2010. Sukuu nɔ hyɛlɔ ɔ maa ngɔ hɛngmɛfia 20 nɛ e kɛ tue buli ma nylɔ níhi nɛ a kase kɛ je March 1 kɛ ba si April 26, 2010 otsi ɔ mi ɔ mi.

1. Kɛ Naomi ngɛ tsɔɔe kɛɛ benɛ e de ke: “Ope ɔ te si wo mi, nɛ e ha i na nɔ́” ɔ? (Rut 1:21) [w05-E 3/1 bf. 27 kk. 1]

2. Mɛni suhi Rut ngɛ nɛ ha nɛ e ji “yo kpakpa”? (Rut 3:11) [w05-E 3/1 bf. 28 kk. 6]

3. Mɛni blɔ nɔ munyu nɛ Elkana tu ke, “anɛ i pi binyumuhi nyɔngma kɛ ha mo lo” ɔ wo e yo ɔ he wami ngɛ? (1 Sam. 1:8) [w90-E 3/15 bf. 27 kk. 5-6]

4. Mɛni heje nɛ matsɛ nɛ Israelbi ɔmɛ bi kaa a ha mɛ ɔ sɛ ɔ? (1 Sam. 8:5) [w05-E 9/15 bf. 20, kk. 17; it-2-E bf. 163 kk. 1]

5. Mɛni blɔ nɔ Samuel nɛ e ‘bwɔ nɛ e yi bwɔmi hiɛ futaa a,’ pee nɔ hyɛmi nɔ́ kpakpa ngɛ sɔlemi nɛ e sɔle ha nihi ɔ blɔ fa mi, nɛ mɛni enɛ ɔ tsɔɔ wɔ? (1 Sam. 12:2, 23) [w07-E 6/1 bf. 29 kk. 14-15]

6. Mɛni heje nɛ Saul na Kenbi ɔmɛ mɔbɔ saminya a? (1 Sam. 15:6) [w05-E 3/15 bf. 22 kk. 10]

7. Mɛni ha nɛ Saul bi David ke, “Niheyo, mɛnɔ bi ji mo” ɔ? (1 Sam. 17:58) [w07-E 8/1 bf. 31 kk. 3, 5]

8. Mɛni wa ma nyɛ maa kase kɛ je haomi agbo nɛ David tsu he ní ngɛ ma nɛ ji Gat ɔ mi ɔ mi? (1 Sam. 21:12, 13) [w05-E 3/15 bf. 24 kk. 4]

9. Mɛni blɔ nɔ Yonatan je suɔmi kɛ he si bami kpo be mi nɛ e he hia kaa e ye bua e huɛ David nɛ é wo lɛ he wami ɔ? (1 Sam. 23:17) [lv bf. 28 kk. 10, sisi ningma.]

10. Mɛni wa kaseɔ kɛ jeɔ yo ní peelɔ nɛ ngɛ Endor nɛ Saul ya e ngɔ ɔ mi? (1 Sam. 28:8-19) [w05-E 3/15 bf. 24 kk. 7]