Wa Mɔde Bɔmi Ngɛ Fiɛɛmi ɔ Mi

Nítsumi nɛ wa tsu ngɛ April 2010 a sa kadimi wawɛɛ nitsɛ. Yehowa jɔɔ wa mɔde bɔmi ɔ nɔ nɛ wa ná nɔ yami nɛ pe kulaa ngɛ níhi fuu a mi. Daa blɔ gbali a yibɔ ya hɛ mi kɛ su 7,038, enɛ ɔ ji hɛ mi yami nɛ tsa nɔ nɔtonɔto si nyingmi enyɔ. Fiɛɛli a yibɔ ehe nɛ ya hɛ mi pe kulaa nɛ ji 101,659 ɔ ji hɛ mi yami lafa mi gbami 10 ke a kɛ to kekle jeha a nɔ́ ɔ he, nɛ a ngɔ ngmlɛfia nɛ hiɛ pe kulaa nɛ ji 1,944,215 kɛ tsu sɔmɔmi nítsumi ɔ. Enɛ ɔ ji kekleekle be nɛ wa ngɔ womi tɛtlɛɛ ɔmɛ nɛ hiɛ pe ayɔ kake kɛ ha ngɛ nyɔhiɔ kake mi; womi tɛtlɛɛhi nɛ waa kɛ ha a yibɔ ji 1,049,269. Jehanɛ se hu a kɛ nihi 300,480 pee Baiblo mi nikasemi, enɛ ɔ ji kekleekle be nɛ waa kɛ nihi nɛ a he hiɛmi su kikɛ ɔ pee Baiblo mi nikasemi ngɛ wa Ghana ma nɛ ɔ mi.

Nyɛmimɛ, enɛ ɔ ji amaniɛ bɔmi nɛ ngɛ bua jɔmi nɛ e sa kaa a je nyɛ tsuo nyɛ yi ngɛ he. Nyɛ ha nɛ wa ti nɔ tsuaa nɔ nɛ e mwɔ e yi mi kpɔ kaa e kɛ kã ma tsu ní kpami nítsumi ɔ.—Mat. 9:37, 38.