Wa Mɔde Bɔmi Ngɛ Fiɛɛmi ɔ Mi

Ngɛ May nyɔhiɔ ɔ nɔ ɔ, fiɛɛli fuu ngɔ a he kɛ wo daa blɔ gbami nítsumi ɔ mi nɛ enɛ ɔ ha nɛ a yibɔ ya su 7,146. Sukuubi, nihi nɛ a ba he jɔɔmi ngɛ nítsumi mi, binyɛmɛ, kɛ nihi nɛ a kɛ a be tsuo tsuɔ helo nya nítsumihi, se a to a be he blɔ nya konɛ a ná ngmlɛfia nɛ a ngɛ hlae ngɛ blɔ gbali a dɛ daa nyɔhiɔ ɔ piɛɛ nihi nɛ a ngɛ blɔ gbami nítsumi ɔ tsue ɔ kɛ kã a, a he. Enɛ ɔ ji nɔ hyɛmi nɔ́ kpakpa kɛ ha wɔ! Nyɛ ha nɛ waa kase a hemi kɛ yemi ɔ, be mi nɛ wɔ tsuo wa ngɛ hlae kaa wa ma tsu wa sɔmɔmi nítsumi ɔ kɛ pi si bɔnɛ wa si himi maa ngmɛ wɔ blɔ ɔ.