Wa Mɔde Bɔmi Ngɛ Fiɛɛmi ɔ Mi

Amaniɛ bɔmi nɛ wa nine su nɔ ngɛ jeha 2010 sɔmɔmi jeha a mi ɔ tsɔɔ kaa Yehowa ngɛ Matsɛ Yemi fiɛɛmi kɛ kaselɔ peemi nítsumi ɔ nɔ jɔɔe. (Mat. 28:19, 20) E ji bua jɔmi kaa wa maa bɔ nyɛ amaniɛ kaa wa ná fiɛɛli a yibɔ ehe nɛ pe kulaa nɛ ji nimli 104,050 ngɛ August nyɔhiɔ ɔ mi! Jehanɛ se hu ɔ, blɔ gbali a yibɔ nɛ hiɛ pe kulaa nɛ ji nimli 7,485 lɛ a kɛ a he wo ní kpami nítsumi ɔ mi. Wa pee Baiblo mi nikasemi nɛ hiɛmi su 326,791. Nyɛmimɛ, aye nyɛ koo!

A baptisi nihi nɛ a yibɔ su 7,136 ngɛ jeha 2010 sɔmɔmi jeha a mi. Yibɔ nɛ ɔ be yibɔ nɛ a baptisi ngɛ kekle jeha a mi ɔ he kɛ yibɔ 1,255. Enɛ ɔ hu ji yibɔ nɛ hiɛ pe kulaa nɛ wa ná. Ke wa tsu ní wawɛɛ ngɛ sɔmɔmi jeha ehe ɔ mi ɔ, wa ma nyɛ maa hyɛ blɔ kaa Yehowa maa jɔɔ mɔde nɛ wɔ tsuo wa maa bɔ ngɛ fiɛɛmi nítsumi ɔ mi ɔ nɔ.