Adafi Fiami

◼ Womi nɛ a kɛ ma ha ngɛ April: Watchtower kɛ Awake! womi tɛtlɛɛ ɔmɛ. Ke nyɛ kpale nyɛ se kɛ ya slaa nihi nɛ a ngɛ munyu ɔ he bua jɔmi, aloo nihi nɛ a ba Kaimi ɔ yemi ɔ, aloo nihi nɛ a ba teokrase ní peemi ko sisi se a kɛ asafo ɔ bɔɛ gbagbanii ɔ, nyɛɛ bɔ mɔde nɛ nyɛɛ kɛ mɛ nɛ je Baiblo mi nikasemi sisi ngɛ Mɛni Tutuutu Ji Baiblo ɔ Tsɔɔmi? womi ɔ mi. May: Nyɛɛ ngɔ Watchtower kɛ Awake! womi tɛtlɛɛ ɔmɛ kɛ ha. Nyɛɛ bɔ mɔde nɛ nyɛɛ je Baiblo mi nikasemi sisi nɔuu. June: Mɛni Tutuutu Ji Baiblo ɔ Tsɔɔmi? July: Womi saisaa nɛ hɛɛ bafa 32 nɛ nyɛ ngɛ ngɛ nyɛ asafo ɔ mi.

◼ Kɛ je May nyɔhiɔ ɔ nɔ kɛ yaa a, e sa nɛ asafohi tsuo nɛ a hla kekleekle Hɔ nɛ ngɛ nyɔhiɔ ɔ mi ɔ konɛ a kɛ je Baiblo mi nikasemi sisi. A ngma Watchtower a mi munyu nɛ e yi ji “Learn From God’s Word” ɔ konɛ e ye bua fiɛɛli nɛ a nyɛ nɛ a pee jã. A maa ngma munyu nɛ waa kɛ ma tsu ní ngɛ fiɛɛmi mi kɛ bɔnɛ wa ma plɛ nɛ waa kɛ nihi maa je Baiblo mi nikasemi sisi ngɛ kekleekle Hɔ nɛ ngɛ nyɔhiɔ nɛ maa nyɛɛ se ɔ mi ɔ ngɛ Wa Matsɛ Yemi Sɔmɔmi ɔ se.