Wa Mɔde Bɔmi Ngɛ Fiɛɛmi ɔ Mi

Atsinyɛ jemi ko be he kaa akɛnɛ nihi babauu ngɔ a he kɛ wo blɔ gbali a wami nítsumi ɔ mi ngɛ April 2011 ɔ mi heje ɔ, wa ya hɛ mi wawɛɛ ngɛ níhi fuu a mi nɛ wa ná yibɔ ehe nɛ hiɛ pe kulaa. Nihi 28,762 kɛ a he wo blɔ gbali a wami nítsumi ɔ mi! Daa blɔ gbali a yibɔ ɔ hu ya hɛ mi kɛ ya su 8,308. Enɛ ɔ tsuo ha nɛ wa ná fiɛɛli a yibɔ ehe nɛ hiɛ pe kulaa nɛ ji 105,466. Ngɛ April 2011 nyɔhiɔ ɔ mi ɔ, wa gba womi tɛtlɛɛhi nɛ hiɛ pe kulaa nɛ ji 1,389,339.

Jehanɛ se hu ɔ, e maa pee nyɛ bua jɔmi kaa nyɛ maa le kaa nihi 311,321 ji nihi nɛ ba Kaimi ɔ Yemi ɔ. Nyɛmimɛ nyumuhi kɛ yihi nɛ a sɔmɔ kaa be kpiti blɔ gbali klɛdɛɛ nɛ a yibɔ su 230 ɔ a ní nɛ a tsu wawɛɛ ɔ heje nɛ wa nyɛ ye Kaimi ɔ ngɛ mahi kɛ kɔpehi fuu a mi ɔ nɛ.

Ngɛ anɔkuale mi ɔ, enɛ ɔ ji amaniɛ bɔmi nɛ ngɛ bua jɔmi nɛ e sa kaa a je nyɛ tsuo nyɛ yi ngɛ he. Nyɛ ha nɛ wa ti nɔ tsuaa nɔ nɛ ya nɔ nɛ e kɛ kã nɛ tsu nítsumi nɛ he hia nɛ ɔ.—Mat. 24:14.