Adafi Fiami

◼ Womi nɛ a kɛ ma ha ngɛ October: Watchtower kɛ Awake! womi tɛtlɛɛ ɔmɛ. Ke nɔ ɔ bua jɔ munyu ɔ he ɔ, mo ha lɛ dɛ womi nɛ ji, Anɛ O Suɔ Kaa O Le Anɔkuale ɔ Lo? ɔ nɛ o bɔ mɔde nɛ o kɛ lɛ nɛ je Baiblo mi nikasemi sisi. November: The Bible—What Is Its Message? Ke nyɛ be eko ɔ, o ma nyɛ ma ha womiyo saisaa nɛ hɛɛ bafa 32 nɛ nyɛ ngɛ ngɛ nyɛ asafo ɔ mi. December: The Greatest Man Who Ever Lived. Ke nɔ ɔ ngɛ bimɛ ɔ, ha lɛ womi nɛ ji, Learn From the Great Teacher loo My Book of Bible Stories. January: Mɛni Tutuutu Ji Baiblo ɔ Tsɔɔmi? Nyɛɛ bɔ mɔde nɛ nyɛɛ je Baiblo mi nikasemi sisi nɔuu. Ke wetsɛ ɔmɛ ngɛ womi ɔ eko momo nɛ a sume kaa nɔ ko kɛ mɛ nɛ kase Baiblo ɔ, nyɛ ma nyɛ ma ha mɛ womi tɛtlɛɛ momohi loo womiyo saisaa nɛ tu haomihi nɛ a kɛ ngɛ kpee ɔ he munyu.

◼ Wa bua jɔ kaa wa ma ha nyɛ lemi kaa a ma bɔni Watchtower nɛ a pee kɛ ha ma bi ɔ peemi ngɛ Twi mi daa nyɔhiɔ ekohu. A maa je sisi kɛ je January 1, 2012 Watchtower a nɔ. A ma bɔni Awake! ɔ hu peemi daa nyɔhiɔ etɛ ngɛ Twi mi. A maa je sisi kɛ je January-March 2012 Awake! ɔ nɔ. Wa ngɛ nɔ tsuaa nɔ he wami woe nɛ e kɛ womi tɛtlɛɛ nɛ ɔmɛ nɛ pee e dɛhe nikasemi nɛ e kɛ ya fiɛɛmi hulɔ.

◼ A bɔni Watchtower a peemi ngɛ Blɛfo gbi nɛ mi wɛ mi kɛ je July 15, 2011 nɔ́ ɔ nɔ. Nihi nɛ a be Blɛfo gbi asafohi a mi hu ma nyɛ maa sɛ eko nɛ mɛ nitsɛmɛ a kase.