Teokrase Sɔmɔmi Sukuu ɔ Mi Nylɔmi

Wa ma susu sane bimi nɛ ɔmɛ a he ngɛ Teokrase Sɔmɔmi Sukuu ɔ mi ngɛ otsi nɛ je sisi December 26, 2011.

1. Ngɛ mɛni blɔ nɔ nɛ ga womi nɛ ngɛ Abɛ 30:32 ɔ ma nyɛ maa ye bua wɔ konɛ eko ɔ, ke wa tɔ̃ nɔ ko nɔ ɔ, wa ko ya nɔ nɛ waa wo e mi mi la? [w87-E 5/15 bf. 30 kk. 11]

2. Mɛni “bua jɔmi” kikɛ lɛ ke nɔ ko di se ɔ, lɔɔ be hae nɛ e tsui maa nɔ e mi? (Fiɛlɔ 2:1) [g-E 4/06 bf. 6 kk. 1-2]

3. E ngɛ mi kaa ni komɛ ma nya si kaa munyu nɛ Salomo tu ngɛ Fiɛlɔ 3:1-9 ɔ fĩ hemi kɛ yemi nɛ tsɔɔ kaa Mawu to nɔ́ tsuaa nɔ́ nɛ baa a he blɔ nya kɛ fɔ si momo ɔ se mohu lɛɛ, se mɛni blɔ nɔ lɛ munyu nɛ e ngma ngɛ Fiɛlɔ 9:11 ɔ tsɔɔ níhi a mi fitsofitso kaa Mawu tui nɔ́ tsuaa nɔ́ he blɔ nya kɛ fɔɛ si momo? (w09-E 3/1 bf. 4 kk. 4)

4. Ke wa pee wa he ‘dali tsɔ’ ɔ, mɛni oslaa ma nyɛ maa je mi kɛ ba? (Fiɛlɔ 7:16) [w10-E 10/15 bf. 9 kk. 8-9]

5. Ngɛ mɛni blɔ nɔ nɛ Lahi A Mi La 2:7, NW tsɔɔ kaa e sɛ nɛ nihi kɛ oya yemi nɛ hla a gba si himi he piɛɛli? [w06-E 11/15 bf. 19 kk. 1; w80-E 4/15 bf. 19 kk. 7]

6. Mɛni Shulam yo ɔ ‘nya nɛ e ngɔɔ kaa hwo’ kɛ ‘e lilɛ nɛ ngɛ kaa nyɔ nyu ɔ’ tsɔɔ? (Lahi 4:11) [w06-E 11/15 bf. 19 kk. 6]

7. Mɛni blɔ nɔ Yesu palemi biɛhi nɛ ji “Nyakpɛ Ga Wolɔ,” “Mawu He Walɔ,” kɛ “Tsɛ Nɛ Ngɛ Kɛ Yaa Neneene” ɔ ha nɛ wa le suhi nɛ e ngɛ kɛ bɔnɛ e nɔyemi ɔ ma ji ha ngɛ je ehe ɔ mi ɔ? (Yes. 9:6) [w91-E 4/15 bf. 5 kk. 7]

8. Mɛnɔmɛ a he lɛ a kɛ Israel ‘ma nɛ li Mawu’ ɔ ma nyɛ maa to, nɛ mɛnɔ nɛ e ma tsu ní kaa Yehowa “tso” kɛ kpata a hɛ mi? (Yes. 10:5, 6) [ip-1-E bf. 145 kk. 4, 5; bf. 153 kk. 20]

9. Mɛni heje nɛ gbami nɛ Yesaya gba kɛ kɔ Babilon he kaa “nɔ ko nɔ ko be lejɛ ɔ hie hu” ɔ sa kadimi ɔ, nɛ gbami nɛ ɔ nɛ ba mi ɔ ha nɛ wa ná mɛni nɔ mi mami mwɔnɛ ɔ? (Yes. 13:19, 20) [g-E 11/07 bf. 9 kk. 4-5]

10. Mɛni be Yesu nine su ‘David we ɔ nya safe ɔ’ nɔ, nɛ kɛ e kɛ safe nɛ ɔ tsu ní ha kɛɛ? (Yes. 22:22) [w09-E 1/15 bf. 31 kk. 2]