Adafi Fiami

◼ Womi nɛ a kɛ ma ha ngɛ February: Fiɛɛli ma nyɛ ma ha womihi nɛ nyɛɛ se nɛ ɔ a kpɛti kake: Is There a Creator Who Cares About You?, The Secret of Family Happiness, aloo The Bible—God’s Word or Man’s? March: Mɛni Tutuutu Ji Baiblo ɔ Tsɔɔmi? Nyɛɛ bɔ mɔde nɛ nyɛɛ je Baiblo mi nikasemi sisi nɔuu. April kɛ May: Watchtower kɛ Awake! womi tɛtlɛɛ ɔmɛ. Ke nɔ ko ná munyu ɔ he bua jɔmi ɔ, nyɛ ha lɛ dɛ womi nɛ ji Anɛ O Suɔ Kaa O Le Anɔkuale ɔ Lo? ɔ eko konɛ nyɛɛ bɔ mɔde nɛ nyɛɛ kɛ lɛ nɛ je Baiblo mi nikasemi sisi.

◼ A maa tu magbɛ nɔ munyu klɛdɛɛ ɔ Hɔ loo Hɔgba ke a ye Kaimi ɔ ta. Magbɛ nɔ munyu ɔ yi ji, “Anɛ Nyagbe ɔ Su Si Ta Pe Bɔnɛ O Susu ɔ Lo?”

◼ Ke o to kaa o ma ya slaa si ngɛ ma ko nɛ e biɛ be sɔmɔmi jeha he akɔtaa bumi loo adrɛs nɛ ngɛ jeha nɛ ɔ Yearbook ɔ nyagbe bafa a mi ɔ nɔ ɔ, wa kpa mo pɛɛ nɛ o ngma kɛ ya asafo ɔ nítsumi he kɔni ɔ kɛ bi blɔ tsɔɔmihi, kɛ kɔkɔ bɔmihi nɛ hia kaa o kɛ tsu ní. Eko ɔ, a tsi Matsɛ Yemi nítsumi ɔ nya ngɛ jamɛ a ma a mi. (Mat. 10:16) Ngɛ ma komɛ a nɔ ɔ, e ngɛ oslaa kaa nubwɔ ma ya hla Odasefoli, loo asafohi a se blɔ. Eko ɔ, a ma ha mo blɔ tsɔɔmi kpahi nɛ kɔɔ odase nɛ a yeɔ be mi nɛ a be fiɛɛmi tso mi loo womihi a hɛɛmi he. Blɔ tsɔɔmi nɛ ɔ nɛ o kɛ ma tsu ní ɔ maa po mo nitsɛ kɛ Matsɛ Yemi nítsumi ɔ he piɛ.—1 Kor. 14:33, 40.