Adafi Fiami

◼ Womi nɛ a kɛ ma ha ngɛ March: Mɛni Tutuutu Ji Baiblo ɔ Tsɔɔmi? Nyɛɛ bɔ mɔde nɛ nyɛɛ je Baiblo mi nikasemi sisi nɔuu. April kɛ May:  Watchtower kɛ Awake! womi tɛtlɛɛ ɔmɛ. Ke nɔ ko ná munyu ɔ he bua jɔmi ɔ, nyɛ ha lɛ dɛ womi nɛ ji Anɛ O Suɔ Kaa O Le Anɔkuale ɔ Lo? ɔ eko konɛ nyɛɛ bɔ mɔde nɛ nyɛɛ kɛ lɛ nɛ je Baiblo mi nikasemi sisi. June: Mɛni Tutuutu Ji Baiblo ɔ Tsɔɔmi?

◼ A maa ye Kaimi ɔ So, April 5, 2012. Ke nyɛ asafo ɔ peeɔ asafo mi kpehi So ɔ, lɛɛ nyɛɛ tsɛ̃ asafo mi kpe ɔ kɛ to ligbi kpa ngɛ otsi ɔ mi be mi nɛ asafo kpa ko be kpee ngɛ Matsɛ Yemi Asa a nɔ. Ke nyɛ be nyɛe maa pee jã nɛ enɛ ɔ maa sa nyɛ Sɔmɔmi Kpe ɔ he ɔ, nyɛ ma nyɛ nɛ nyɛɛ kɛ Sɔmɔmi Kpe ɔ mi munyuhi nɛ a he maa hia nyɛ asafo ɔ nɛ wo Sɔmɔmi Kpe kpa nɛ nyɛ maa pee ɔ mi.

◼ A ma susu Young People Ask videohi enyɔ nɛ ji, How Can I Make Real Friends? kɛ What Will I Do With My Life? ɔ he ngɛ Sɔmɔmi Kpehi nɛ a maa pee hwɔɔ se ɔ a mi. Ke nɔ ko maa hia eko ɔ, e ma nyɛ maa sɛ kɛ gu asafo ɔ nɔ amlɔ nɔuu.