Wa Mɔde Bɔmi Ngɛ Fiɛɛmi ɔ Mi

Wa gbe jeha 2011 “Mawu Matsɛ Yemi ɔ Nɛ Ba!” Kpe Ngua amɛ a peemi nya ngɛ January nyɔhiɔ ɔ kpɛti. Wa pee kpe ɔ kakaaka 71 ngɛ gbihi nɛɛ a mi ngɛ Ghana ma nɛ ɔ mi tsuo. Nihi nɛ a ya kpe ɔ tsuo a yibɔ ji, 248,143. Ke a gba nihi a yibɔ nɛ wa ná ngɛ kekle jeha a mi lafa a, e mi 4 ba piɛɛ nihi a yibɔ nɛ wa ná jeha nɛ ɔ he, nɛ a baptisi nihi nɛ a yibɔ su 3,608.

Nyɛmimɛ nɛ a ya Bolgatanga kpe ɔ bua jɔ wawɛɛ nitsɛ benɛ a nine su Bu Mawu Tue womiyo ɔmɛ a nɔ ngɛ Frafra gbi ɔ mi ɔ. Womiyo nɛ ɔmɛ ji kekleekle womiyohi nɛ a je kpo ngɛ kpe ngua nɛ a pee ngɛ Frafra gbi ɔ mi ɔ sisi.