Teokrase Sɔmɔmi Sukuu ɔ Mi Nylɔmi
Wa ma susu sane bimi nɛ ɔmɛ a he ngɛ Teokrase Sɔmɔmi Sukuu ɔ mi ngɛ otsi nɛ je sisi ngɛ June 25, 2012 ɔ mi. A ngma be nɛ a kɛ ma susu munyu ɔ eko tsuaa eko he ɔ kɛ piɛɛ sane bimi ɔ he konɛ ke daa otsi nyɛ ngɛ nyɛ he dlae kɛ ha sukuu ɔ, nyɛ nyɛ nɛ nyɛɛ pee níhi a mi hlami.
1. Mɛni wa ma nyɛ maa kase kɛ je Yeremia yi nɛ a baa ngɛ si himi nɛ mi wa nɛ e ya je mi ɔ mi? (Yer. 37:21) [May 7, w97-E 9/15 bf. 3 kk. 4–bf. 4 kk. 1]
2. Mɛni blɔhi a nɔ Kristofoli nɛ a ngɛ hɛ kɛ nɔ fɔmi kaa a maa hi si ngɛ zugba a nɔ ɔ guɔ kɛ kaseɔ Ebedmelek nɔ hyɛmi nɔ́ kpakpa a? (Yer. 38:8-13) [May 7, su-E bf. 179 kk. 9]
3. Akɛnɛ Yehowa gu Nebukadnezar asafoatsɛ ɔmɛ a nɔ kɛ bu Yeremia kɛ Baruk a he heje ɔ, e da blɔ kaa Kristofoli ma ha nɛ polisihi nɛ a kɛ tu nɛ bu a he mwɔnɛ ɔ lo? (Yer. 39:11-14) [May 14, w83-E 7/15 bf. 31]
4. Mɛni “ní nguahi” lɛ eko ɔ, Baruk ngɛ hlae ha e he, nɛ mɛni wa ma nyɛ maa kase kɛ je bɔnɛ e bu ga nɛ Yehowa wo lɛ ɔ tue ha a mi? (Yer. 45:5) [May 21, w06-E 8/15 bf. 18 kk. 1; bf. 19 kk. 6]
5. Be mi nɛ Yehowa ngɛ tue gblami nɛ sa nɛ e kɛ maa ba Edom nɔ ɔ he munyu tue ɔ, mɛni heje nɛ e tsɔɔ kaa e slo lɛ ngɛ ‘wai yiblii nya buali’ kɛ “juli” a he ɔ? (Yer. 49:9, 10) [May 28, w77-E bf. 442 kk. 7–bf. 443 kk. 1]
6. Mɛni wa ma nyɛ maa kase kɛ je nɔ́ nɛ ba Matsɛ Zedekia nɔ ɔ mi benɛ e ‘tsɔ Babilon matsɛ ɔ hɛ mi atua’ a? (Yer. 52:3, 7-11) [June 4, w88-E 9/15 bf. 17 kk. 8; w81-E 4/1 bf. 13 kk. 3-4; bf. 14 kk. 6]
7. Mɛni ji Yehowa we nɛ a tu he munyu ngɛ Kɔmɔ Yemi 2:1, 6? (Kɔmɔ 2:1, 6) [June 11, w07-E 6/1 bf. 9 kk. 2]
8. Mɛni Yeremia ngɛ tsɔɔe benɛ e de ke Yehowa “ma kai nɛ e maa ba si ha” lɛ ɔ, nɛ mɛni heje nɛ enɛ ɔ he hia wɔ ɔ? (Kɔmɔ 3:20, NW) [June 18, w07-E 6/1 bf. 11 kk. 3]
9. Mɛni heje nɛ se nami ngɛ he kaa nɔ ko maa to e tsui si ngɛ nɔ́ nami mi ngɛ e nihe be mi ɔ? (Kɔmɔ 3:27) [June 18, w07-E 6/1 bf. 11 kk. 5; w87-E 2/15 bf. 24 kk. 1]
10. Ke nihi bui wɔ tue po ɔ, mɛni blɔ nɔ Ezekiel nɔ hyɛmi nɔ́ ɔ ma nyɛ maa ye bua wɔ nɛ waa fiɛɛ kɛ kã ngɛ? (Eze. 3:8, 9) [June 25, w08-E 7/15 bf. 8-9 kk. 6-7]