Adafi Fiami

◼ Womi nɛ a kɛ ma ha ngɛ June: Mɛni Tutuutu Ji Baiblo ɔ Tsɔɔmi? Nyɛɛ bɔ mɔde nɛ nyɛɛ je Baiblo mi nikasemi sisi nɔuu. Ke wetsɛ ɔmɛ ngɛ womi ɔ eko momo nɛ a sume kaa nɔ ko kɛ mɛ nɛ kase Baiblo ɔ, nyɛ ma nyɛ ma ha mɛ womi tɛtlɛɛ momohi loo womiyo saisaa nɛ a bua maa jɔ he. July kɛ August: Nyɛ ha nihi womiyo saisaa nɛ hɛɛ bafa 32 nɛ e maa hi kɛ nítsumi ngɛ nyɛ zugba kpɔ ɔ mi. Ke nyɛ kpale ya slaa nɔ ko ɔ, nyɛɛ kɛ Baiblo Tsɔɔmi womi ɔ nɛ ha lɛ, aloo nyɛɛ kɛ Bu Mawu Tue loo Bu Mawu Tue Nɛ O Hi Si Kɛ Ya Neneene womiyo ɔ eko tsuaa eko nɛ maa hi kɛ ha nɔ ɔ nɛ ha lɛ, nɛ nyɛɛ bɔ mɔde nɛ nyɛɛ kɛ lɛ nɛ je Baiblo mi nikasemi sisi. September: Watchtower kɛ Awake! womi tɛtlɛɛ ɔmɛ. Ke nyɛ kpale nyɛ se kɛ ya slaa mɛ ɔ, nyɛ ha mɛ Baiblo Tsɔɔmi womi ɔ, loo ke e maa hi ɔ, womiyohi nɛ ji, Bu Mawu Tue loo Bu Mawu Tue Nɛ́ O Hi Si Kɛ Ya Neneene ɔ, nɛ nyɛɛ bɔ mɔde nɛ nyɛɛ je Baiblo mi nikasemi sisi.

◼ Ke nyɛ ngɛ munyu nɛ ngɛ Sane Bimi He ɔ he susue ɔ, wa kpa nyɛ pɛɛ nɛ nyɛ kadi kaa, ke nɔ ko suɔ nɛ e ngɔ e weto níhi kɛ ha asafo ɔ, e he hia nɛ e ngma asafo ɔ mlaa nya biɛ ɔ nɛ da. Asafo ɔ mlaa nya biɛ ngɛ Ghana a ji, Watch Tower Bible and Tract Society of Ghana. Ke a tsɔɔ nɔ nɛ ma gba weto ní ɔ ngɛ womi nɛ a pee ɔ mi ɔ, e sa nɛ a ngma ngɛ womi ɔ mi hu kaa a to sika ko he blɔ nya konɛ nɔ nɛ ma gba ní ɔ nɛ e kɛ tsu níhi a he ní.

◼ Ke nyɛ ngɛ womi tɛtlɛɛhi nɛ a kɛ ma ha a he peemi kɛ tsɔɔ pee ngɛ Sɔmɔmi Kpe ɔ aloo fiɛɛmi yami kpe ɔ sisi ɔ, e sa nɛ asafohi nɛ a tuɔ Ghana gbihi ɔ nɛ a kɛ womi tɛtlɛɛhi nɛ a pee ngɛ a je gbi mi ɔ nɛ tsu ní ke a ngɛ eko. Enɛ ɔ ma ha nɛ nyɛmimɛ ɔmɛ ma nyɛ maa kase bɔnɛ a kɛ womi tɛtlɛɛ ɔmɛ ma ha ha a saminya.